Archives

SABAQ 50

Mar6
Assalamu alaikum Wa Rahmatullahi Wa Barakaatuhu 
SEERAH OF MUHAMMAD  (SalAllahu alaihi wa sallam)  LESSON NO : 50 
 SABAQ 50
Umar bin Al-Khattaab ne Islam qubool kiya( cont)
 Apne Shohar ke sawaal ke haan mein haan milakar, Fatimah ne Umar( R.A) ke deen ki sacchaayi ko chunauti dete hue kaha, “Umar! Tumhare deen se sacchaayi bahuth dur ho tho kya hoga?  Phir apne bhai ke saamne, woh bhi apna Imaan qubool kiya, wahi alfaaz istemaal karte hue jo har Muslim kahta hai Allah( swt) ki Tauwheed ki aur Muhammad( SalAllahu alaihi wa sallam) ke Rosool hone ki  gawahi dete waqt kahta hai. Woh kahi, ” Main gawaahi deta hun ke Allah( swt) ke siwa koi mabood nahi aur main gawaahi deta hun ke Muhammad( SalAllahu alaihi wa sallam)  uske Rasool hai”.
 Jab Umar ( R.A) ne apni bahen ko itne shaan se apna Imaan ikhraar karte dekha,  tho woh sharam se pani pani ho gaye.
” Hame batao , tum kya pad rahi thi”aapne pucha. Aap ki bahen ne jawab diya,
 “Tum paak nahi ho, aur sirf paak , saaf hokar hi hum ise chu sakte hai. Jao apne aap ko dhokar aao”.
Bechain Umar ( R.A)  ne jaldi jakar gusul kiya aur Surah Ta-Ha ke panne liye aur tilawat karne lage Bismillahir-Rahmaanir-Raheem( Shuru Allah ke paak naam se , jo bada Meherbaan,  Rahemwala hai).
  “Yeh tho paak naam hai,” Umar( R.A) ne kaha. Aap aage padhne lage:
 ” Beshaque, main Rab hun-mere siwa koi aur ibaadat ke qaabil nahi, isliye meri ibaadat kiya karo aur Mujhe yaad karne ke liye ( ibaadat)  namaaze ada kiya karo”📌( 20:14)
 Umar( R.A) ne ayaah ki rafaath ke  khauf se kaha, “Mujhe Muhammad kahan milenge?” Jab Khabbaab ( R.A) ne yeh suna, tab woh chupe hue the, wahan se bahar aaye aur kaha, 
 Aye Umar! Khushiyaan manao. Maine dua ki thi , Allah( swt) tum par rahem farmaaye. Jumeraath ki raat ko maine suna tha Rasool ( SalAllahu alaihi wa sallam),  Allah(swt) se dya kar rahe the ki : Aye Allah! Islam ko mazbuth kijiye, Umar bin Khattaab ya Abu Jahl bin Hisham ke  zariye “.
 Jab Umar ( R.A) ko pata chala ki Rasool ( SalAllahu alaihi wa sallam) Dar Al-Arqam ke paas hai, woh us taraf Aap se milne ke liye daud lagayi. Aap darwaaza khat khataane lage, Rasool ( SalAllahu alaihi wa sallam) ke Sahabiyon mein se ek ne darwaaze ki ek chote se suraakh se jhaankar dekha ki Umar( R A) , haath mein talwaar liye, bahuth hi gusse mein tahere hue hai. Sahabi ne , ghar ke aandar jaakar yeh khabar ki ethela di.
 “Kya baat gai?” Hamzah (R.A) ne pucha.
 “Umar darwaaze par hai,” Sahabi ne jawaab diya.
 “Itni se baat ?” Hamzah ( R.A) ne kaha. ” Agar woh aman karne aaya hai tho , koi baat nahi. Magar nahi, tho hum uska qatal kardenge , usi ki talwaaar se.”
 Rasool ( SalAllahu alaihi wa sallam) , is beech , ALLAH( swt) ki wahi  lene mein masroof the , aur wahi ke pure hote hi Aap  baitak ke kamre mein daakhil hue. Umar( R.A)  wahan  baite hue the. Rasool ( SalAllahu alaihi wa sallam) , unhe kapdon se  aur talwaar bandh se pakda aur unhe jaldi  se kaha,
“Umar! Kya tum apne raaste se piche nahi  hatoge jabtak ke Allah ( swt), tum par azaab na bheje , jaise Usne Waleed bin Mugheer ko bheja? Aye Allah( swt) ! Ye Umar bin Khattaab  hai. Aye Allah( swt) ! Islam par  taaqat aur azmath ata farma, Umar bin Khattaab je zariye.”
 Rasool ( SalAllahu alaihi wa sallam) jaise hi apni dua khatam ki, Umar( R.A) ne kaha,
 Main gawaahi deta hun ke Allah ke siwa ibaadat ke qaabil koi nahi , aur Aap Allah (swt) ke bheje hue Rasool hai”. Wahan par jitne log the , sab itne zor se “Allahu Akbar”( Allah( swt) bahuth bada hai) bolne lage ki , unki awaaz Ka’bah ke ird gird gunjne lagi.
TO BE CONTINUED……
END OF LESSON 50…..

