Archives

SABAQ 33

Mar5

 


Assalamu alaikum Wa Rahmatullahi Wa Barakaatuhu
🌺 SEERAH OF MUHAMMAD ( SalAllahu alaihi wa sallam) 
🌺 SABAQ 33
🔻Zulm aur sitam ka daur shuru hua ( continued) 

 

 Zinira ( R.A) , ek Roman gulaam ladki the, jinhone Islam qubul kiya tha. Jab mushrikeen ko pata chala ki woh Momin ho chuki hai, tho woh unhe itna sataya aur zulm kiya ki woh andhi( nabina) ho gayi,  is par mushrikeen khush hokar khane lage ki yeh tho aap par unke devtaon  Laat aur Uzza ka kahar naazil hua, jo aap ko nabina bana diya. Yeh tho Allah( swt) hai , jisne unhe nabina kiya, woh mushrikeen ko kahne lagi. Agar Woh , Allah(swt) chahe tho unhe phir se aankhon ki roshni ata kar sakta hai.
 Dusre din subha jab woh uthee tho unke aankon ki roshni wapas aa chuki thi.  Inke jalladon bahrehaal, is mojza( chamatkaar) par khayal nahi hue. Aur kahne lage ki yeh tho kuch bhi nahi balki Muhammad ( SalAllahu alaihi wa sallam) ka koi jaadui karishma hai.
 Umm Abis (R.A) , Banu Zahra ke gulaam the. Inhone apne maalik , Malik Aswad bin Abd Yaghuth ke haathon had se zyada takleef saha hai. Woh inhe zulm dena shuru kiya jab aap ne Islam qubool kiya. Malik , Rasool ( SalAllahu alaihi wa sallam) ka pakke dushman tha, aur Aap ko hamesha sataya karta aur bure tareekhe se mazaak udhaya karta tha.
 Banu Adiy ka ek gulaam Amr bin Mu’mil ne Islam qubool kiya. Inka jallad koi aur nahi balke Umar bin Khattab the , jo us.waqt par abhi kafir the. Umar, apni taaqat ke liye mashoor the, aap unhe itna maarte , jab tak ki woh na thak jaye. Phir woh ruk jaate, aur apni gulaam ko batate ki woh marna isliye nahi roke ki unhe uspar rahem aaya , magar thakawat ke karan maarna roka. ” Tumhar Rab bhi tumhe aise hi karega” gulaam ladki ne badle mein kaha.
 Gulaamon mein jisne Islam qubool kiya , usme Nahdiya( R.A) aur unki beti bhi shaamil hai. Yeh dono auraten , Banu Abdul Dar ke kisi aurat ke gulaam the. Maa aur beti ne zulm aur takleef , apne Imaan ke khatheer jab tak saha, tab tak Abu Bakr( R.A) ne inhe na khareeda aur inhe azaad kar diya, jaise ke aap ne Bilaal( R.A), Amir bin Fuhayrah (R.A) aurAbu Faqih ( R.A) ko azaad kiya. 
 Abu Bakr( R.A) ka is khadar apni jaydaad aur paise ka kharch karna aap ke waalid, Abu Quhafa , ko napasand aaya aur unhone aap se kaha: 
👉 ” Main dekh raha hun ke tum kamzor logon ko azaad kara rahe ho. Agar tum mazbuth aur taaqatwar logon ko azaad karte,  tho woh sab tumhara saath
 dete”  Iske jawab mein Abu Bakr( R.A)  ne kaha ,” Main sirf Allah( swt) ki rahmath  aur Uski khushi  chahata hun”.
🌺 Niche ki ayaah ko naazil karke, Allah (swt) ne yeh jata diya ke Abu Bakr ( R.A) ne apni zimmedaari mein kaamyaab hue: 
📖 ” Tho main , tumhe daratha hun is aag se jo bhadak rahi hai. Na jayega is me koi magar bada badbaqt jisne jhutlaya aur mun pher liya. Aur bahuth jald is se duur rakha jayega, jo sab se bada parhezgaar  hai, aur jo apna maal deta  hai ke woh saaf suthra ho, aur kisi ka is par  kuch ahsaan nahi jiske badle diya jaye. Sirf apne Rab ki raza chahata jo sab se buland hai. Aur beshaque khareeb hai ke Woh raazi hoga” 📌 ( 92: 14-21)
🌺 Saare gulaam jo Momin hue azaad na ho paye. Kuch log tho apne zakhmon ki wajeh se inteqaal farmaye, jabki dusron ko awaam ke saamne zabardasti Islam se tark kiya gaya , jabke woh dilse Momin the.
🌺🌺🌺🌺🌺🌺🌺🌺🌺
TO BE CONTINUED……
END OF PART 33……

SABAQ 32

Mar5

 

 Assalamu alaikum Wa Rahamatullahi Wa Barakaatuhu
 SEERAH OF MUHAMMAD ( SalAllahu alaihi wa sallam) 
 
 SABAQ 32
 
🔻 Zulm aur sitam ka daur shuru.

 

