Archives

SABAQ 43

Mar5

Assalamu alaikum Wa Rahmatullahi Wa Barakaatuhu

 
SEERAH OF MUHAMMAD ( SalAllahu alaihi wa sallam)   
 
 SABAQ 43
 
  • Dusri hijrath   Abyssinia ki taraf 
  •  Quraysh ka hijrath kiye hue Mominon ko wapas lana
 Surah An-Najm ki aakhri ayaah ki tilawath mukammal hote  hote saare log ka sajda karna Quraysh ko kamzor kar diya. Unki taqaat ka kam hona, woh log apna zulm badhakar barabar karna  chahte the, nahi tho log samjhenge ki yeh sab Rasool ( SalAllahu alaihi wa sallam) ke sach ke  paigam par yaqeen karte hai. Isliye , yeh Mominon par zulm aur sitam karna zor-o-shor se shuru kiya.
 Iske alawa,  Abyssinia ke Badshah ki mehmaan nawazi , un Mominon par jo unke watan ko hijrath kiye the, dekhkar Quraysh ki jalan badh rahi thi. Woh Badshah ki Mominon  ke saath rahemdili ka hisaab , unpar zulm karke barabar karne ki sochi. Hifazat ki soch kar Rasool ( SalAllahu alaihi wa sallam) ne faisla kiya ki ek Mominon ki jamaath phir se dusri baar Abyssinia ki taraf hijrath  karegi.
  82 ya 83 aadmi aur 18 auraten apne aap ko safar ke liye tayaar kiye. Is baar, beshaque, unke liye asaan nahi hoga , apne aap ko Quraysh se chupte chupaate, Makkah se nikalna, magar, yeh log kisi tarah, apne dushmanon se bachte bachaate Makkah chod kar safar ke liye rawana ho gaye.
✨QURAYSH KI KOSHISH HIJRATH KIYE HUE MOMINON KO WAPAS LANA✨
 Quraysh ko bahuth takleef mehsus hui ki Mominon ki itni badi jamaath inke zulm aur sitam ke dar ki muhim se bachkar nikalne mein kaamyaab rahi. Abyssinia mein mehfuz, Mominon ne ye khusi mehsus ki ke ab unke Imaan aur zindagi ke amal mein kisi ke muqalifath ka saamna karna na padega.
Bahre haal, Quraysh ke paas ek tarkeeb thi. Woh apne do hoshiyaar sifaarti numainde, Amr bin Al-As aur Abdullah bin Rabi’a, ko Abyssinia rawana kiya, taake woh wahan hijrath kiye hue Mominon ko wapas Arabia la sake. Tarkeeb ke mutabeeq, Quraysh ke do numainde pahele Abyssinia ke paadriyon(bishop) se mulaqaat karenge, unhe rishwath denge taake unhe Badshah ki azmath haasil ho. Jab woh  Badshah se  baatcheeth karne ka mauqa milne mein kaamyaab hue, woh Badshah ko Arab se laaye hue  nazraane pesh kiye.
Phir uske baad apna maasayil pesh kiya: 
” O Badshah! Kuch bewaqoof log , hamare shaher se aakar aapke aalishaan watan mein panah li hai. Woh log hamare deen ko tark kiya hai, magar bagair aapke deen ko apnaye, woh apna hi ek naya deen apne aap se ajaad kiya hai. Unke khandaan ke log, unka yeh fareeb jaankar, hame, unhe wapas laane ke liye Aap ki Shaan mein bheja hai.”
 Jab unlog ne apni arzi Badshah ke saamne pesh ki, Abyssinia ke padri khade hue aur Badshah se guzarish ki ke woh unlog ki baat maan le. Magar, Badshah, ek insaaf parasth shaks tha. Woh kahne laga ki woh dono jamaathon ko barabar mauqa dega , apne bayanaath dene ke liye. Usje baad hi woh kuch faisla karega. Momin abad kar ko Badshah ke darbaar mein pesh kiya gaya. Badshah ne unse sawaal kiya ki woh kyun ek naya deen qubool kiya hai, jo unhe apne watan, khandaan aur qabile se dur kar diya hai.
Ja’far bin Abu Taalib( R.A)
Rasool( SalAllahu alaihi wa sallam) ke chachere bhai the,saare Mominon ki taraf se khade hue aur kaha:
“O Badshah! Hum had se zyada jahalath ke desh mein the. Hum budhparasthi karte the, murdon ko khate the, bahuth saare makruhath aur nafrath kiya karte the. Hum apne rishtedaaron ka tark karte the, apne padosiyon se badsuluki karte the. Hum mein se taqaatwar, kamzor par hukumat aur zor zabardasti karte the. Hum usi tarah  zindagi guzaar rahe the jab tak ke Allah(swt) ne hum mein se hi ek ko paigamber qarar kiya, jiska azeem gharana , sacchayi, imaandaari aur paaki ko hum sab jaante hai.
 Woh hume dawaat di Khuda ke Ek hone ki, ( Tauheed) , Allah(swt) ki ibaadat aur pathar aur budh ki ibaadat chodneki jo hamare baap dada badi izzatafzayi kiya karte the. Woh hamen sach bolne ki taufeeq dete hai, apni baat par pakke  rahne ko, apne rishtedaar se rahemdili se pesh aane ko aur apne padosiyon se acha suluk karne ki taufeeq di. Woh hamen khoon karaba karne se , manchaha karne se, jhooth bolne se aur logon kn dhoka dene serokte hai. Woh hamen Eteem ki jaydaad ka khabza karne se ya auraton ke izzat se khelne se mana karte hai.
Woh hame hukum dete hai Allah( swt) ki ibaadat karne ki bina kisi ko Allah( swt) ke saath sharik kiye. Woh hamen ibadaat karne ki, roza rahne ki aur gareebon ka unka haq dene ki hidayath dete hai. Hum Unhe Allah( swt) ka bheja hua paigamber maante hai aur unpar yaqeeda rakte hai. Hum Unhe amal karte hai jo kuch Woh , Allah( swt) se laye hue hain, aur hum sirf Ek Rab ki ibaadat karte hai , bina kisi ko Uske saath sharik kiye. Hum un cheezon ko haram qarar kiya jo Aap ne hame karne se mana kiya aur woh cheezen apna li jo hamare liye halal qarar ki gayi.
Is par, hamare log bechain ho gaye. Woh hum par zulm karne lage, hamen laalach dene lage  aur zabardasti karne lage ki hum hamara Imaan chodkar wapas budhparasthi karna shuru kar de, aur woh saare cheezen karen jo hum pahele kiya karte the. Woh jab  hum par zulm aur zayathi  karne lage , aur hamen apni jahalath se nicha giraane lage aur hamare aur hamare deen ke beech taherne lage, tab hum aapke watan ko bhaag kar aa gaye, yeh jaankar  ham ne aap ko chuna hai ki aap dusron se alheda hai,. Hum aap ke paas aaye , O Badshah! Aapke watan ko , aapka ki panah ke liye. Hum umeed karte hai ki hame nainsaafi ka muqabla na karna pade” 
🌹🌹🌹🌹🌹🌹🌹🌹🌹
TO BE CONTINUED……
END IF PART 43….