SABAQ 47

Mar6
 Assalamu alaikum Wa Rahmatullahi Wa Barakaatuhu  
SEERAH OF MUHAMMAD (SalAllahu alaihi wa sallam)  
 SABAQ 47
 Rasool ( SalAllahu alaihi wa sallam) par aur zyada zulm aur sitam(continued)
 Abu Bakr ( R.A) ne bahuth badi keemat chukayi Rasool ( SalAllahu alaihi wa sallam) ki bachane ki. Bheed ne aap ko berahmi se itna maara , ki aap ka chehra chuknachur ho gaya aur aap ki naak , aapke chehre se alheda ho gayi. Banu Taym ke log aap ko lapet kar unke ghar le gaye. Unhe pura yaqeen tha ki , Abu Bakr (R.A) dusra din dekne ke liye zinda nahi rahenge.
Lekin, Abu Bakr (R.A) ne is bure hamle ko jhel liya. Us din shaam ko aapne Rasool ( SalAllahu alaihi wa sallam) ki khair khairiyath puchi. Banu Taym ke log inhe gussa kiya , aapke  Rasool ( SalAllHu alaihi wa sallam) ki taraf pokhthi imaandaari ki dekh kar aur woh log wahan se chale gaye.
 Apni khud ki saheth ki parwah kiye baiger ,Abu Bakr (R.A) khane pine se inkaar kar diya, aur zid karne lage ki aap Rasool ( SalAllahu alaihi wa salkam) ko dekhenge , taake unhe yaqeen ho jaye ki Aap sahi salamath zinda hai. Akhirkaar, ghere andhere
mein aapko ko Dar Al-Arqam, Rasool ( SalAllahu alaihi wa sallam) ke paas le jaya gaya. Wahan unhone Aap ka dedaar kiya aur phir tab kuch khaya aur piya.
 Abu Bakr ( R.A) ko zyada se zyada zulm aur takleef sahni padi, Makkah ke mushrikeen ke haathon jab tak ke aap ne faisala kiya ki aap Abyssinia ko hijrath karenge. Is maqsad se aapne Makkah choda aur us jaghe ka safar tay kiya jo Mominon ka panahgaar ban gaya tha. Jab aap Bark Ghimad, pahunche, aapki mulaqaat Malik bin Dughunna , jo Qara aur Ahabish ka sardaar tha  , unse hui. ( yeh aaplog sabaq  ke aakhiri mein Note Refer kar sakte hai.)
 Malik ne aap se pucha ki aap kyun Makkah ka tark kar rahe hai. Jab Abu Bakr( R.A) ne kaha ki woh Abyssinia ki taraf hijrath kar rahe hai, tab Malik ne uska inkaar karte hue kaha:
 “Aap jaise shaks ko is tarah nahi nikala ha sakta. Aap ne kitne hi besaharon ki madad ki, aap apne rishtedaron ke saath bahuth ache se pesh aate ho, aap gareebon ka boojh utathe ho, apne memaan se achi tarah mehmaan nawazi karte ho, aur aap un sab ko hamdardi ki baaten aur sukoon pahunchate ho jo sacchayi ke liye takleef jheli hai. Main kasam khata hun ki main aapki hifazat karunga. Aao mere saath chaliye aur aap ke shaher mein aap ke Rab ki ibaadat kijiye.”
 Abu Bakr( R.A) ne Malik ki kasam unki hifazat karne ki,  qubool ki  aur dono ne wapas Makkah ka safar tay kiya. Malik bin Dughunna ne elaan kiya ki Abu Bakr (R.A) ab uski hifazat mein hai.
 Quraysh ne Malik ke hifazat ka wada qubool kiya,  lekin ek sharth pe ke Abu Bakr ( R.A) sirf apne ghare mein hi ibaadat kar sakte hai taake unhe koi bhi na dekhe. Mushrikeen ko dar tha ki kahin unki auraten, bacche aur dusre naamcheen log , kahin Islam ke khule aam numaish se mutaseer na ho jaye. 
 Abu Bakr ( R.A) kuch din tak is sharth ko barkharar rakha. Phir kuch arse ke baad aap ne apne hi aangan mein , ek ibaadat ki jagah muqarar ki aur usi jagah ibaadat karna aur Qur’an ki tilwaath khule aangan mein karne lage. Jab yeh baat Dughunna ko pata chala , tho aapko yaad dilaya ki woh kis sharth par unki hifazat karne ki kasam khayi hai. Abu Bakr ( R.A) ne use uski kasam se azaad kar diya yeh kahte hue ki:
” Main us par haami bhartha hun jo hifazat aur guarantee mere Rab ne mujhe di”
Abu Bake( R.A) na hi sirf sakth the, balki aap narm dil wale the. Qur’an, jo nemathon sur saza ka wada karti hai, jo Allah( swt) ki kainaath ka bayaan karti hai, aur jo apne guzre hue paigamberon ki tafseel bayaan karti hai, aankon mein aason lati hai. Jaise Qur’an ki ayaah ki tilawath kita karte the, Abu Bakr (R.A) roya karte the. Auraten aur bacche , aap ke irdgird jama ho jaathe, aur hairaan hokar dekha karte ki Qur’an ki tilawaath ke baad kis tarah aap emotional ho jaate. Quraysh ke aadmi , yeh sab zyada din tak bardashth nahi paye aur nayi tajveez sochne  lage aapko pareshaan karne ke liye.
❗ NOTE:-
qara: ek mashoor qabile ka naam.
Anabish: Arab ke kayi qabile ka majma jo is baat par khayam kiya gaya ki , woh sab apas mein miljhul kar rahenge.
🍒🍒🍒🍒🍒🍒🍒🍒🍒
TO BE CONTINUED……..
END OF PART 47……..