  Islam ke shuruaath mein  Muslims par zulm aur sitam ka daur bahuth hi kharab  daur raha hai. Kitne hi dil ko rulaane wale haadse guzre jisme mein Muslims ko aziyat( takleef) diye gaye aur kitno ko  Quraysh apne haath se qatl kar diye. Buniyaadi Muslim firqae ke ajthemayi( jama hue) yaadon ki fehrist mein hamen zakhmen aur zakhmiyon ki qatlen, zulm jo in logon ne saha hai milengi., aur is Muhammad ( SalAllahu alaihi wa.sallam) ke Seerah mein humne Aap ke Sahabiyon ke , mureedon ke zindagi aur mauth ka zikr  mila diya hai, jo Aap Rasool (SalAllahu alaihi wa sallam) ki wahiyon ko sach mana hai aur Allah( swt) aur Uske Rasool par Imaan laya aur usi ke liye apni zindagi qurbaan kardi.
 Bilaal bin Rabah.( radiAllahu ‘ anhu) , Umayya bin Khalaf ke gulaam the. Umayya bin Khalaf , Abu Jahal jo Islam ka kattar dushman tha , uska  saathi  tha. Apne gulaam ki ruhani azaadi ke dawe se sakth naraaz tha, aur Umayya unhe gale mein rassi baandhkar bazaar ke shareer ladkon ke hawale kartha. Jaisa woh ladke unhe khinchthe hue le jaatw, Bilaal kahte rahte ” Ek hai!” “Ek hai!”jiska matlab “Tawheed”  se hai.
 Umayya , Bilaal ko kadi dhoop mein dophar ke waqt bahar lata, aur unhe behad garm reti par dhakel deta aur unke seene par bada pathar rakh deta. Tab woh  Bilaal ( R.A)  se kahta ” Ab, Khuda ki taraf se, tu yahan lete rahega, jab tak lete rahega tab tak mar na jaye ya phir Muhammad ka inkaar na kare aur Laat aur Uzza ki ibaadat kare “
 Bilaal ( R.A.) un musibaton ko sahte aur bardaasht karte , apne Allah( swt) par  Imaan ka dobara tasdeek karte aur pukaarte “Ek hai!” “Ek hai!”.
Akhirkaar, inki musibaten kam hui jab Abu Bakr ( R.A) ne Bilaal( R.A) ki dekha jab aap wahan se guzar rahe the. Unki daulat ab ek hathyaar ban gayi thi Allah ( swt) ki raza haasil karne, aur aap ne Bilaal.( R.A) ko khareed liya aur unhe azaad kar diya.
 Amir.bin Fuhayrah ( R
A) ek aur buniyaadi momin the jinhone itni maaren aur zulm sahe jo itni berahmi se aap par kiye gaye ki aap apno hosh kho baite aur kuch kahne ki salahiyath hi bhul chuke.
 Aflah( R.A) jise Abu Faqih bhi kaha jaata hai, Banu Abdul Dar ke gulaam the. Inhe zayadatar dophar ki kadi dhoop mein  bediyan daal kar bahar le jaya karte the aur zabardasti reth par bina kapdon ke litaya karte the, aur seena par wazan pathar rakte the. Kabhie kabhie dard aur takleef se aap behosh ho jaya karte. Ek baar tho mushrikeen ne aap ko pair se lekar gardan tak rassi se baandh diya aur unhe ragadte hue legaye jab tak ki aap mauth ke khareeb na aaye. Akhirkaar, inhe Abu Bake ( R.A) ne bacha liya,jo ye na dekh sake ki ek saathi momin par itne zulm kiye jaa rahe hai aur unhe azaad kar diya. Aflah( R.A) un pahele mominon mein se ek hai jo baad mein Abyssinia ko hijrath kare.
 Khabbab ibn Al-Aratt ( R.A) jo Rasool ( SalAllahu alaihi wa sallam) ke mashoor Sahabiyon mein se hai, inhe Banu Khuzaa ki ek aurat Umm Anmar bint Sabaa’ ne laya tha. Woh lohaar the, aur aap ka yaqeeda Rasool ( SalAllahu alaihi wa sallan) par chudane ke liye Umm Anmar ne inke peet par unke hi auzaar se jalakar nishaan kar diye the.
 Dusre bhi inpar zulm karne shaamil ho jaate. Woh log aapki gardan marod dete, aap ke baal khinchte, aur aap ko jalte hue koylon( coal) par dhakel dete. Unpar wazandaar pathar rakh dete taake woh harkath na kar paaye. Muajize se ( karaamat) se aapka imaan har khadam mazbuth hote jaa raha tha, jaise appko har khadam imaan se peechey karne ki koshish karte.
🌹🌹🌹🌹🌹🌹🌹🌹🌹
TO BE CONTINUED……
END OF PART 32…..
✨

SABAQ 31

Mar5

Assalamu alaikum Wa Rahamatullahi Wa Barakaatuhu 

 
 SEERAH OF MUHAMMAD ( SalAllahu alaihi wa sallam) 
 