SABAQ 42

Mar5
Assalamu alaikum Wa Rahmatullahi Wa Barakaatuhu 
 
SEERAH OF MUHAMMAD (SalAllahu alaihi wa sallam) 
 
SABAQ 42
  • 🔻 Abyssinia ki taraf hijrath ( continued) 
  • 🔻Mushrikeen bhi Mominon ke saath sajda karne lage.
  • 🔻 Abad kar ( jo watan chod chuke ) ki wapasi.
 Pahla Mominon ka group, Mahe Rajjab mein hijrath kiya, Muhammad( SalAllahu alaihi wa sallam) ke Rasool banne ke paanch saal ke baad. Barah(12) aadmi aur chaar(4) auraten thi jo Bahra -e-hamar (Red Sea) ke paar safar kiya. Uthman bib Affan ( R.A) is group ke sardaar the , jo apni biwi Ruqayyah ( R.A) jo Rasool( SalAllah alaihi wa sallam) ki beti thi , unke saath hijrath kiya. Unlogon ki apni marzi se jalaa-watan( apna watan chod dena) , Ibraheem( alaihi salaam) aur Luut( alaihi sallam) ke zamane se yeh pahela misaal bangaya jahan khandaan ne deeni aur mazhab ki wajah se hijrath ki .
 Ek din  aadhi raat ke baad ek chota sa abad kar ka group Makkah se phisal kar Shai’ba, ek bandargah jo Jeddah ke junubi hisse mein hai, wahan ka ruq kiya. Kushkismati se wahan par do sammani jahaaz the. Unlogon ne us jahaaz par sawaar hue aur Abyssinia ka safar tay kiya. Wahan par aap logon ko panah mili jabtak ke Allah(swt) ne aap logon ka raasta Makkah wapas aane ka mehfus na kar diya. 
 Jab Quraysh ko pata chala ki ek majma Makkah chod kar bhaag gaya, unlogon mein gusse ki aag bhadak uthi. Unlogon ne jaldi se apne kuch log wahan bheje taake unhe wapas laye aur unhe sabaq sikhaye, jisse woh apna Imaan rad karde. Bahre haal , Quraysh bandargah pahunche , magar der ho chuki thi— Momin , pahele hi apna safar tay kar chuke the. Quraysh thakehaare, naummeed hokar wapas Makkah aa gaye aur apna dusre tarkeeb sochne lage.
 MUSHRIKEEN BHI MOMIN KE SAATH SAJDA KARNE LAGE  
 Lagbhag Abyssinia ki taraf hijrath ke do mahine baad, Rasool( SalAllahu alaihi wa sallam) , Ka’bah aaye. Quraysh ke  bahuth saare log wahan maujud the, unke sardaar ,qabile ke bade aur ameer log saare wahan baite hue the.
 Qur’an ka Surah jiska naam An- Najm hai , woh abhi abhi Rasool( SalAllahu alaihi wa sallam) ko naazil hua tha. Achanak Rasool ( SalAllahu alaihi wa sallam) khade hue, aur Quraysh ke saamne, us Surah An-Najm ki tilawat karne lage. Quraysh chupchaap dekte rahe. Kisi ne bhi ab tak itne zordaar alfaaz nahi sune the.
 Woh hairaan ho gaye: Muhammad, unka kattar dushman, unke saamne khada hokar tilaawath kar raha hai aur woh baybas ho kar dekh rahe hai. Koi bhi Aap ko rok nahi paya, aur koi bhi Aap ka mazaak nahi uda saka.
Rasool ( SalAllahu alaihi wa sallam) , Surah ki aakhri ayaah par pahunche, aur ayaah ko mukammal karne ke baad Aap sajde mein gaye, apna sir zameen par rakhkar , apne Allah ki ibaadat mein, jo saari kainaath ka Rab hai.:
 “Allah ke saamne sajda karo aur uski ibaadat karo”. 📌( 53:62).
Maujiza taur par, Saare Quraysh , is tilaawath se itne mutassir hue ki woh bhi Aap ke saath sajde mein jhuk gaye. Ibn Mas’ud , Rasool ( SalAllahu alaihi wa sallam( ke Sahabiyon mein se ek hai, farmaya ki jo Quraysh wahan  us din  maujud the, un mein se ek, Umayya bin Khalaf, ” mutti bhar mitti liya aur apne peshaani par ragadne laga aur kaha, yeh mere liye kaafi hai”. Ibn Mas’ud ne aage chalkar Umayya ko Jung-e-Badr mein qatal hote dekha.
 
 ABAD KAR KI WAPASI 
 Yeh khabar ke kaise Quraysh ne Rasool ( SalAllahu alaihi wa salkam) ki  Qur’an ki ayaah ki tilawath sun kar sajda kiya, Abyssinia ke Mominon tak pahunch gayi. Aisi afwah phaili ki Quraysh ne Islaam qubool kar liya. Khusi se woh Abyssi ia chodkar Arabia ka safar tay kiya.
 Jaise hi woh sab Makkah ke sarhad par pahunche, unhe pata chala ki kuch bhi nahi badla. Quraysh abhi bhi Islam ke khilaaf hai aur Makkah abhi bhi dushmani sarhad hai. Naummeed hokar kuch log Abyssinia wapas jaane ka iraada kiya, aur kuch log Makkah mein dakhil ho gaye aur kuch meherbaan gair momin ke paas panah liya.
🌷🌷🌷🌷🌷🌷🌷🌷🌷
TO BE CONTINUED……….
END OF PART 42….

SABAQ 41

Mar5

Assalamu alaikum Wa Rahmatullahi Wa BarKaatuhu

 
🌱SEERAH OF MUHAMMAD ( SalAllahu alaihi wa sallam)   
 
 SABAQ 41
  • 🔻 Dar Al Arqam
  • 🔻Abyssinia ki taraf hijrath

 Shuruath mein Rasool ( SalAllahu alaihi wa sallam) ne Arqam bin Abi Al-Arqam ke ghar ko chupkar ibaadat , tableegh, ilm ki taleem dene ke markaz ki tarah istemaal kiya karte the. Yeh Aap ke muhim ke shurath ka paanchva saal tha.

