Seerat E Sahabiyaat

bismillahirrahmanirrahim resimleri9

Transcript

Alhamdulillah
Alhamdulillahi Rabbil Alameen
Wassalaatu wassalaamu Alaa sayyidil mursaleen,wa’alaa aalihii, wa’assaahbihi ajmaa’iin. Amma ba’ad.
Auzu billah minash shaitaan nir rajeem, bismillah hir Rahmaan Nir Raheem.
Assalamualaikum warehmatullahi wabarakatuhu.

Seerath -e- sahaabiyaath.

Yeh silsalaa hum shuru kar rahe hain seerath e sahaabiyaath ka. Awwal yeh jann’na humko behat zaruri hai ke Sahabaa kaun hai? Sahabaa woh hai jinho ne halath E Emaan mein, Rasool Allah(sallalahu Alaihi Wasallam) ke saath apna waqt guzaraa,zindagi ka kuch hissa guzaraa, ya kisi ne saari zindagi guzaardi,ya zindagi ka kuch waqt guzaraa(yani kuch lamhaat guzare). Behre-haal yeh Sahaaba the jo halath e emaan mein, Allah(subhana watalaa) ke Rasool Muhammad(sallalahu Alaihi Wasallam) ko inho ne dekha.
Aur Sahabaa ka mua’anaz hai sahabiyaat. Sahabiyaat woh hastiyaa hain,jo gulshan-e-nabuwat ke mehekti galiyaan hai,Aftaab e Risaalat ke zulfishaan kirnein hai,Ye dabistaane Muhammad kee faiz yaaftaa tilmizaate rasheedaath hain(Sallalahu alaihi wasallam).Ye Qulqe Mujassim Rasool-e-Mu’azzam,Shaahe Umamm Sultan-e-Madeena(Sallalaahu alaihi Wasallam) ke Sahaabiyath haen ,Tayyibath Taaheraath Sayyidaath Inkaa mustanad aur Dil Aawaez wa Dil nasheein tazkeraa hum shuru karne jaa rahein hain.
Hum iskee Shuruwaath mein Allah(Subhana wa ta’ala se Dua go hae ke Allah(Subhana wa ta’ala Humko un jaisee Seerath un jaisaa Imaan ataa farmaaye Maalik .Unki Seerath dekhkar Allah paak humare Dilon mein unke naqshe qadam par chalne kaa shoq jagaa dein.Ameen ya Rabbul Aalameen..
Aur Allah(Subhana wa ta’ala se ye bhee Duaa hae ke Allah tala Humaare Ilm ke husool mein(Ya’ane hum jo ilm haasil kar rahe hain) usko Sunne,Samajhne aur apne dimaagh mein bithaane aur usko apnee Zindagi me  A’mal karne aur Dusron ko is cheez ko pohonchaane kee Taufeeq ataa farmaaye. Aur Humaare ilmi husool mein koyee kothaahee hogayee ho ya laghzish(ghalti) hogayee ho toh Allah(Subhana ta’ala) Humein Maaf farmaaye aur Humaari iss koshish ko humaare liye aur Humaari Aal Aulaad ke liye aur Allah tala humaare Maa Baap ke liye issko baaese Ajar-o-Sawaab Ameen Ya Rabb.
Ye Sahaabiyath ka tazkeraa jab hum kar rahein hain to Subhan’Allah sahaabiyath ke toh kayee kaarnaame hain,Jab hum in hasthiyon kaa ilm haasil karenge toh In sha Allah hum Dusre sahaabiyath se pehle Ummhaatul Mo’mineen kaa tazkera hum padhenge ke Ummhaatul Mo’mineen kee Seerathein kaisi thee,Humaari Maaein jinhone Mashhoor wa ma’roof Islaami karnaame anjaam diye. Konsi Wo Zindagi thee unkee,unki Zindagee ke kyaa pehlu the in sha Allah hum Humaari Maaon ke baare mein ilm haasil karenge..
Pehle Ummhaatul Mo’mineen ke baare me ilm haasil karenge,Phir Rasool Allah(Sallalahu alaihi wasallam) kee betiyon ke baare mein ilm haasil karenge,phir iske baad Dusre tamaam Sahaabiyath ke baare mein bhee in sha Allah hum ilm haasil karenge. Aur humaari wo hasthiyaan jo Haalat-e-Imaan mein Rasool Allah(Sallalahu alaihi wasallam) ke saath zindagi guzaaari aur azeem kaarnaame anjaam diye jiske ba’as Allah(subhana ta’ala) ne unko Jannat kee bashaarath bhee dee. Kayee aise Sahaabiyath bhee the jinhe Allah(Subhana wa ta’ala) ne Jannat kee bashaarath dee thee Muhammad(Sallalaahu alaihi wasallam ) kee zubaani.
‌In sha Allah jab hum inn Sahaabiyaath ke kaarnamo par nazar daalte hain to  tamaddun ke tamaam unwaanaath ya’ane Maasheraathi zindagi ke taqreeban tamaam pehluon mein inke ehem kaarnaame hai; jaise Siyaasi kaarnaame,Mazhabi kaarnaame,A’malee kaarnaame,ilmi kaarnaame aap dekhenge to Subhan’Allah muaasherathi sateh(level) ke har woh kaarnaame jo ek Insaan anjaam deta hae to humaare Sahaabiyath ka tazkeraa in tamaam cheezon mein humko milega.
‌Hum jab inkee zindagiyon par nazar daalenge to inki Zindagi kaa koyee pehlu humein aisaa nazar naa aaega jo Islaam ki sar bulandi mein hissa lene waala naa ho.Ye Sahaabiyaath he the jinhone Subhan’Allah aise apnee zindagi me kaarnaame anjaam diye ke unhone ye saabith kardiyaa ke Islaam kee sar bulandi mein Aurat kaa bhee bohot badaa hissa hota hai. Aise kayee kaarnaame humko inkee zindagiyon se milenge jahan hum ye dekh paaenge ke A’elaa-e-Kalimatullah ka haq adaa karene waali humaari Maaein kaisi zindagi unhone guzaari,kyaa kaarnaame kiye,aur ye Seerath ke wa’qeaath humko yaad dilaate hain aur hume andaazaa hotaa hae ke beshak Humaari Maaon ne  Allah(Subhana wa ta’ala) ke Kalime ko buland karne ke liye bohot saari koshishein kee,bohot saari kaabishein kee,Alhumdulillah Allah(subhana wa ta’ala) unke A’amaal ko bhi qubool kar liyaa aur Duaa he humaare A’amaal bhi qubool  ho aur Jannat mein unkaa saath Naseeb ho.Ameen 
‌Ye toh Tamheed(Introduction) tha Sahaabiyath ka.
‌In sha Allah agle dars se hum shuruwaath karenge un Mayaa naaz wa Azeemul Murtabath hasthiyon ke ta’lluq se ilm haasil karenge.
‌Allah(Subhana wa ta’ala se Du’aa hae ke Allah humein iss silsile ko mukammil karne waala banaye aur Allah paak humari madad farmaaye.Ameen ya Rabbul Aalameen.
‌AsSalamu alaikum Wa Rahmatullahi Wa Baratakuhu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s