 SABAQ 31
 
🔻Bahes aur lafzi hera pheri ( continued) 
 Apne mushrikeen baap dada ki aqalmandi ki tahreer karne ke bawjuud,  mushrikeen Rasool ( SalAllahu alaihi wa sallam) par aur  Muslims par ilzaam lagaane lage ki woh unke devtaaon ki beizzati kar rahe hai aur unhe dhamkiyaan dene lage ki unke neem devtaaon ka khar unpe tut padega.
📖 ” Hum tho yahi  kahte hai ki hamare khudaon ne tumhe buri jhapet pahunchayi.!”📌 ( 11:54)
🌷 Aise kamzor dhamkiyon ka jawab dete hue Allah ( swt) ne hame yaad karaya ki budhparasth ke neem devtaaon ki taraf se koi mukammal taaqat  unhe nahi pahunchthi.. Yeh tho  beharkath, gunge aur bekas tanha hai, bhala  yeh putle kaise Muslims ko nuksaan kar sakte hai aur kaise unhe tabha kar sakte hai? 
📖 ” Kya inke pair hai jin se yeh chale, ya inke haath hai jin se yeh girafth karlen, ya inke aankh hai jin se dekhen, ya kaan hai jin se  sune, ? Tum farmao ke woh apne shareekon ko pukaaren aur mujh par dawa chalo, aur mujhe mahulath na do. !” 📌 ( 7:195) 
🌷 Allah ( swt) aur ek misaal  pesh karte hue kaha: 
📖” Aye logon! Ek kahawath farmayi jaati hai, ise kaan lagakar suno. Wo jinhe Allah ke siwa tum poojthe ho, ek makki na bana sakenge. Agar ye sab  ekkata ho jayen aur  agar makki in se kuch cheen kar le jayen tho use yeh chuda na sakenge. Kitna kamzor chahnewala aur woh jisko chaha!” 📌 (22:73)
🌷  Kuch Muslims , apne imaan ki beizzati se thak kar, mushrikeen ke khudaon ke bebasi ka mazaak udhane lage, je yeh putle khud apne aap ki hifazat janwar ke malmutar se bhi nahi kar sakte.” Yeh aisa khuda hai jo lomdiyon ko  apne sir par malmuthar karne dete hai, kaise kamzor aur bebas hai.”
🌷 Bahuth naaraaz , mushrikeen ne Muslims aur unke Rab ko bura  bhala kahne lage . Ruhani kashmakash ko ek bachkane bahez mein tabdil kardi gayi, ise rok diya gaya jav Allah( swt) ne Muslims ki aise bachkani harkaten karne se mana kiya., yeh kahte hue ki: 
📖” Aur inhe gaali na do wo Allah ke siwa poojthe hai, ke woh Allah ki shaan mein beadbi karenge.” 📌 (6:108)
🌷 Jaise ke humne dekha hai; ki mushrikeen ki har bahes ko Allah( swt) ne khud hi parwi ki, jab ke Uske Rasool ( SalAllahu alaihi wa sallam)  sirf Uske paigaam ki tableegh kar rahe the , bina kadam hataye un mushrikeen  ke gaaliyan, mazaak aur jahalath ke bawjud. 
🌷 Lafzi aur zubaani bahes aur jhagdon ki naa kaamyaabi se thang aakar , mushrikeen ab Islam ke khilaaf taaqat istemaal karne ki sochi, jisse ke woh logon ko Allah ( swt) ki raah se hataye. Naamcheen aur har qabile sardaaron ne Muslims par zayathi aur zulm karna shuru kar diya. Aur inki ek numaindon ka jhund Abu Taalib ke paas pahuncha. Woh inhe zor dene lage ki woh Rasool ( SalAllahu alaihi wa sallam) ko tableegh karne se roken.
🌷 Zulm aur sitam ka silsila shuru ho gaya, aur kai Muslims , Quraysh ki khaher se apni zindagi gawaan di. Zulm, watan se nikaalna, aur qurbath woh cheezen thi jo Quraysh ne wada kiya, aur Jannath aur Allah ( swt) ki rahmath aur barkath woh tohfe hain jo Allah ( swt) ne
aur Uske Rasool ( SalAllahu alaihi wa sallam) ne wada
 kiya. Kya yeh taajub ku baat nahi ke apnu jismani hadud ke bawjud, us zamane ke Muslims ne dunyawi karobaar chodkar apni Aakhirath sawaarne mein lag gaye? 
🌷🌷🌷🌷🌷🌷🌷🌷🌷
TO BE CONTINUED….
END OF PART 31.

SABAQ 30

Mar5

 Assalamu alaikum Wa Rahmatullahi Wa BarKaatuhu 

  SEERAH OF MUHAMMAD ( SalAllahu alaihi wa sallam) 
 SABAQ 30
🔻Bahes aur Lafzi hera pheri. ( continued) 

 