 Arqam ka ghar  Mount Safa ke niche waqaih tha, Ka’bah se  aur  wahan ki bheed ki halchal se kuch kadam dur. Mushrikeen jo us jagah par rahte the, isliye , woh Arqam ke ghar mein jama hone wali majlis ko nahi ghaur kar sake.
 Rasool ( SalAllahu alaihi wa sallam) wahan apne Sahabiyon se mulaaqaat karte aur un sab ke liye Qur’an ki ayaah tilaawat karte aur woh sab ayaah ka hifz karte Yeh intezaamaath, 
Buniyaadi Mominon ko  Islam ke usool aur haquq ko achi tarah seekhne aur chupke se ibaadat karne mein madad ki, aur padosiyon ke gusse se ya apne khandaan ke logon ke gusse se jo abhi tak Islam nahi qubool kiya  mehfus rakha tha. 
Rasool ( SalAllahu alaihi wa sallam) tho beshaque , apni ibaadat khule aam jaari rakha taake sab unhe ibaadat karte hue dekhen. Zulm, beizzati, sitam aur zayathi ka saamna karte hue bhi , Aap Islam ke paigaam ki tableegh karte rahe aur jis se bhi milte rahe use Islam ki dawaat dete rahe. Yeh tho Allah ( swt) ki hikmath aur rahem tha ki Aap kabhie bhi apne muhim aur maqsad se piche nahi hue , bure se bure aur intehaayi mushkilon mein bhi.
 Aap ki mehnat aur mashakath ki wajah se, koi ruh Qayamat ke Din Allah( swt) se sawaal nahi kar payegi ke unke paas koi paigamber nahi bheja gaya , unhe aghaah karne ke liye aur gumraah ko seedha raasta bataane ke liye.
✨ABYSSINIA KI TARAF HIJRATH ✨
Zulm aur sitam ka silsila Aap ki paigambari ke chauthe(4) saal se dheere dheere shuru hokar, mussasil din ba din, mahina ba mahina badtha gaya aur kharaab se kharaab  hotha gaya jab tak ke halaath itne badtar hote gaye ke paanchve saal ke beech ke dauraan inhe sahna mushkil se mushkil hota gaya, ke Momin har mumkeen raaste dundne lage is dard bhare zulm aur sitam se  bachne ke liye.
Yeh wahi udaas aur mayusi ka maukha tha jab Surah Al Kahf ( Surah 18-The cave) naazil hui,  jisme Makkah ke budhparasthon ke har sawaal ka jawab tha jo woh Rasool( SalAllahu alaihi qa sallam) ko puch puch kar sataya karte the. Is mein theen kahaniyan hai jo aise missalen qayam kiye jisse ke sache momin ek saath jama ho jayenge.
 Surah Az- Zumar( Surah 30- The Crowd( majma) ) , uske baad naazil hui jisme hijrath ka ishara hua aur usme  farmaya  gaya ki duniya mein jagah ki koi kami nahi hai, aur Momin apne aap ko zulm aur shaytaani quwathon se dar kar ek hi jagah simith nahi rahna chahiye.
” Tum farmao, Aye mere bandhon jo imaan laaye, apne rab se daro, ‘jinhone bhalaayi ki, inke liye duniya mein bhalaayi hai,’ aur Allah ki zameen badi hai, (agar aap Allah ki ibaadat ek jagah pe nahi karsakte, tho aap dusri jagah chale jao) sabr karnewalon ko inka sawaab bharpur behissab diya jayega ” 📌 ( 30:10)
 Rasool ( SalAllahu alaihi wa sallam) ne dusra khadam uthaya , yeh sochkar ke Mominon ko jang aawar se mehfus kiya jaaye. Rasool * SalAllahu alaihi wa sallam)  ne suna tha Abyssinia ke Badshah ke baare mein , ki woh ek sacha Esayi hukmraan hai, jo apni zameen par zulm aur sitam nahi hone deta. Rasool ( SalAllahu alaihi wa sallam) ne Apni Momin jamaath se kaha ki woh Abyssinia ki taraf hijrath karen aur wahan panah le.
🍒🍒🍒🍒🍒🍒🍒🍒🍒
TO BE CONTINUED…..
END OF PART 41…..

SABAQ 40

Mar5
Assalamu alaikum Wa Rahmatullahi Wa Barakaatuhu
 
SEERAH OF MUHAMMAD  (SalAllahu alaihi wa sallam)   
 