SABAQ 55

Mar6
 Assalamu alaikum Wa Rahmatullahi Wa Barakaatuhu 
SEERAH OF MUHAMMAD  (SalAllahu alaihi wa sallam)   
SABAQ 55
Sazaa ke liye jaldi karna
Abu Taalib ne Bani Haashim aur Bani Al-Muttalib ko ekkata kiya.
 Rasool ( SalAllahu alaihi wa sallam) ko apne khandaan ke logon ke paas bhi bheja gaya taake Aap unhe  chetavni  dene ki , agar woh log isi tarah apne Imaan ki khilaafath karte rahenge toh , Allah(swt) unlog par , kisi bhi waqt bada azaab naazil farmayega. Aap ne unlogon ko is baat se hoshiyaar kar diya tha , par woh log intezaar karte rahe aur dekhte rahe. Kuch azaab nahi hua, toh unki jahalath badthi gayi, aur woh log Rasool ( SalAllahu alaihi wa sallam) ko chunauthi di ki Allah( swt) ke sazaa ko jaldi lakar bataye.
 Allah( swt) ne inlogon ki guzarish ka jawab dete hue yeh theen(3) ayaah naazil farmayi: 
” Aur, woh tumse jald tar azaab maangte hai, jabke Allah(swt) hargeez apne waade ke khilaaf nahi karega-aur yaqeenan tere Rab ke paas aisa bhi din hai jo is shumaar ke mutabiq jo tum karte ho , ek hazaar baras ka hai.”(22:47)
” Aur woh tujse jald azaab laane ka muthlaba karte hai-
Beshaque , jahannum kaafiron ko zarur gher lene wali hai.”( 29:54)
“Kya woh log jinhone buri tqdbeeren ki hai , darte nahi ke Allah(swt) inhe zameen mein dhansaa dega? Ya in ke paas azaab wahan se aajayega , jahan se woh gumaan rak na karte ho. Ya inhe inke chalne phirne ki halaath mein( rozana zindagi ke kaamon) aa pakde aur woh usse na bach saje? Ya inhe dheere dheere ghatne ki halaath mein pakadle? Beshaque, tumhara Rab bahuth hi meherbaan aur baar baar rahemkarne wala hai.”(16: 45-47).
Phir , Makkahwalon ne sacch se bach nikalne ka tareeqa soch liya. Woh log apni khilaafath mein date rahe, aur Rasool( SalAllahu alaihi wa sallam) se  apne mutabilaath( demands) pesh karne lage, puchne lage ki Aap mojezaath ( karishmaath/ karaamaath) bataye, jab ke yeh jaante the ki Aap aisa nahi kar sakte. Is tarah woh idhar se udhar karte rahe, kabhie Rasool ( SalAllahu alaihi wa sallam) se samjauthe ke liye mulaaqaath karte , aur kabhie unhe chunathiyan dete , namumkeen cheezen karne ke liye. Bahuth saare Makkahwale sochne lage ki, iska hal sirf talwaar  hai, jabke dusre log darne lage ki iska natija apno ka khoon bahana hoga.
 ABU TALIB NE BANI HASHIM AUR BANI AL-MUTTALIB KO EK SAATH EKKATA KIYA 
 Is naye aur ache tabdilon ke bawjuud, Abu Taalib , ko ab bhi apne bhatije ke liye , dar mehsus ho raha tha. Woh un saare kisse aur hadson par gaur karne lage jisme Amarah bin Al-Waleed ka adla badli ka maamla, Abu Jahl ka pathar , Uqbah ka Rasool( SalAllahu alaihi wa salkan) ki uqsana aur akhirkaar Umar(R.A) [Islaam qubool karne se pahele] ka Muhammad( SalAllahu alaihi wa sallam) ka qatl karne ka irada.
 Is zahin shaks , samajh gaye the ki yeh saare naqabile khatarnaak waqiath
ke mabsube isliye rache gaye, taake Rasool ( SalAllahu alaihi wa sallam) 
ko aap ki sarparasthi se, nigraani se hata kar, aur Aap ko aamkhaas qatl kar diya jaye. Is silisile mein, Abu Taalib ki pura yaqeen tha ki, naahi Umar(R.A) aur naahi Hamzag(R.A) kuch kar payenge, haalanke yeh dono samaaji taur se taqatwar the. 
 Abu Taalib sahi the. Mushrikeeb ne Rasool ( SalAllahu alaihi wa sallam) ka qatl karne ka, ek socha samjha mansuba tayaar kiya, aur saare ek saath jama ho gaye , apne mansube ko pura karne ke liye. Isliye aap ne, apne qabile Bani Hashim aur Bani Al-Muttalib ke qabile ke logon ko, Abd Munaf ke beton ki jama kiya aur unhe samjhaya ki , yeh sab apni naitefaaqi khatam karke , apne bhatije ki hifazath kare. Sab log jahe Imaan wale ho ya na imaan waale ho ,sab  ne apni hami bhardi siwaye aapke bhai Abu Lahab ke , jo budhparasthon ke saath tha. 
🌻🌻🌻🌻🌻🌻🌻🌻🌻
TO BE CONTINUED……
END OF PART 55……….