 Allah ( swt) ne Qur’an ki ayaah se budhparastjon se bahes mein masroof kardiya.   Mushrikeen se pucha gaya ki kaise  woh kah sakte hai ki koi shaks ko Allah( swt) ne chuna hai ya nahi jabki Allah( swt) pura ekhtiyaar aur shafaath ki taqaat rakta hai. Maslan, kaisi koi pure yaqeede ke saath kah sakta hai ki jo shaks bata raha hai ki woh Allah ( swt) ke ” “kareeb”  hai woh bilkul sach kah raha hai? 
 Buniyaadi taur se, sirf do tareeqe hai ye pata karne ke ki koi shaks sach kah raha hai ya nahi: use gaibi ilm honi chahhiye, ya use ilahi aasmani  kitaab tak pahunch honi chahhiye. Is baat ko batate hue Allah( swt) Qur’an mein farmaate hai jab Woh puchte hai:-
📖 ” Kya in ke paas gaib hai ke woh use apni kitaabon mein likh rahe hai?” 📌 ( 68:47)
📖 “Agar tum sach kahte ho tho, laau is se pahele koi kitaab nazil hui, ya kuch bacha kucha ilm jo tumko sabith kar sake” 📌 ( 46:4)
📖 “Kaho:  kya tumhare paas koi ilm hai ke ise hamare liye nikalo?  Tum tho nire gumaan ke piche ho aur tum yunhi jhooth kahte rahte ho.” 📌 ( 6:148).
Mushrikeen ne qubul kita ki unhe gaibi ilm nahi hai, aur nahi woh koi aasmani kitaab pesh kar sakte hain. Unke baap dadaon ke riwaaze, taur tareeqe aur unki hikmaten hi unke sach ka zariya hai. Qur’an mein bataya gaya , unlog ka kahna: 
📖 ” Hum ne dekha ki hamare baap dada koi ek deen ko maante the, aur hum bhi unke naqshe qadam par chalna shuru kardiya.” 📌 (43:23).
 Yeh ayaah , mushrikeen ki jahalath aur bebasi ko bayaan karte hai, aur Allah (swt) ne is masle ko saaf kardiya jab Woh Qur’an mein farmaya:
📖 “Beshaque Allah sab kuch jaanta hai, magar tum nahi.” 📌 ( 16:74).
 Sanathon aur madadgaron ka hawala dete hue , Allah ( swt) unki haqeeqat par koi shak baaqi nahi rakha: 
📖. ” Beshaque woh jin ko tum Allah ke siwa poojthe ho, woh tumhari tarah bande hai, tho inhe pukaro phir woh tumhe jawab denge, agar tim sache ho” 📌 ( 7:194).
 Allah( swt) lalkaarta hai unlogon ko jo abhi bhi yeh yaqeeda rakte hai ki aise shaks maujud hai jo khususi taqaat rakte hai aur inke duaon ka jawab dete hai. Allah( swt) ne ayaah ke baat ayaah  mein is baat par zor diya ke Uske siwa kisi aur ki ibaadat karna  bekaar hai.
📖 ” Allah ke siwa jinhe tum poojthe ho dana Qirmah ke chilke tak ke maalik nahi gai.” 📌 (35:13).
📖 ” Tum unhe pukaaro , woh tumhaari pukaar na sunenge, aur bafarz sun bhi liya tho, tumhari hajath rawan ba kar sakenge. Aur Qayamath ke Din, woh tumhare shirk se munkir honge . Kaun tujhe batayega behat Allah je siwa? Jo beshaque sab jaanta hai. ” 📌 (35:14)
📖 ” Aur Allah ke siwa jinko tum poojthe ho , woh kuch bhi nahi bana sakte aur woh khud banaye hue hai. Murde gai, zinda nahi aur inhe qabar nahi ke log kab uthaye jayenge.” 📌 (16: 20-21).
AUR:
📖 ” Kya tum inhe Allah ke saath shareek karte hain jo kuch na bana sakte hai aur khud banaye gayen hai?  Aur na woh inko jinhe unhe poojthe hai koi madad pahuncha sakte hai aur na apni jaanon ki madad kar sakte hai.!”📌 (7:191-192)
 Mushrikeen jo Muhammad ( SalAllahu alaihi wa sallam) ke zamane mein the Aap ki baat ko qubul kiya ki beshaque Allah( swt) sab cheezon ka Qadeer hai, aur woh devata jinhe yeh poojte the kuch bhi nahi bana sakte. Phir kaise Allah( swt) unhe Qur’an mein farmaate ki uski ibaadat kiya karo jisko banaya gaya naa ki uski jo sab cheezon ka Qadeer hai? 
.Mushrikeen iska jawaab is tarah dene lage ki unke baap dada Allah( swt) ke saath saath in dusre devtaon ki bhi ibaadat karte the. Inke baap dada aur Muhammad ( SalAllahu alaihi wa salkam) ke baap dada unhi mein se hai, jo in devtaaon ki taqaaton par yaqeeda rakte the. In bawjuud woh pucha karte the ki kya unke baap dada apni aqalmandi aur hoshiyaari ke liye mashhoor nahi the?  Tho phir kaise unke deen par hum sawaal kar sakte hain? 
 Allah (swt)  ne inke baheson ka jo inke baap dada ke deen ke aqalmandi ka tha , Qur’an mein badi khubi se jawaab diya. Allah ( swt) ne inlogon ki khususiyaath bayaan karte hue kaha ki yeh gumraah ho chuke the , aur samajne ki taaqat kho diye the, jo hum is ayaah mein dekh sakte hai: 
📖 ” Inlog ne apne baap dada ko galath raaste par chalte dekha, tho yeh bhi bina soche samjhe unke baqadam chal pade” 📌 (37:69-70).
🌻🌻🌻🌻🌻🌻🌻🌻🌻
TO BE CONTINUED…….
END OF PART 30.

SABAQ 29

Mar5
 Assalamu alaikum Wa Rahmatullahi Wa Barakaatuhu 
 SEERAH OF MUHAMMAD ( SalAllahu alaihi wa sallam )
 SABAQ 29
🔻 Bahes aur lafzi ulat pher ( continued)

 Mushrikeen , phir jad o jahed karne lage unlogon ko khush karne ki jise woh samajthe the ki Allah (swt) ki nazaron mein uncha muqaam haasil kiya hai. Yeh neem dewtaon ko khush karne ki wahaj yeh batate ki, hum Allah ( swt ) ko bhi khush kar sakte hain. Yeh log in ” Allah( swt) ki doston” ko khush karne , alag alag tareekhe apnate the.

 Maslan, yeh aam baat hogayi thi ke in ” sanaton” aur ” nek bandon” ke khaboron ke upaar mazaraath banane lage. Log is mazaraath( dargha)  ki ziyarath karte , is yaqeede ke saath ki agar hum is mazaraath ki dewaaron ko chumenge ya maalish karenge ya iske gird kai baar chakkar lagayenge, tho woh us shaks ki meherbaani haasil karenge jiske liye yeh banayi gayi hai. Kuch log tho apna ugaya hua anaaj, maal, sona pesh karte aur jaanwaron  ki qurbani dete. Yeh cheezen us dargha ke muzawaron ko dete jo unhe le jaakar khaboron ya budhon ke saamne rakh dete.
 Aam thour par, bina muzawaron ki madad se koi bhi apni peshgi khud hi andar nahi pesh kar sakta. Lekin jaanwaron ko kai tarah se chadawe ki tarah pesh kiya jata  tha. Kabhi kabhie  bande apne jaanwar is ” sanaton” aur ” nek bandon” ke naam se chod jaate, is umeed se ki unki mannaten puri ho jayen. Yeh jaanwar wahan par apni marzi se ghumte aur charte , log inka ihtraam karte. Kabhie khabie woh is jaanwaron ko “nek bandon” ke ghar le jaate aur wahan zuba karte.
 Lekin, yeh sab “nek bandon” ke naam se karte. Mushrikeen saal mein ek ya do baar is jaghaon par mela lagate kuch khaas logon ko nazar karte hue jahan log jama hote aur jaise ke upar kaha gaya hai waise hi ibadaat aur un mazaraath se mohabbat rakte. Yeh mele khususan in sanaton aur nek bandon ke barsi par rakte, aur log dur dur se safar karte hue is mehfilon mein shaamil hote.
 Yeh sab ibaadat ki kaarwai aur mohabbat is umeed se karte ki yeh mare hue “nek bandon” ko khush kar sake aur inki shafath haasil kar sake. Kuch budhparasth tho inhe is tarah se bhi khitaab karte:  “O waalid! Meri arzi sun lijiye, aur meri mushkilaath aur musibaton ko dur kijiye.” Mushrikeen ka yaqeeda tha ki yeh jo log mar chuke hai, yeh inhe na sirf sun sakte hain balki inke duon ka pura bhi kar sakte hai, us taqat se jo Allah( swt) ne inhe ata ki hui hai , ya phir Allah( swt) se sifarish karke.
 Aisi thi budhparasthon ki riwazen — Allah( swt) ki saath dusron ko sharik karna,  insaan ko maebood tehrana aur bejaan cheezon ko maebood manna jabke Allah( swt) ki taqaat logon ko  aur apni maqluqaat ko dobara zinda karne ki haqeeqat ka inkaar karte hai.
Mushrikeen ke is soch ki ghadi mein Rasool ( SalAllahu alaihi wa sallam) ko tableeq dene ke liye bheja  ki logon ko yeh paigaam do ki ALLAH EK HAI aurinhe sekh de Uske Ek hone ki. Bahuth saare mushrikeen , is paigaam ko bebuniyaad aur jhootha maante the, aur apne hi riwazon aur yaqeedon mein  mashgul the.
📖 ” Kya isne bahuth khudaon ka ek khuda kardiya?  Beshaque yeh ajeeb baat hai! Yeh tho hamne sab se phichle din Christianity mein bhi na suni. Beshaque, yeh tho kuch bhi nahi balki manghadath hai !”📌(38:5-7).
🌷🌷🌷🌷🌷🌷🌷🌷🌷
TO BE CONTINUED…..
END OF PART 29.