 SABAQ 40
 
🔻 Rasool ( SalAllahu alaihi wa sallam) par zulm aur sitam
Quraysh sahi the apne bure bartaav ke sabab se , kyun ki Allah( swt) Rasool ( SalAllahu alaihi wa sallam) ki dua qubool kiya aur inhe inke azaabon ki saza di. Jung-e badr jo Muslims ki Makkah ke mushrikeen se paheli jung thi, woh har ek shaks jiska naam Rasool ( SalAllahu alaihi wa sallam) ne apne ibaadat mein liya tha woh sab jung- e -maidan mein halaak ho gaye.
 Aisa lagraha tha ke Islam ke dushmanon ki tadaad Rasool ( SalAllahu alaihi wa sallam) ke Sahabiyon se jyada thi. Saare mashoor shaksiyaath, siwaya kuch samajdaar aur khushkismat jaise Abu Bakr( R.A) aur Uthman ( R.A) ko chodkar baqi sab  apni daulat aur taaqat Rasool ( SalAllahu alaihi wa sallam) ke sath zulm aur sitam karne mein lagaya. Abu Jahl ke alawa, paanch aur ahem shaks the jinhone Rasool ( SalAllahu alaihi wa sallam) ke saath zyathi ki. Woh hai Waleed bin Mugheera Makhzoomi, Aswad bin Abd Yaghuth Zuhri, Abu Zam’a Aswad bin Abdul Muttalib Asadi, Harith bin Qays Khuzai aur As bin Wa’il Sahmi.
Rasool ( SalAllahu alaihi wa sallam) ne apni muhim ke ejaad ke baad, jitne bhi saal Makkah mein Aap ne guzara us waqt Aap ne ek baar bhi kisi se baadla nahi liya. Aap Allah( swt) ke wade se mutmayeen the ki Woh Apne Aap se mukhalifon aur badnaam karne walon se maheda karega. Akhri mein Rasool ( SalAllahu alaihi wa sallam) ke zaalim dushman ko takleef bhari mauth mili.
 Waleed bin Mugheera ko sirf ek theer ki noch padi, aur usne socha ki kuch nahi hua. Lekin jab farishte Jibra’eel ( alaihi salaam ) ne use noch ki taraf ruju kiya tho woh zakhm jalna shuru kiya. Woh zakhm Waleed ko itne saal sataya ki woh akhir kaar guzar gaya.
 Usi tarah , Jibra’eel ( alaihi salaam) ne Aswad bin Abd  Yaghuth ke sir ki taraf ruju kiya aur uske sir par phoday hue juski wajah se uski mauth ho gayi. Ek aur zariye mein ye bataya gaya hai ki yeh phode uske sir par suraj ki garmi ya lu ke wajah se hui jo Jibra’ eel ( alaihi salaam)  usko pahunchaya tha. Ek aur riwayath se yeh pata chala ki  Jibra’eel( alaihi salaam) ne Aswad ke pet ki taraf nishaana  kiya aur uska pet phul gaya , jiski wajah se uski mauth ho gayi.
 Jab Aswad bin Abdul Muttalib ka zulm Rasool ( SalAllahu alaihi wa sallam) par had se zyada ho gaya, tab Rasool( SalAllahu alaihi wa sallam) ne Allah( swt) se uski aankhon ki binayi “khinchne” ke liye kaha aur usko baap banne ke darje se mehroom karne ko kaha. Aap ke dua ke jawaab mein , Jibra’eel ( alaihi salaam) ko bheja gaya, thaake woh uske chehre par kaantedaar jhadi se waar kare taake Aswad apni binaayi kho baite. Aur phir aap ne uske bete par waar kiya jisse woh guzar gaya.
 Harith bin Qays, in paanch Rasool ( SalAllahu alaihi wa sallam) ke kattar dushman jiske naam upar bayaan kiye gaye,   mein ka akhri tha jo khatarnaak mauth ka shikaar hua. Jab woh mauth ke bistar par leta , uska  pet pheele siyaal se bhar gaya aur jo kuch uske anthadiyon mein tha  , woh sab uske naak ke zariye bahar nikalne laga.
Ruhaani madakhilath aur azaab un sab par jaari hua jo Islaam ke khilaaf  zor o shor se apni awaaz uthaye, magar zayada tar Rasool  ( SalAllahu alaihi wa sallam) khamoshi se sabr karte aur khud hi mushkilaath uthate, jaise ke Aap se pahele ke Paigamberon be uthaye. Aap ka sabr aur pokhtha Imaan dekhkar, dusre momim bhi mazboot ho gaye jab unpar Allah ki raah par chalne ke liye zulm kiya gaya. Zubani buraa bartaao aur jismaani  zulm jaari raha, is liye Rasool ( SalAllahu alaihi wa sallam) usse bachne ke alag alag tareeqe  socha karte the. Aap ne do tareeqe apnaye apne kamzor mominon ki hifazat karne ke liye.
🌹🌹🌹🌹🌹🌹🌹🌹🌹
TO BE CONTINUED…..
END OF PART 40….

SABAQ 39

Mar5
 Assalamu alaikum Wa Rahmatullahi Wa Barakaatuhu 
 
SEERAH OF MUHAMMAD (SalAllahu alaihi wa salla)
 