SABAQ 48

Mar6

 

 Assalamu alaikum Wa Rahmatullahi Wa Barakaatuhu 
SEERAH OF MUHAMMAD  (SalAllahu alaihi wa sallam)  
  SABAQ 48
Hamzah bin Abdul Muttalib  neIslam qubool kiya.
 Umar bin Al-Khattab ne Islam qubool kiya.
 Makkah ke saare log , bahrehaal, Islam ke baaren mein dusron ki tarah sakth khayal nahi rakte the. Yahan tak ke mushrikeen jamathon 
Ke mazbooth sathun( pillars)
ke pathar dilen bhi pigal rahe the , jab woh akele mein Rasool ( SalAllahu alaihi wa sallam) ke paigam ke baaren mein socha karte the. Yeh sab bhi kuch kam mutassir nahi hue Aap ke himmat ke jab Aap ne Quraysh ka saamna kiya aur Aap ke bepanah sabr se. 
Hamzah bin Abdul Mutallib( R.A) , jo Rasool ( SalAllahu alaihi wa sallam) ke chachajaan the, aur Umar bin Khattab ( R.A) , yeh dono aise shaks the. Aur aap dono ka Islam qubool karna , Islam ki tareeq mein , ek bahuth bada moad saabith hua. 
 Ek dafa, Abu Jahal ka,  Rasool ( SalAllahu alaihi wa sallam) ke paas se Pahade Safa ke nazdeek guzarna hua. Woh Rasool ( SalAllahu alaihi wa sallam) ki beizzati karne laga, aur kuch zariyon ke mutabiq, woh Aap ke sir ko pathar se nishana banaya
jiske wajah se khoon bhane laga. Rasool ( SalAllahu alaihi wa sallam) jo hamesha sabr karte the,Abu Jahal ke zulm ka  kuch jawab na diya. Ek gulaam aurat jo Abdullah bin Jad’an ki thi, usne yeh saara manzar dekha. Apne aapko khush aur itminaan karte hue Abu Jahal wahan se nikalkar  Ka’bah ki taraf gaya aur wahan Quraysh ke kuch logon ke jamaath ke saath baita.
 Kuch hi  der ke baad, Hamzah( R.A) shikaar se laute aur  apne theerkamaan ke saath wahan pahunche. Jab us gulaam aurat ne aap ke bhatije ke saath hue hadse ko, aap ko sunaya, Hamzah( R.A) , Abu Jahal ki taraf palte,
” Aye hawa ki thaili, teri itni majaal ke tu mere bhatije ko gaali deta hai jabke main uske deen ko maanta hun?”
 Hamzah( R.A ) ne Abu Jahal ko apne kamaan se maara aur ghera ghaw kar diya.  Jab Banu Makhzoom( Abu Jahal ke qabile ke log) aur Banu Hashim  (Hamzah (R.A)  ke qabile ke log) ek dusre par hamla karne lage, tab Abu Jahal ne apne rishtedaaron ko peeche hatne ko kaha, yeh kahte hue ki, ” Pahele yahan se Abu Ammara( Hamzah( R.A) ko jaane do. Maine unke bhatije ko nainsaafi se hi gaali galoj ki”.
 Hamzah ( R.A) ka achanak Islam qubool karna,
apne khandaan ki izzat ko barkharar rakne ka natija nazar aa raha tha. Rasool ( SalAllahu alaihi wa sallam)  tho cheh(6) saal se akele aur mushkil waqt beeta rahe the , apne Allah( swt) ke paigaam ki tableegh karte karte, aur Hamzah ( R.A) ne jab tak uspar dyaan tak nahi diya.
 Jaldi hi, bahrehaal, Hamzah ( R.A) ke dil mein kuch halchul shuru honi lagi. Unhe ehsaas hua ki Imaan ka matlab jadon ko mazbuth pakadna hai, aur woh dekhne lage aur mehsus karne lage ki aapki Islam ki taraf mohabbat , aapke Rasool(SalAllahu alaihi wa sallam) se rishte se bhi zyada hai. Unka Allah( swt) ki taraf Imaan , itna taqatwar tha ki aage chalke aapko ‘”Asadullah” ( Allah( swt) ka sher) kaha gaya.
UMAR BIN AL-KHATTAB NE ISLAM QUBOOL KIYA
 Hamzah ( R.A) ke Islam qubool karne ke kuch theen din baad hi , Umar( R.A) , Muslim ho gaye .Umar(R.A), 
unche aur bahuth hi taqatwar shaks the, aur Islam ki kattar dushman the . Aap apne  tez gusse ke liye aur shayari se mohaabat ke liye aur had se zyada peene ke liye mashur the. Umar ( R.A) ki kahani ke aap ne kis tarah Islam qubool kiya, Islaam ki tareeq mein ek dilchasp waqiyah raha.
🌸🌸🌸🌸🌸🌸🌸🌸🌸
TO BE CONTINUED…..
END OF PART 48…..