SABAQ 28

Mar5
 Assalamu alaikum Wa Rahmatullahi Wa Barakaatuhu 
 SEERAH OF MUHAMMAD ( SalAllahu alaihi wa sallam) 
 SABAQ 28
 
🔺Bahes aur baaton se ulta pheri ( continued)
🌸 Allah ( swt) ke rahmath pe ke Woh jise chahe hidayath de, is par mushrikeen koi sawaal kar na sake tho ab yeh log ek alag hi bahes ched di Muhammad ( SalAllahu alaihi wa sallam) ko nicha karne ki. Shahenshah, woh batane lage ki hamesha shaan aur daulat se malamal rahta hai,aur sirf izzatdaar  shaksiyath unki bargaah mein haazir ho sakte hai. Aise shahenshah ke paas hamesha intehahi aqalmand mashaura dene wale madadgaar, hazaron naukar, muhafiz aur biwiyan hoti hai.
🌸 Yeh kaise ho sakta hai ki,  Muhammad( SalAllahu alaihi wa sallam) jo Allah( swt) ke numainde hai , bhala bazaaron mein roti kamane ke liye mare mare phirte hai.?
📖” Woh bole…Kyun na utara gaya in ke saath koi farishte ko jab yeh hame dar sunate? Ya gayeb se inhe koi gazana mil jata ya koi baagh hotha jisme se yeh khathe? ‘
Aur zaalim bole’ tum tho pairwi nahi  karte  magar  ek aise mard ki jis par jaadu hua ho.” 📌  ( 25: 7,8)
🌸 Mushrikeen bahes karne lage ki Muhammad ( SalAllahu alaihi wa sallam) haqeeqi mein paigamber hai tho beshaque  Aap shaheshaon ki numaindigi karna chahhiye. Kahan hai inke mahal? Inki daulat? Inka shahi rurba? Aap ke paas tho ek farishte ka bhi saath nahi jo Aap ki tableeq nein madad karen!
🌸 Lekin, Muhammad (SalAllahu alaihi wa sallam) ne apni muhim ko ek alag hi nazariye se dekha tha. Aap ko Allah( swt) ka paigaam logon tak , ameer aur gareeb, taqatwar aur kamzor, azaad aur gulaam ko pahunchana tha. Agar Aap shahenshahi ka rob rakte, tho Aap aam logon tak , unki  zyada jamaaton tak nahi pahunch sakte the. Aap ke muhim ka maqsad tha ki Aap ek aam insaan ki tarah rahe, aur Islam ko logon tak pahunchaye, aur islam ko apni rozana ki zindagi mein amal pe laye, yeh koi hatiyaar  ya auzaar nahi hai jo sirf shahenshahon, alimzaat aur phalsafaon ko tafreeh karane ke liya hai.
🌸 Qur’an in in mushrikeen ki umeedon ko ek hi lafz se nakara kardiya aur Muhammad( SalAllahu alaihi wa sallam)  ka darja bayaan kiya ke Aap Rasool hai.
🌸  Yeh hamen dekh kar haiaangi hogi ke Quraysh apne hi ek se itni nafrath aur zulm karenge.Kya galat tha Muhammad ( SalAllahu alaihi wa sallam) ki paigaam nein? Muhammad ( SalAllahu alaihi wa sallam)  aur mushrikeen ke darmiyaan jo buniyaadi takraar thi woh Tawheed ki thi jise mushrikeen ne apne hisaab se tabdil kardiya, budhparasthi se aur mutazad se. Par wahin par woh Ek Khuda ki kai marhale ko qubul karte hain.
🌸 Ek misaal yeh hai ki, mushrikeen is baat maante hai ki Allah( swt) ek hai aur Woh apne Aap mein ekhthiyaar raknewalaa hai. Mushrikeen,  Muhammad (SalAllahu alaihi wa sallam) ke is  baaton  ko bhi maante
 hai :
🔻Allah (swt) , wahed is kaaynaath ka Qadir hai.
🔻Woh sab ka Rab aur Atakarne wala hai saari maqluqaat ka.
🔻Woh wahed hai zindagi aur mauth ata karnewala aur
🔻Woh wahed hai faislaa karnewala jiska koi saani nahi.
🌸 Lekin iske bawjuud , Allah( swt) ki azmath aur shaan pe yaqeeda rakh kar bhi , unka yeh yaqeeda tha ki kuch logon ko Allah( swt) khususi taqaaten ata karta hai. Yeh log, mushrikeen ka maanna hai, kuch bhi karamaten kar sakte hain jaise ki bimaar ki bimaari se shifa, aur baanj auraton ke bache nawazna. Yeh maante the ki aise log inki duan qubul hone mein , inke aur Allah(swt)  ke darmiyaan sifarish karne ka kaam karte hain.
🌸🌸🌸🌸🌸🌸🌸🌸🌸
TO BE CONTINUED…..
END OF PART 28.