 SABAQ 39
🔻 Rasool ( SalAllahu alaihi wa sallam) par zulm aur sitam.
 Is beech , Quraysh ne Rasool( SalAllahu alaihi wa sallam) ko sataane ke liye naye tareekhe nikaalne lage: woh Aap ko Mudhammam kah kar pukaarna lage bajaye Muhammad kahne ke, jiska matlab bilkul Aap ke haqeeqi naam ” Muhammad” se ulta tha. “Muhammad ” jiska matlab hai zyada tareef ke qaabil, lekin jabke Mudhammam ka matlab hai sakhthi se mulamat ( inkaar) karna. Lekin, Allah( swt) ne Rasool( SalAllahu alaihi wa sallam) ki izzat ki hifazat ki yeh farmakar ki Quraysh tho us shaks ki beizzati kar rahe jisko Mudhammam kahkar pukaarte hai magar Rasool tho “Muhammad” hi hai naam se . 
 Jaise ke pahele bhi zikr kiya gaya ki,Rasool ( SalAllahu alaihi wa sallam) aur Aap ke Sahabiyon ke kattar dushmanon mein se ek hai Abu Jahl. Iska asli naam Abu Hakam, jiska haqeeqi matlab hai “Hikmath ka Baap”, lekin inka Rasool ( SalAllahu alaihi wa sallam) aur buniyaadi Momin  ki taraf bartaav dekhkar, inhe Abu Jahl, “Jahalath ka Baap” ke naam se laqab kiya gaya.
 Jo bhi mushrikeen ka muqaami deen chodkar Islam qubool kiya woh (namak haram) munkar e din kharaar kar diya jaata aur Abu Jahl unhe apne khayanath ki saza ka shikaar banata. Woh Rasool (SalAllahu alaihi wa sallam) ki saath khule aam bura bartaao karta, aur Rasool ( SalAllahu alaihi wa sallam) ko ibaadat karne se roktha.
 Ek din Abu Jahl ne dekha ki Rasool ( SalAllahu alaihi wa sallam) ibaadat kar rahe hai, tho usne Aapko satana ,zulm karna aur dhamkiyan dena shuru kiya. Akhirkaar, Rasool ( SalAllahu alaihi wa sallam) ne ek kapde ka tukda liya aur Abu Jahl ke gardan mein daal kar, use zor se hilate hue , Qur’an ke do ayaah padhe:
.” Tum par afsoos! Tum par afsoos! Phir se tum par afsoos! Tum par afsoos!” (75: 34-35).
 Abu Jahl palat kar bolne laga, 
 ” Muhammad! Tum mujhe lalkaar rahe ho! Khuda ki kasam, tum aur tumhara Rab mera kuch kharaba nahi kar sakta. Main is waadi ka sabse taaqatwar shaks hun.” ‘Kya badle ke liye bekharaar ho’ Abu Jahl apne saathiyon se puchne laga.”Kya Muhammad apna chehra zameen par rakhega aap log ke saamne? ” Haan” unlog ne jawaab diya. ” Laat aur Uzza ki kasam” Abu Jahl kaha, “Agar maine use aisa karte hue dekh liya, tho main uska chehra aur gardan mitti mein rondunga.”
 Woh din aaya hab Abu Jahl ne Rasool (SalAllahu alaihi wa sallam) ko ibaadat karte aur sujood karte dekha,  tho woh Aap ki taraf hamla kiya taake apni dhamki ka iraada  pura karen. Achanak  logon ne dekha ki woh peeche ho gaya  apne haath hawa mein udaate hue bina Rasool ( SalAllahu alaihi wa sallam) par hamla kiyejo tanha aur gair mehfus the .
 ” Kya hua , Abu Hakam? ” logon ne pucha.
 ” Ek aag ki khayi aur tabhahi ka manzar tehra hua hai mere aur unke beech” pareshaan Abu Jahl ne kaha.
 Rasool ( SalAllahu alaihi wa sallam) ne apne Sahabiyon se kaha, ” Agar woh mere paas aata, farishte uske haathon pairon par jhapat jaate.”
 Uqba bin Abi Mu’ayt , dusra shaks tha jo Rasool ( SalAllahu alaihi wa sallam) se bura aur neech bartaav karne ki wajah se , bahuth beizzati uthayi. Ek baar Rasool ( SalAllahu alaihi wa sallam) Ka’bah ke paas ibaadat kar rahe the jab Abu Jahl aur uske saathi wahan nazdeek mein baite hue the. Is beech Abu Jahl ne dusron se kaha,
 ” “Kya aap log mein se koi hai jo Banu ke falan falan uuton (camel) ka ahshaan( anthadiyaan) laye aur Muhammad ke peet par rakhe jab woh sujood mein ho? “
Uqba, apni himmat bataane ke liye bekharaar ho uta, woh wahan se utha aur  zuba kiye hue uunt ke  anthadiyaan laya. Woh baaju mein khada ho gaya aur maukha dekne laga ki kab Rasool ( SalAllahu alaihi wa sallam) sujood mein jayenge. Jab Aap apna sir zameen ki taraf sujood ke liye jhukaye, tab Uqba uunt ke anthadiyaon ko Rasool ( SalAllahu alaihi wa sallam) ke gardan aue khandon par daal diya.
 Abu Jahl aur uske saathi zor zor se hasne lage, lekin Rasool ( SalAllahu alaihi wa sallam) sujood mein hi the aur Aap ne apna sir nahi uthaya. Kisi ne jaakar Rasool ( SalAllahu alaihi wa sallam) ki beti Fatima( R.A) se saara kissa kaha. Woh bhaagte hue Ka’ bah ke paas pahunchi. Woh gandi badbu wale anthadiyon ko Aap par se hataya aur Aap apna sir uthaye aur Allah( swt) se dua karne lage.
 ” Aye Allah! Quraysh ko zabt karde!”
 Jab Abu Jahl aur uske saathiyon ne Muhammad ( SalAllahu alaihi wa sallam) ki dua suni, tho unhe apne dilon par bhaari wazan mehsus hua kyun ke unhe yaqeen tha ki Makkah mein har dua qubool hoti hai. Rasool ( SalAllahu alaihi wa sallam) apne dushmanon je saamne buland awaaz se dua karne lage, ek ke baad ek ka naam lelekar dua karne lage ki Allah( swt) unko unka ajar degaa.
🌷🌷🌷🌷🌷🌷🌷🌷🌷
TO BE CONTINUED…..
END OF PART 39…

SABAQ 38

Mar5

 Assalamu alaikum Wa Rahmatullahi Wa Barakaatuhu 

 
SEERAH OF MUHAMMAD (SalAllahu alaihi wa salla)
 
 SABAQ 38
🔻 Rasool ( SalAllahu alaihi wa sallam) par zulm aur sitam  ( continued)
 Jab kabhie bhi Umayya bin Khalaf , Rasool ( SalAllahu alaihi wa sallam) ko dekta, woh  Makkah ke logon ke saamne Aap par taane kasta. Usi tarah , uska bhai, Abi bin Khalaf, sade hue haadiyon ka chura karta aur Rasool ( SalAllahu alaihi wa sallam) ke chehre par phekta. Aur woh Rasool ( SalAllahu alaihi wa sallam) ko yeh bhi kahte rahta:
👉 ” O Muhammad, mere paas ek ghoda hai jiska naam Ud hai, aur main use theen baar bhar pet khoraak deta hun, taake main Aap ko maar sakun jab bhi uspe sawaar hun!”
 Ek din Rasool ( SalAllahu alaihi wa sallam) ne uski lalkaar ja jawaab dete hue kaha:
 ” Nahi, woh main hun jo tumhara khatma karunga. Rasool ( SalAllahu alaihi wa sallam) ki peshengoyi sahi hui jab Aap ne Jung-e- Uhud nein Abi ka khatma kiya.
 Ek aur mauqe par, Uqba bin Abi Mu’ayt , Rasool ( SalAllahu alaihi wa sallam) ke saath baitkar , Aap ko sun rahe the. Jab Abi bin Khalaf ko pata chala ke uska dost Uqba , Rasool ( SalAllahu alaihi wa sallam) ke saath hai tab woh Aap ko bura bhala kahne laga aur uske baad Uqba se kahne laga,:
 ” Jao aur Muhammad ke muh par thuko”
 Haalanke apne qabile se baith apni izzat aur sharaafath se unchi hoti hai, Uqba apni jagah se uthe, Rasool ( SalAllahu alaihi wa sallam) ke taraf ruju hue aur Aap ke muh par thuka.
 Abu Lahab, Rasool ( SalAllahu alaihi wa sallam) ke chachajaan the, jo apne bhatije ke paida hone ki khusi mein gulaam ko azaad kiya tha, Aap ke jaani dushman ho gaye jabse woh apne bhatije ko logon ko Safa pahadi se Islam ki taraf dawath dete hue dekha. Abu Lahab ke do bete, Utbah aur Atiba jinka nikha Rasool( SalAllahu alaihi wa sallam) ke betiyan, Ruqayyah aur Umm Kulthoom se hua tha. Abu Lahab ne apne dono beton ko hukum diya ke woh apne apne biwi ko talaq dede , aur unhe dhamkaya ki agar woh aisa na karenge tho woh unhe kabhie nahi dekhe gaa. 
 Abu Lahab ki biwi , Umm Jameel Ardi bint Harb, bhi apne beton ko talaaq dene ko kaha kyun ke woh bhi “Momin” ho chuke the. Utbah aur Atiba ne apne maa baap ka kaha mana aur Rasool ( SalAllahu alaihi wa sallam) ke betiyon ko talaaq de diya.Umm Jameel bhi dushmani karne mein kuch kam nahi thi. Uska bhatija, shohar ki taraf se apne aap ko paigamber kah raha hai, aur uske devtaon ke khilaaf kah raha hai jise woh dilojaan se poojthi thi. Woh bhi badlaa lene ka ahed karliya.
 Woh Rasool ( SalAllahu alaihi wa sallam) aur Aap ke Sahabiyon  ke raaste par nukile lakdiyon ke tukde  phekti. Jab Umm Jameel ko pata chala ki Qur’an mein ek chota baap ( Surah Abu Lahab), Rasool.( SalAllahu alaihi wa sallam) par naazil hui jo use uske harkathon ke liye Dozak muzammath kharaar kiya, tab woh Aap ko dundne lagi, haath mein ek bada pather lite hue.
 Aap Ka’bah ke paas Abu Bakr( R.A) ke saath baite hue the, woh Abu Bakr ( R.A) ke paas gayi aur puchne lagi: 
 Tumhara saathi kahan bhaag gaya?  Mujhe pata chala ki woh mere baare mein bhala bura kah raha hai. Khuda ki kasam! Agar woh mujhe mil jaye tho main yeh pathar uske muh par maarungi. Dekho main ek shayar bhi hun.”
.Woh niche diye hue ayaah boli aur wahan se chale gayi: 
 ” Hum ne qabil -e – ilzaam ki nafarmaani ki, uske pukaar ka inkaar kiya, uske deen ja tark kiya aur nafrath kiya”. Abu Bakr( R A) ki tajjub hua ki Umm Jameel ne aap ke baaju baithe Rasool ( SalAllahu alaihi wa sallam) ko nahi dekha. ” O Rasool! Kya woh aapko dekne mein nakaamyaab hui? “.aap ne pucha. ” Haan, woh mujhe nahi dekh paayi kyun ki Allah( swt) ne uske binayee ko zabt kar diya tha.”
🌻🌻🌻🌻🌻🌻🌻🌻🌻
TO BE CONTINUED……
END OF PART 38.