SABAQ 54

Mar6

Assalamu alaikum Wa Rahmatullahi  Wa Barakaatuhu

 
SEERAH OF MUHAMMAD  (SalAllahu alaihi wa sallam) 
 
SABAQ 54
 
Saudebaazi aur Dastbardari ( continued)
 Ek baar jab Makkahwalon ko samajh aa gaya ki Rasool (SalAllahu alaihi wa sallam)  apne Imaan ke pakee aur sacche hai, or koi samjauthe ke liye tayaar nahi hai, toh woh log irada karliye ki woh malum karenge ki kya Aap waqih mein Paigamber hai ya phir apne aap ko khud hi paigamber samajh baite hai.
 Rasool (SalAllahu alaihi wa sallam) ka imtihaan lene ke liye Makkahwale , kuch Yahudi aleemon ki rahnumayi li. Yeh aleem log Makkahwalon se kaha ki , woh Muhammad( SalAllahu alaihi wa sallam) ke paas jakar theen(3) sawaal kare, aur agar Aap uske sahi jawaab de diye,toh beshaque
Aap paigamber hai. Agar, kisi bi haal mein , Aap un sawaalon ka jawab na de paye , toh woh phir beshaque ek behrupiya hai. 
 Pahele, woh yahudi aleem , Makkahwalon se kaha ki woh log Muhammad ( SalAllahu alaihi wa sallam) se us naujawanon ke naqabile yaqeen kahaniyon ke baare mein puche , jo unki
Kitaab( tohra) mein hai. Dusra sawaal  us shaks ke silsile mein tha , jo mashreeq se lekar magreeb tak  safar kiya ho. Theesra, unlog ne Makkahwalon ko hidayath di ki woh log Muhammad( Sal Allahu alaihi wa sallam) se ruh ke baare mein puche. Quraysh ke sardaron ne yeh sawaal Rasool ( SalAllahu alaihi wa sallam ) se pucha aur iske jawaab mein Surah Al-kahf ( gaar)  naazil hui.
 Yeh Surah, kuch naujawaan ladkon ki kahani bayaan karta hai, jo mushrikeen ke haathon sataye jane ke baad gaar mein panaah li. Allah ( swt) ne unhe sauon( 100s)  ki gheri neend mein daal diya, aur phir unhe uthaya, qayamath ki aane ki din ki nishaaniya banakar. Is Surah mein Dhul Qarnain ki kahani ka bhi bayaan hai, woh shaks jo saari duniya ghuma tha. Akhiri mein , theesre sawaal ka jawab Surah Al-Israa  ke zariye diya gaya:
” Woh tumhe ruh ke baare mein puchte hai. Kaho: Ruh toh Mere Rab ka mamla hai, aur insaan is ki bahuth kam khabar rakta hai.”📌(17:85)
Muhammad( SalAllahu alaihi wa sallam) ne saare jawab sahi diye, jo rabbis ne Quraysh ke zariye puchne lagaye. Jab ki ab Makkahwalon ke paas sabooth tha ki Muhammad (SalAllahu alaihi wa sallam) sacche paigamber hai, unko mushikil faisle ka saamne karna pada. Woh abhi bhi Islam qubool karne ke liye tayaar nahi the bina hichkichahat ke , jaise Muhammad ( SalAllahu alaihi wa sallam) ke sahabiyon ne qubool kiya.
 Iska natija, unlog ne yaqeen kiya, ke woh Rasool ( SalAllahu alaihi wa sallam) se kahenge ke, unhe Islam mein dakhil hone de ek aam  momin ku tarah nahi, balki momin ki tarah jiski khaas haisiyath hogi. Rasool ( SalAllahu alaihi wa sallam) ke lagbhag maanne wale , Makkah ke niche tabqe ke log the, ala darje ke Quraysh 
Yeh nahi chahte the ki unka jama , unse kam tabqe ke logon se kiya jaye. Yeh maqsad se yeh sab Rasool ( SalAllahu alaihi wa sallam) se baat cheet karne pahunche.
 Rasool (SalAllahu alaihi wa sallam) , azeem Makkahwalon  ko Islam qubool karane mein itne bachain the, ki shayaad is faisle ke raaste mein Aap unki sharth bhi qubool karlete. Magar Allah( swt) ne unhe hukum diya ki woh apne is khwaish ( fitne) ko thaam le , is ayaah ke zariye:
” Wapas mat bhejo , unlog ko jo apne Rab  ki Surath ko subah   shaam dundthe aa pahunchte hai. Tum unke jawabdaar nahi hai, nahi woh tumhare. Agar tumne ,unhe wapas bhej diya, toh tum zaalimon mein ho jaaoge.”📌(6:52)
 Rasool ( SalAllahu alaihi wa sallam)  ko is tarah rok diya gaya ,  Islam ke daayre se , Quraysh ko koi azeem haisiyath dene se ,  Is wajeh se , Islam mein koi tabqe  , koi unchbeech maujuud nahi hai. Iska yeh matlab  hai ki koi Momin bhai , apne dusre momin bhai se kisi bhi cheez mein chata bada nahi hota, siwaye apne Imaan aur ache amaal ki wajeh se, .
🌹🌹🌹🌹🌹🌹🌹🌹🌹
TO BE CONTINUED….
END OF PART 54.