SABAQ 27

Mar5

 Assalamu alaikum Wa Rahmatullahi Wa Barakaatuhu 

 SEERAH OF MUHAMMAD ( SalAllahu alaihi wa sallam) 
 SABAQ 27
🔺 Bahea aur baaton ki ulta pheri ( continued ) 
🌹 Dusre bahes karne lage ki beshaque Allah ( swt ) ne puri kaaynaath banayi hai, lekin yeh namumkeen hai ki koi fanaa hui cheez ko dobara banaye.Allah ( swt) is baat ki khilafat karte hai aur yeh batate hai ki yeh aasaan hai koi cheez ko dabara banana aur kisi mein jaan dalna is nisbath ke kuch nahi mein se koi cheez banana. ( bina zarre ke kuch banana) .
📖 ” Kya hum paheli baar kaynaath banakar thak gaye? Balki woh naye banne se  shuba mein hai” ( 50:15)
🌹 Halaanki Qurayash maante the ki Muhammad ( SalAllahu alaihi wa sallam) ek sacche insaan hai,  unhe yeh mushkil tha ke Aap ko Allah( swt) ke bheje hue Rasool ki shakl mein qubul karen. Unka yeh yaqeeda tha ki ek mamuli insaan ko itni badi zimmedari kaise di ja sakti hai. Jab Muhammad ( SalAllahu alaihi wa sallam) ne apni Rasool hone ka dawa pesh kiya, tab Quraysh uska jawab yeh kahkar diya:
📖 “Aur bole, is Rasool ko kya hua, khana khatha hai aur bazaar mein chalta hai? 
📌( 25:7)
🌹 Allah ( swt)  Quraysh ke is mushtabe ( confusion) ko  bayaan karte hue dusri ayah mein farmaate hai: 
📖 ” Balke inhe is ka achamba hua ki inke paas inhi mein ka ek dar sunanewal tashreef laya hai.” 📌 (50:2)
🌹Quraysh iska bhi inkaar karne lage ki fana pazeer ko Allah( swt) ki hidayath naseeb hui. Allah ( swt) iska tazkara karte hue farmate hai apni ayah mein: 
📖 ” Tum farmao, kisne utaari woh kitaab jo Musa laye the, roshni aur logon ke liye hidayath.”📌( 6:91)
🌹 Qur’an mein behisaab mutawazen diye gaye hai kaise qaumon ne Aap ko Rasool maanne se inkaar kiya kyun ke Aap insaan the jo khoon aur gosh se bane hue the.
📖 ” Tum tho hum jaise aadmi ho.” 📌 ( 14:10)
🌹Qur’an mein yeh soorat e  bayaan kiya gaya hai ki kaise Rasoolon ne apne dushmanon ko jawab diya hai:
📖 “Sach hai, hum tho tumhari tarah insaan hai, magar Allah( swt) apne bandon mein jis par chahe ahsaan farmata hai.” 📌( 14:11)
🌹 Allah ( swt) ke saare Paigamber aur Rasool, sab faani the aur Muhammad ( SalAllahu alaihi wa sallam) bhi koi alag nahi the. Allah ( swt) ne koi farishte ko paigamber banakar bahi bheja kyun ke insaan gaibi taqaton ke kadam ba jadam nahi chal sakte. Allah ( swt) ke paigambaron ka kirdaar sirf naake Allah( swt) ki wahi insaaniyath  tak pahunchaye balki insaan ko sikhane ka kaam bhi tha ke kaise woh is ruhani wahiyon ko apni duniyawi  zindagi mein  kaise amal karen.
🌹 Insaani Paigamberon ki siwa yeh kaam kaun achi tarah nibha sakta? Agar Allah ( swt) farishton ko paigamber banakar bhejthe, tho yeh mushrikeen aasaani se puchlete ” Kaise hum in gaibi taqaton ka amal kar sakten hai?” Yeh ruhani ilm is ayah mein bhi bayaan kiya gaya hai: 
📖 “Aur agar hum farishte ko Rasool banate tho hum ise phir bhi insaan banate, aur inlogon par yeh maamla mushthaba rakhte.” 📌 ( 6:9)
🌹 Ab, jyun ke mushrikeen be qubul kiya ki Ibraheem, Isma’eel aur Musa saare paigamber the aur insaan hi the, tho woh ab zyada inkaar na kar payenge ki Muhammad ( SalAllahu alaihi wa sallam) paigamber hai aur woh insaan kyun hai.
Isliye ab woh yeh kahkar mazaak udate rahe ki kaise Allah( swt)  ne ek besahara yateem bache ko apna Rasool banaya. Kyun Allah ( swt) ne Quraysh ya Thaif ke behtreen logon mein se kyun nahi chuna? 
📖 ” Aur bole kyun na utara gaya Qur’an in do shaheron ( Quraysh ya Thaif) ke kisi bade aadmi par?” 📌(43:31)
🌹 Allah (swt) be is sawaal ka jawaab is tarah diya: 
📖 “Kya tumhare Rab ki rahmath woh banathe hai?”📌 (43:32)
🌹 Qur’an, paigambari , hidayath- yeh saare Allah( swt) ki Rahmath hai, Woh wahed hai faislaa karnewala ki Woh kise kya ata karen: 
📖 ” Beshaque, Allah khub jaanta hai kahan apni Risalath raken” 📌(6:124)
🌹🌹🌹🌹🌹🌹🌹🌹🌹
TO BE CONTINUED…….
END OF PART 27.