SABAQ 37

Mar5
 Assalamu alaikum Wa Rahmatullahi Wa Barakaatuhu 
 
SEERAH OF MUHAMMAD (SalAllahu alaihi wa sallam)   
 
SABAQ 37
🔻Quraysh ne Abu Talib ko ek ajeeb tajveez pesh ki.
Rasool ( SalAllahu alaihi wa sallam) par zulm aur sitam
🌱  Quraysh ne dekha ki unki dhamkiyan aur chunauthi ko nazar andaaz kiya ja raha hai.  Unhone dekha ki Muhammad ( SalAllahu alaihi wa sallam) abhi bhi apni tableegh jaari rakhe hue hai jisme woh unke khudaon ko badnaam karte hai aur unke baap dada ke riwazon ko bhi badnaam kar rahe hai. Unhone yeh bhi dekha ki Abu Talib apne bhatije ka tark nahi kiya haalanke unhe kai dhamkiyan di gayi.  Iske bajay , aisa dikh raha tha ke woh saare qabilon se jung ke liye tayaar hai , apne bhatije ko bachaane ke liye.
🌱 Quraysh qaur kiya ki is surate haal mein bahuth zyada mumkeen khatra dikhayi de raha hai. Muhammad ( SalAllahu alaihi wa sallam) Makkah ke logon mein bahuth mashoor hai, iske bawjuud ke Aap unke jeena ke taur tareekhe ko ek bada khatra hai. Woh apaas mein  zyada mulaaqaaten karne lage taake Aap se nipatne kw naye naye mansube banaaye. Akhir kaar , insab ne faisla kiya ki Abu Talib ke saamne woh ek  tajveez pesh karenge. 
🌱 Yeh saara mansuba Ammarah bin Waleed , jo bahuth hi haseen Quraysh ka ek jawaan tha , is jawaan  ke ird gird tha. Woh us jawaan ko Abu Talib ke paas le gaye aur kaha:
👉” O Abu Talib! Yeh jawaan ladke ko hamare paas se le lijiye aur apne bete ke tarah suluk kijiye. Ise apna pura sahara dijiye. Iske badle mein, aap hamen apna bhatija de dijiye- woh jawaan jisne aap ke baap dada ke riwazon ko chunauthi di hai aur Makkah mein fasaaden shuru karwaayi hai, yeh kahkar badnaam kiya hai ki yeh log jahel hai aur apne seedhe raaste se bhatke hue hai. Hum sab milkar use mauth ke mun mein daal denge. Akhir kar , hum tho iske badle mein aapko yeh jawaan ladka de rahe hai.”
🌱Abu Talib ne is behude tajveez  ka jawaab bade hi tanz alfaazon mein diya.
👉 ” Khuda ke liye, aap sab ne mujhse bada bura sauda kiya. Aap log apna beta mujhe de rahe ho taake main ise  acha khilaaon pilaaon, aur mera beta puch rahe ho taake use maar dalo! Khuda ki kasam! Aisa kabhi nahi hoga.” 
✨ RASOOL( SalAllahu alaihi wa sallam) PAR ZULM AUR SITAM ✨
🌱Naahi dhamkiyan aur naahi koi sauda , Abu Talib ko manane mein kaamyaab horaha tha, tab Quraysh ne faisla kiya ki woh Rasool ( SalAllahu alaihi wa sallam) par zulm aur sitam karna shuru karenge. Isi ke saath saath Mominon par zulm karne ke muhim ko zoroshor se amal mein laane lage.
🌱 Rasool ( SalAllahu alaihi wa sallam) ke Makkah ke samaaj mein uncha muqaam hone ki wajah se , sirf wahi log aage bade jo Aap ke saath badsulukhi karne ki himmat kar sakte hai. Woh log jo Rasool ( SalAllahu alaihi wa sallam) par khud apne ghar mein zulm kiya hai Abu Lahab, Hakam bin Abi  Al-As bin Umayya, Uqba bin Abi Mu’ayt, Adiy bin Hamra Thaqafi, Ibn Al-Asda Hadhab — yeh saare Aap ke padosi the.
🌱 Jab Rasool ( SalAllahu alaihi wa sallam) ibaadat ke liye sujood mein gaye, tab kisi ne Aap par uthni ka jeeneeni ( fetus) pheka. Dusre bhi kuch isi tarah ka kachra Aap par pheka karte the. Rasool ( SalAllahu alaihi wa sallam) use ek lakdi ke tukde se hataathe aur kahte, 
👉” O Banu Abdu Munaf! Yeh kaisa padosi haq ada kar rahe ho? “
🌱🌱🌱🌱🌱🌱🌱🌱🌱
TO BE CONTINUED……
END OF PART 37……