SABAQ 53

Mar6

Assalamu alaikum Wa Rahmatullahi Wa Barakaatuhu 

 
SEERAH OF MUHAMMAD (SalAllahu alaihi wa sallam)  
 
 SABAQ53
Ek aisi peshkash jo aam insaan inkaar na kar paaye ( continued)
Saudebaazi aur Dastbardari.( tark karna)

 

 Utbah phir wahan se nikala aur seedhe apne saathiyon ke paas pahuncha. Jaise hi woh , unki taraf badhne laga, unlogon ne unke chehre par ek ajeeb izhaar dekha. Sab unse puchne lage ki kya hua, aur Utbah ne saara waqiyah sunaya , jo unke aur Muhammad ( SalAllahu alaihi wa sallam) ke darmiyaan hua:
” Maine ek bayaan suna , aisa jo maine kabhie nahi suna. Khuda ki kasam khakar kahtha hun , Aye Quraysh! Ke woh koi shayari nahi, nahi koi jinn ka asar ya jaadu tona. Meri baat maano aur us shaks ko akela chod do. Khuda ki kasam, kuch ajeeb( hairath karne wali) hone wala , main jo suna usse bhi zyada . Ab, agar Arab inka qatl karte hai, toh tumhara kaam , dusron se mukammal hoga, aur agar yeh shaks Arab ko kabze mein le liya, uski baadshaahi , tumlog ki baadshaahi hogi, uski izzat tum log ki izzat hogi, aur woh tumhare liya khushnaseebi ka zariya hoga.”
 Utbah ki mehfil unpar shaque karne lagi. ” Unke zabaan ka jaadu tum par chad gaya hai,” logon ne kaha. ” yeh mera kahna hai,” Utbah ne jawab diya. “Ab tumlog jo beheter samajthe  ho woh karo.”
✨ SAUDEBAAZI AUR DASTBARDARI ✨
 Agar Muhammad ( SalAllahu alaihi wa sallam) ko lalach dekar apna Imaan tark karane mein kaamyaab na hone par, Makkahwale sochne lage, ki shayad Aap samjhautha karlenge.  Unlog ne ek jamaath ko Muhammad ( SalAllahu alaihi wa sallam) ke paas bheja , yeh tajveez karte hue ki kaise dono taraf ke jhagde ko khatam karke , dono khush rahenge. ” Hum Aap ke saamne ek tajveez pesh karenge , jo Aap ke liye , masaail sahi kar degi,” bade guruur se unlogon ne  Rasool ( SalAllahu alaihi wa sallam) se kaha.
” Woh kyaa hai?” Rasool ( SalAllahu alaihi wa sallam) ne pucha.
 ” Aap hamare khudaaon ki ibaadat ek saal(.baras) kariye,” unlogon ne samjhaya, “aur hum Aap ke Khuda ki ibaadat ek saal karenge,. Is wajeh se , agar hamara deen sahi hai, inaam mein se kuch hissa Aap ko mil jayega, aur agar Aap ka deen sahi hai, toh hame hissa milega.”
 Quraysh ki Is tajveez ke jawab mein , Surah Al-Kaafiroon ( Be-Imaan wale) naazil hui thi: 
 “Tum farmaao! Aye kaafiron! Kya tum mujhe hukum dete ho , Allah(swt) ke siwa main kisi aur ki ibaadat karun? “📌(39:64)
Dusri ayaah bhi , Quraysh ki tajveez ke silsile mein hi naazil hui, aur yeh hame is baat ki taraf ruju karti hai: 
” Farmaao: mujhe mana hai uski ibaadat karna , jiski ibaadat tum karte ho.”📌(6:56)
 Makkahwale , bahrehaal, abhi tak yehi soch rahe the ki , woh Rasool( SalAllahu alaihi wa sallam) se saudebaazi kar sakte hai.
 “Is Qur’an ke badle tum dusri le aao,”.woh zor dene lage. “Ya Is mein kuch tabdiliyan karo jo maujuud  hai.”
 Is azizi je jawab mein , Allah(swt) ne Rasool ( SalAllahu alaihi wa sallam) se kaha:
“Aur jab meri saaf ayaah  inhe sunayi gayi, woh log jo mujhse milna nahi chahte , kahte hai ‘dusri Qur’an laao ya jo maujuud hai use tabdeel karo’. Unhe kaho: main khud use tabdeel nahi karsakta. Main use hi amal karta  hun mujh par naazil hui. Aur main darta hun ke agar maine nafarmaani ki mere Rab ki, mujhe bada azaab hoga, Qayamath ke din”.📌(10:15)
 Dusri ayaah bhi naazil hui jo yeh saaf saaf bayaan karti hai ke Rasool ( SalAllahu alaihi wa sallam) , budhparasthon ki saudebaazi mein koi hissa nahi lenge, balki,  unhe yeh paigaam denge , waise hi jaise Aap par yeh naazil hui:
“Woh tumhe bhatkayenge uspar se jo tum par naazil hui, is umeed par ke usmein kuch todmod karenge Mere naam se. Woh beshaque tumhe apna dost banayenge. Aur agar main tumhe taaqat na bakshtha, tum unki taraf thoda jhuk jaaoge. Aur agar tum kuch aisa karte, toh main tumhe do hisse zyada azaab mein daal deta , is zindagi mein aur do hisse zyada mauth ke baad, aur tumhe koi madagaar nahi milege Mujhse bachane ke liye.”📌( 17:73-75).
🍒🍒🍒🍒🍒🍒🍒🍒🍒
TO BE CONTINUED……
END OF PART 53………