SABAQ 25

Mar5

 Assalamu alaikum Wa Rahmatullahi Wa Barakaatuhu 

 SEERAH OF MUHAMMAD ( SalAllahu alaihi wa sallam) 
 SABAQ 25
 
✨ Propaganda. ( prachaar karna) 

💝 Jab mushrikeen, Muhammad ( SalAllahu alaihi wa sallam) ka mazak udakar, ya  Aap ki naqal karkar,  ya phir logon ka Aap ki tableeq se dyaan hatakar , laakh koshish karne par bhi naakaam hue tab  woh Aap ko badnaam karne ki koshish karne lage.

💝 Pahele tho in logon ne kaha ki Qur’an kuch bhi nahi balki Muhammad ( SalAllahu alaihi wa sallam) ke dimaag ke khwabon ki uljhan bhari gatri hai jo Aap raat ko dekte hai aur phir subha uski tilawath karte hai. Phir unlogon ne kaha ki Qur’an ki line ba line man khadath hai jise khud Aap ne kaha, phir dusri baar yeh kahte ki Qur’an ko koi dusre aadmi ne tajveez kiya Aap ke liye, aur Muhammad ( SalAllahu alaihi wa sallam)  hifz karte aur phir uski tilawath karte.
💝 Aur phir dusre mauke par mushrikeen kahne lage ki Qur’an  jhooth hai aur Aap ne dusron ki madad se Qur’an ko manghadath kar diya. Aur woh yeh bhi kahne lage ki Qur’an ek lahu kahaniyon ka majma hai aur purani kahaniyan hai jo Muhammad ( SalAllahu alaihi wa sallam) subha aur shaam tilawath karte.
💝 Woh tho yahan tak kahne lage ki bure jinn ya badruhen aakar Muhammad ( SalAllahu alaihi wa sallam) ko ayaah sikhathe. Ispar Allah ( swt) ne farmaya:
📖 ” Kya main aapko itela karun unlogon ki jispar badruhen  utare jate hai? Woh  har jhooten gunhegaar ke upar utaare jaate hai.” 📌  ( 26: 221-222) .
💝 Mushrikeen ne ye bhi affaah phailayi ke Muhammad ( SalAllahu alaihi wa sallam) ko dauren aur kharkhi aate hain.   Mushrikeen ne kaha ki , yeh dauren Muhammad ( SalAllahu alahi wa sallam) ki shayari inspiration ki wajeh se hai! Iske mutalab ke jawab mein Allah ( swt ) ne farmaya: 
📖 ” Shayaron ke masayal,  woh jo gumraah hai wahi unki pairwi karte hai. Woh bina maqsad ke har mazmun par chel khadmi karte hai, aur us cheezon ka mutala karte hai jo inhone kiya na ho.” 📌 ( 26: 224-226) 
💝 Is ayaah mein , Allah ( swt)  ne mushrikeen ke is mutaale ko  ke Muhammad ( SalAllahu alaihi wa sallam)  ek shayar hai, chunauthi diya hai. Shayaaron ke theen  khususiyathen bayaan ki hai: unke saathi gumraah hote hai; yeh log koi bhi mazmum ko bhada chadakar bayaan karte hai; aur yeh us kaam ki badaayi karte hai jise inhone kiya hi nahi.
💝 Jab hum ne Rasool ( SalAllahu alaihi wa sallam)  ko bariki se parkhen   aur Aap ke aur Aapke Sahabiyon ke kirdaar ko jaanche, tho pata chala ki aap sab bahuth hi seedhe the. ; Muhammad ( SalAllahu alaihi qa sallam) ki hidayathen sirf logon ko Allah ( swt) ki ibaadat karne , aur Ek Khuda ke mauzu par hi tawajju zyada thi aur Mohammad  ( SalAllahu alaihi wa sallam) apni seekhen khud bhi amal karte aur khud apni zindagi waise hi guzarte aur apne Sahabiyon ko bhi wahi raaste par le jaate the. 
💝💝💝💝💝💝💝💝💝
TO BE CONTINUED…….
END OF PART 25.