SABAQ 36

Mar5

Assalamu alaikum Wa Rahmatullahi Wa Barakaatuhu

 
SEERAH OF MUHAMMAD  (SalAllahu alaihi wa sallam)  
 
SABAQ 36
🔻Abu Talib aur Quraysh ke beech baat cheeth
Quraysh ne Abu Talib ko lalkaara.( chunauthi di)
 Kafi had tak sochkar ke ab kya mansuba karen, kuch unche aur ala darje ke log Abu Talib ke paas aaye aur unse kahne lage:
“Aap ka bhatija hamare khudaon ke baare mein bhala bura kahta hai, hamare deen par ungli utatha hai, hamen jahel aur khafeef ( fuzul) kahta hai, aur ilzaam lagatha hai ke hamare baap dada galat raaste par the aur gumraah the. Ya aap unko rok lo ya bedakhal kardo taake hum unse seedha muqabla kar lenge.”
 Abu Talib ne bade hi narm mizaaz se jawab diya aur unlogon ko bahes karne ka mauqa hi nahi diya. Muhammad ( SalAllahu alaihi wa sallam) , bahre haal, apne aap ko Allah( swt) ke bheje hue Paigamber ki taur se elaan karna jaari rakha aur sab ki Islam qubool karne ki dawath dete rahe.
✨ QURAYSH  NE ABU TALIB KO  LALKAARA ( CHUNAUTHI DI) ✨ 
Jaldi hi Quraysh jaan gaye ki Abu Talib , apne bhatije  ko baaghi  tableeghen dene se nahi rokenge. Woh ab zyada der tak khamosh nahi bait sakte the, aur akhir mein woh sab ek saath jama hue aur is surathehaal mein kaise muqabla karen , iska mansuba sochne lage.
 Phir uske baad, woh sab phir Abu Talib se mulaqaath kare, aur is baar woh mithiboli se baat nahi kare. Woh unhe zordekar dhamkaya, 
👉 ” O Abu Talib! Aapbudhe ho chuke ho aur hum aapki bahuth izzat afzayi karte hai. Hum ne aapko apne bhatije ko rokne ke liye kaha, magar aap ne unhe rokne ke liye kuch nahi kiya. Kudha ki kasam, hum ab yeh aur bardaasth nahi kar sakte– hamare baap dada ko galath kharar kiya, hamen jahel kaha aur hamare khudaon ki beizzati ki. Aap unhe rokiye , ya hum aap se jung karenge tab tak ke hum mein se koi ek rah jaye.”
Abu Talib ko inki baaton mein jung awaar ki bo mehsus hui. Makkah ke mushrikeen ne unhe lalkaara hai aur chunauthi di hai, aap ne usko gheraayi se le liya. Aap ne Rasool( SalAllahu alaihi wa sallam) ko khabar bheji aur Quraysh ki kahi hui baaten batayi aur kaha, ” Mujh par aur khud apne aap par rahem karo” aap ne apne bhatije se kaha, ” aur mujh par itna booj na daliye ki main bardaasth na kar paaun” 
.Jab Rasool ( SalAllahu alaihi wa sallam) ne saari baat suni jo Abu Talib ne batayi aur phir Aap ne jawab diya: 
👉 “O mere chachajaan, main Allah( swt) ki kasam khata hun, agar woh log mere seedhe haath mein suraj aur baayen haath mein chaand rakhkar, mere is muhim ko rokne ke liye kahenge tho bhi main peeche nahi hatunga, main jab tak nahi rukunga tab tak Allah( swt) mujhe kaamyaab na karen ya phir main nisto nabuth na ho jaaun.”
 Muhammad( SalAllahu alaihi wa sallam) ko poktha iraada dekhkar,  Abu Talib bina hichkichaye unhe  pura support karne ka wada kiya.
👉 ” Wapas aana mere bhatije! Jaao jahan aap chahte ho aur kaho jo aap kahna chahte ho. Khuda ka waasta hai, main kabhie bhi tum se alag na hunga, chahe jo kuch ho”.
🌹🌹🌹🌹🌹🌹🌹🌹🌹
TO BE CONTINUED…… 
END OF PART 36.

SABAQ 35

Mar5

 Assalamu alaikum Wa Rahmatullahi Wa Barakaatuhu ) 

 SEERAH OF MUHAMMAD  (SalAllahu alaihi wa sallam )
 