SABAQ 45

Mar6

Assalamu alaikum Wa Rahmatullahi Wa Barakaatuhu 

 
SEERAH OF MUHAMMAD (SalAllahu alaihi wa sallam) 
 
 SABAQ 45
Rasool ( SalAllahu alaihi wa sallam) par aur zyada zulm aur sitam.
Jo nakaamyaabi aur haar,  Mushrikeen ko Abyssinia mein mili, Islam ko nafrath karne ki aur ek wajah ban gayi. Yeh aam baat thi ke, woh apna saara gussa un Mominon par nikaalenge jo Makkah mein maujud the. 
Ek baar Atiba bin Abu Lahab, jo us waqt Rasool (SalAllahu alaihi wa sallam) ki beti Umm Kulsoom se talaaq le chuka tha, Rasool ( SalAllahu alaihi wa sallam) ke paas aaya aur Surah An-Najm ki ayaah ki tilawath ki, magar yeh kahne ke liye ki” “main us par yaqeeda nahi rakhtha hun jisne yeh  ayaah naazil ki”. Woh baar baar kahne laga ki haalanke saare  Quraysh ne  Rasool ( SalAllahu alaihi wa sallam) ke saath Surah An-Najm ki ayaah sunkar sajda kiya, magar woh abhi bhi apne baat par date hai ki unhe Muhammad( SalAllahu alaihi wa sallam) ke ruhani zariya se paigamberi milna aur unhe jo wahi aayi , jo kuch naazil hue , us par koi yaqeeda nahi hai.
 Is waqt se , Atiba , Rasool ( SalAllahu alaihi wa sallam) ke hamesha chidchidepan ka zariya ban gaya. Ek baar tho woh Rasool ( SalAllahu alaihi wa sallam) ke kapde phaadkar , Aap ke munh par pheka.
” O Allah! Rasool ( SalAllahu alaihi wa sallam) iske badle mein kaha, ” iske pheche AAP  apne kutte laga dijiye.”.
Uske fauran baad hi, Atiba, caravan ke saath  Syria  gaya. Jab caravan , Zarqaa jakar ruka, wahan unhe ek sher aakar gher liya, Atiba dar gaya aur cheekne laga: 
 Khuda ki kasam, woh mujpar jhaptega, jaise ke Muhammad ( SalAllahu slaihi wa sallam) ne dua ki. Main Syria mein hun aur woh  Makkah mein hai, magar uske bawjud woh muhje maar dega”.
Jab woh saare raat ko sone gaye, dusre caravan ke log Atiba ko beech mein sone diya. Aisa intezaam karne ke bawjud bhi , sher ne wahan ke unth, aur baaqi saare aadmiyon ko paar karke Atiba par panja maara. Woh uska sir , apne jabde mein lekar   use wahin usiwaqt khatam kar diya.
 Ek dushman ka khatma ho gaya. Baaqi aur bache the Rasool ( SalAllahu alaihiwa sallam) ko satane ke liye. Uqba bin Abi Mu’ayt, jo unth ke anthadiyon ko Rasool (SalAllahu alaihi wa sallam) ke peet par dala tha, ek baar dekha ki Rasool (SalAllahu alaihi wa sallam) ibaadat kar rahe the, woh intezaar karne laga ki kab Aap apna sir zameen par jhukayenge.
 Jaise hi Aap zameen par jhuke , woh apna pair Rasool ( SalAllahu alaihi wa sallam) ke gardan par rakha aur dabane laga , apna saara wazan daalkar, jab tak ke Rasool( SalAllahu alaihi wa sallam) ke aankhen bahar na nikal aaye.
Akhirkaar, jab inlog ne dekha ki kuch bhi Rasool ( SalAllahu alaihi wa sallam) ko apne maqsad se bhatkne ya rokne nahi dera, tho mushrikeen , bahuth gehrayi se sochne lage ki Aap ka qatal kaise kare. Yeh karne ke liye bhi , yeh sab raazi ho gaye , haalanke yeh tajveez khoonkharaba kar sakti hai.
Abu Jahl , Quraysh ke saamne ut khada hua aur bayaan dene laga:
” Tum sab dekh rahe ho ke Muhammad( SalAllahu alaihi wa sallam) apne baap dada ki beizzati karne ke liye nazar kiye hue hai, unhe jaahel, pichdehue kahkar aur apne khudaon ko beizzat karke. Isliye , main Allah ko apni zabaan deta hun ke , ek din main unka intezaar karunga bada pathar liye hue. Jab Woh sajde mein jayenge,main unja sir kuchal dalunga. Iske baad tum lig mujhe bachao ya phir mujhe Banu Abdu Munaf ke rahem par chod do”.
 Tab logon ne use bharosa dilaya, 
 Khuda ki kasam, hum tumhe kabhie bhi nahi chodenge. Tumko jo karna hai karo.”
🌻🌻🌻🌻🌻🌻🌻🌻🌻
TO BE CONTINUED………
END OF PART 45…….