SABAQ 24

Mar5

 Assalamu alaikum Wa Rahmatullahi Wa Barakaatuhu 

 SEERAH OF MUHAMMAD ( SalAllahu alaihi wa sallam) 
 SABAQ 24
 
🌷 Inhiraf ( tabdilen) 🌷
 Rasool ( SalAllahu alaihi wa sallam) ki badnaam aur zaleel karne ke bawjuud mutmayeen na hokar mushrikeen yeh koshish mein lag gaye ki koi dusre Aap ki tableeq aur  bayaanath na sune. Jab bhi Aap jamaath mein tableeq dene lagthe, mushrikeen jakar wahan ki bheed ko bhikher dete isse pahele ki Aap apna bayaan shuru karen.
 Tableeq karne ka pahela mauka Rasool ( SalAllahu alaihi wa sallam) ke muhim ke 5 ke saal baad  Ramadan mein aaya. Yeh wahi waqt tha ke Aap ne Surah An- Najm bade jamaath ke saamne tilawath ki thi. Jab bhi Rasool ( SalAallahu alaihi wa sallam) Qur’an ki tilawath karte ( jo aksar raat ke dusre pahar mein nafil namaz  mein) , budhparath Qur’an ki badkalaami karte, iske bawjuud uski beadabi karte jisne Qur’an naazil farmayee, aur uski bhi jisne Qur’an ki logon thak pahunchayi.
 Isliye , Allah (swt)  ne Rasool ( SalAllahu alaihi wa sallam) ki hidayath di ki Aap Qur’ an ko nichi awaaaz mein padhe.
📖” Apni namaaz ko na unchi awaaz mein aur nahi khamoshi mein tilawath karo; balki beej ki awaaz mein padha karo.”📌( 17:110)
 Logon ka dhyaan Qur’an ki  kahaniyon se hatane ke liye, Nadir bin Haarith , Hira aur Syria ko gaye aur wahan se Dara( Darius), Sikandet( Alexander) aur Isfandyar( ek Persia ke Raja)  ke  daastane laya. Jab bhi Rasool ( SalAllahu alaihi wa sallam) koi majlis ko khitaab karna shuru karte , woh wahan pahunch jata aur in sabki daastane sunana shuru karta.
 Aur woh logon se puchtha ki kaise Muhammad ( SalAllahu alaihi wa sallam)  ki taqreer usse behetar ho sakti hai. Nadir phir ek qadam aur aage badha aur gaane wali ladkiyon ko kharida. Agar usse yeh sunne mein aaya ki falan aadmi Muslim ban raha hai, tho woh us shaks ko pakad kar nachnewaliyon ke paas le jaata aur uski tafri karwata aur use khilatha aur pilatha.
 Phir us shaks jo Muslim banne wala tha usse kahta ki nachnewaliyon ki sohbath , Muhammad ( SalAllahu alaihi wa sallam) ki sohbath se aur unki baaton  se kahin achi hai.  Allah( swt) ne tab teh aayath naazil farmayi: 
📖 ” Insaan mein kuch aise log bhi hai jo nasamjhi mein daastane kharid the hai aur logon ko Allah( swt) ki raah se bhatkate hai, aur Allah (swt) ki baaton ka mazaak bana dete hai. Beshaque inhe zalalath ki saza milegi” 📌 (31:6) 
🌷🌷🌷🌷🌷🌷🌷🌷🌷
TO BE CONTINUED……
END OF PART 24.

SABAQ 23

Mar5
 Assalamu alaikum Wa Rahmatullahi Wa Barakaatuhu 
🌱 SEERAH OF MUHAMMAD ( SalAllahu alaihi wa sallam) 
🌱 SABAQ 23
  • 🔺 Islam ke khilaaf alag alag tarkeeben.
  • 🔺 Mazakh, tauheen aur naqal karna.

 

🌱 Haj mukammal hone ke baad , hujjaj wapas apne ghar laute dilon mein  naye mazhab , dushmani mazhab ka masla lekar. Kai arse tak shirk , bushparasthi mein mubtala hone ki wajah se , Arabs , Islam ki ek naye mazhab ki tarah dekhne lage aur use bahar nikaal phekne ki soch rahe the. Woh yeh maanne se inkaar kar rahe the ki yeh tho qadeem Ek Khuda ka aqeeda hai jise hamare baap dada , Ibraheem( alaihi salaam) aur Isma’eel (alaihi salaam) tableeq dete hue aaye hai.
🌱Intehayi jalim mushrikeen ne alag alag tarkeeb aur mansube banana shuru kardiya, maujuda halath ka saamna karne ke liye. Aur unhe pura bharosa tha ki inke tarkeeben agar amal mein laaye jayenge tho yeh sab Islam ka khatma karne mein kaamyaab ho jayenge. In ke tarkeebon mein mazak udana, gaali dena, touhmat lagana, behaas karna aur Muhammad ( SalAllahu alaihi wa sallam) aur Aap ke Sahabiyon ko satana aur zulm karna tha.
✨ MAZAK , TAUHEEN AUR NAQAL KARNA ✨
🌱 Muhammad ( SalAllahu alaihi wa sallam) ko beizzat  aur nicha girane ke liye budhparasth Arab yeh kah kar badnaam karne lage:- 
👉 ”  Yeh tho shayar, pagal aur nujumi hai…..Shaytaan Aap ke paas ata hai aur sikhatha hai….. Yeh ek jaadugar hai , jhootha hai.”
🌸 Jab inlogon ka saamna  Rasool ( SalAllahu alaihi wa sallam) se hotha tho yeh unhe ghur ke dekhte, dhamkate aur sarkashi karte hue kahte:-” Yeh wahi aadmi hai jo apne khudaon ko badnaam kar raha hai!” Budhparasth , Muslims ko raaston mein taana dete aur kahte: ” Dekho! Zameen ke hukmraab aa rahe hai. Kya Allah( swt) ne inhe yeh zimmedari sonpi hai? ” Yeh us muashere ka tauheen aftaa mahol hai jahan kamzor samaji kaseer Muslims ko taqatwar barhe adad ke logon ka saamna karna pada.
🌱 Yeh ghatiya aur zulmana mazaak aur yeh mazamat  Rasool ( SalAllahu alaihi wa sallam) jo bhi takleef dene laga. Allah ( swt) ne kaha: 
📖 “Hame maalum hai ki Aap ke dil ko bahuth takleef ho rahi hai, ye sunkar jo unlogon ne kaha.”📌 (15:9)
🌱 Allah ( swt) ne Rasool ( SalAllahu alaihi wa sallam) ko honsla aur tassali dene ke liye aur Aap ki madad karne ke liye yeh aayath naazil farmayi:- 
📖 ” Lehaaza, Apne Rab ki badayi karo, aur unmein shaamil ho jo apne aap ko Uske saamne saajda karte ho.”📌 ( 15: 98 )
🌱 Ek dusri aayath mein , Rasool ( SalAllahu alaihi wa sallam) se farmaya gaya Allah( swt) wahed ek hi hai jo gunhegaaron aur budhparasthon ka faisla karenge, aur unhe waisa hi phal milega jaise ke unke gunha. Rasool ( SalAllahu àlaihi wa sallam) , Aap ke Sahabiyon ki dilasa dete hue farmaya: 
👉” Mere se pahele jitne bhi Paigamber aayen hai unka bhi mazak udhaya gaya aur unki bhi khilaafat ki gayi, magar mazak udane wale sab apne aap ki nafrath ke dayere mein baandh liya hai.”
🌱🌱🌱🌱🌱🌱🌱🌱🌱
TO BE CONTINUED……..
END OF PART 23.