 SABAQ 35
🔻 Zulm aur sitam ja daur shuru hua ( continued) 
Mushrikeen khule aam Rasool (SalAllahu alaihi wa sallam) ki burayi karne se bachne lage.
 Quraysh ki nazron mein, woh gulaam jo Momin ho gaye baaghi samjhe jaane lage aur unhe zulm kar ke qatl karne ki koshish  karne lage. In sab ki samaji halaath in ko har tarah ka zulm aur sitam ko sahne ke liye majboor aur kamzor kar diye the.  Baher e haal, daulat aur samaji ruthba  Mominon  ko koi zamanath nahi de saki is zulm aur sitam Mominon ke saath hone se.
 Uthman bin Affan ( R.A) , samaaj ke ek jane maane shaksiyath the, magar aap ko bhi kai tarah se sataya gaya. Ek baar aapke chacha ne aapko  chatayi mein tight baandh diya aur niche se khushbudaar lakdiyan jaladi. 
 Abu Bakr ( R.A) aur Talha bin Ubaydullah ( R.A) ko bhi sataya gaya. Naufal bin Khuwaylid, aur, kaha gaya hai ,  Uthman bin Ubaydullah,  dono ko ek rassi se kaskar baandha taake dono ibaadat na kar paye aur apne naye deen ka amal na kar paaye. Lekin Abu Bakr( R.A) aur Talha ( R.A) ko ibaadat karte hue dekha gaya, aur gayeb se aap dono ki rassi khul gayi hui thi. Kyun ke aap dono ko ek hi rassi se baandha gaya tha , aap dono ko “Qarayn” bulaya jaane laga jiska matlab hai   “milakar baandhe hue”.
 Abu Jahl, jisko Qur’an mein kai baar zikr kiya gaya ke woh Islaam ka saqth nafrath karnewala tha aur use bahuth takabbur tha.  Makkawalon mein yeh aur iske saathi  zyada mashoor the jo apna maqsad Islam ke khilaaf ladne ka bana liye  the. Iski nafrath aur gussa waqt ba waqt badne lagi jaise woh sunta ki falan , falan ne Islam qubool kiya. Agar naya Momin , samaaj mein uncha ruthba rakta, tho Abu Jahl use jhidaktha aur dhamkata ki woh apne maal aur izzat se mehroom ho jayega. Agar koi kam tabkhe ke log Momin bane aur Islaam qubool kare tho, Abu Jahl unhe khub peetha aur dusron ko bhi unhe sataane ko kahtha. 
 Yeh aam riwaaz ban gaya tha ki , mushrikeen kisi bhi naye Momin ko itna satate ki , usko jaan gawane ki naubath tak aa jaati. Khususan jab ke agar woh naya Momin koi kamzor tabkhe Ya qabila ka ho. Agar koi uncha ruthba rakhnewala Momin hua tho wih bahuth soch samajkar aage badte, kyun ki mushrikeen jo us ruthbe ki ho tabhi kuch kar sakte hai aur us Momin ke khilaaf taher sakte hai.
✨ MUSHRIKEEN KHULE AAM RASOOL( SalAllahu alaihi wa sallam) KI BURAYI KARNE SE BACHTE ✨
 Kyun ke Rasool ( SalAllahu alahi wa sallam) ki izzat aur shohrath bahuth thi, aur Aap ek izzatdaar qabile se the, Aap ke dushman himmat nahi kar sakte the ki Aap se koi gustakhi karen jaise ke woh dusron ke saath karte the agar woh Islam qubool karen tho. Aap ek izzat daar qabile se tallukh rakhne ke alawa, Aap, apne chacha jaan Abu Talib, ki hifazath aur sarparasth mein the jinhe  bade sardaar ki taur se saare log izzath kiya karte the.
 Abu Talib ,  Banu Abdu Munaf ke  jo ek aisa khaandaan tha jise na sirf Quraysh balki saare Arab ke log ki izzat haasil the , uske ek buland aur azeem shaksiyath the. Makkah ke log unhe azeem muqaam diya hua tha aur koi unhe beizzat nahi karna chahtha tha unke bhatije ko takleef dekar. Yehi wajah thi ki budhparasth bahuth soch samajkar Rasool ( SalAllahu alaihi wa sallam) ke khilaaf jaane ki koshish karte.
 In sab ne Abu Talib se baat cheeth karne ki sochi– baat cheeth jismein yeh unhe ishaara de sake ki Muhammad( SalAllahu alaihi wa sallam) kaaage kya hone wala hai agar woh insab ke deen ke khilaaf kuch kahe.
💐💐💐💐💐💐💐💐💐
TO BE CONTINUED……
END OF PART 35…..

SABAQ 34

Mar5

 

 Assalamu alaikum Wa Rahamatullahi Wa Barakaatuhu 
 
SEERAH OF MUHAMMAD (SalAllahu alaihi wa sallam) 
 
 SABAQ 34
 Zulm aur sitam ka daur shuru hua ( continued) 
 Ammaar bin Yasir aur unke walid aur walidayen , Banu Makhzoom qabile se the,  jiska sardaar Abu Jahl tha. Abu Jahal ke saath , qabile ke alag alag log Ammaar aur unke khaandaan ko Abtah le jaate aur unhe wahan ki kadak dhoop mein chod dete.
 Rasool (.SalAllahu alaihi wa sallam) ne unlog ki haalath dekhi aur unhe nasihath di ke woh apne Imaan se na dagmagaye aur kaha: .” Sabar! Oh Yasir ke khaandaan walon. Aaplog ki manzil Jannat hai. Ya Allah! Yasir ke khaandaan maaf farma!” Aur woh apne Imaan par date rahe. Yasir, Ammaar ke waalid jab tak inteqaal na farmaye tab tak zulm sahte rahe.
 Sumayyah bint Khayyat, ( R.A) , Ammaar ke waalidayen, Anu Hudhayfah Makhzoomi ke gulaam the. Yeh naazuk, kamzor budhi aurat inteqaal farmaye aur Islam mein pahele shaheed ka rutba aur izzat haasil kiya jab Abu Jahl ne aapko sharmgah par tez bharchi se mara.
 Ammaar ke liye, zulm bardaashth ke bahar ho gaya. Mushrikeen unhe daak ka kurta ( faulaad se bana) pehnate aur us par wazandaar laal pathar unke seene par rakte.  Zulm aur musibath se pareshaan hokar aap woh sab kah dete jo mushrikeen aap se kahne ko kahte. Lekin , dil se 
pakke Imaan wale rahe.
 Ammaar, gamgeen rahte the ki dil aur ruh ke saamne aapka jism dhoka de raha hai. Ammaar aur unke momin saathiyon ke dilon ko sukoon mila , jab Allah( swt) ne ye ayyah naazil karte hue farmaya ki woh Dil ke andar ke Imaan ko dekta hai, usko nahi jo uske bande ki zubaan kahti hai jo zulm se kamzor ho gayi ho.
 ” Jo Imaan laakar Allah ka munkir ho, siwaye iske jo majboor kiya jaye aur iska dil Imaan par jama hua ho. — haam woh jo dil khol kar, kaafir hua , inpar Allah ka gazaab hai aur in ko bada azaab hai!”📌 ( 16:106)
 Jab ke kuch logon ka apne qaum me se  muqalifana umeed kiya ja sakta tha, yeh ajeeb baat thi ke jo naye momin hue unke  khareebi rishteydaar bhi is zulm aur sitam karne ke saazish mein shaamil ho gaye. Apne budhon  ki sarparasthi mein inke dilon se mohabbat hi dur ho gayi.
 Jab Mus’ab bin Umayr ( R.A) ne Islam qubool kiya, tho,  aapki ayesh ki zindagi khatam ho gayi. Aap ki walidayen ne aapko khana aur pina dena rok diya aur aapko ghar se nikaal diya.  Bekas, tanha aur paida ki hui maa se tukra gaye the, aap ko bedardi se sataya gaya, aapke jalladon ne  aapki chamdi ko aise kheencha  jaise koi saanp ki chamdi ko kheenchte hai.
 Suhayb bin Sinan Rumi ( R.A) aur ek momin the jispar itna zulm aur sitam kiya gaya ki aap apni zubaan par khaabu karna bhul gaye, aur woh badbadate jo inke jallad kahte rahte.
🍁🍁🍁🍁🍁🍁🍁🍁🍁
TO BE CONTINUED…….
END OF PART 34.