SABAQ 50

Mar6
Assalamu alaikum Wa Rahmatullahi Wa Barakaatuhu 
 
SEERAH OF MUHAMMAD (SalAllahu alaihi wa sallam)
 SABAQ 50
Umar bin Al-Khattaab ne Islam qubool kiya( cont)
 Apne Shohar ke sawaal ke haan mein haan milakar, Fatimah ne Umar( R.A) ke deen ki sacchaayi ko chunauti dete hue kaha, “Umar! Tumhare deen se sacchaayi bahuth dur ho tho kya hoga?  Phir apne bhai ke saamne, woh bhi apna Imaan qubool kiya, wahi alfaaz istemaal karte hue jo har Muslim kahta hai Allah( swt) ki Tauwheed ki aur Muhammad( SalAllahu alaihi wa sallam) ke Rosool hone ki  gawahi dete waqt kahta hai. Woh kahi, ” Main gawaahi deta hun ke Allah( swt) ke siwa koi mabood nahi aur main gawaahi deta hun ke Muhammad( SalAllahu alaihi wa sallam)  uske Rasool hai”.
 Jab Umar ( R.A) ne apni bahen ko itne shaan se apna Imaan ikhraar karte dekha,  tho woh sharam se pani pani ho gaye.
” Hame batao , tum kya pad rahi thi”aapne pucha. Aap ki bahen ne jawab diya,
 “Tum paak nahi ho, aur sirf paak , saaf hokar hi hum ise chu sakte hai. Jao apne aap ko dhokar aao”.
Bechain Umar ( R.A)  ne jaldi jakar gusul kiya aur Surah Ta-Ha ke panne liye aur tilawat karne lage Bismillahir-Rahmaanir-Raheem( Shuru Allah ke paak naam se , jo bada Meherbaan,  Rahemwala hai).
  “Yeh tho paak naam hai,” Umar( R.A) ne kaha. Aap aage padhne lage:
 ” Beshaque, main Rab hun-mere siwa koi aur ibaadat ke qaabil nahi, isliye meri ibaadat kiya karo aur Mujhe yaad karne ke liye ( ibaadat)  namaaze ada kiya karo”📌( 20:14)
 Umar( R.A) ne ayaah ki rafaath ke  khauf se kaha, “Mujhe Muhammad kahan milenge?” Jab Khabbaab ( R.A) ne yeh suna, tab woh chupe hue the, wahan se bahar aaye aur kaha, 
 Aye Umar! Khushiyaan manao. Maine dua ki thi , Allah( swt) tum par rahem farmaaye. Jumeraath ki raat ko maine suna tha Rasool ( SalAllahu alaihi wa sallam),  Allah(swt) se dya kar rahe the ki : Aye Allah! Islam ko mazbuth kijiye, Umar bin Khattaab ya Abu Jahl bin Hisham ke  zariye “.
 Jab Umar ( R.A) ko pata chala ki Rasool ( SalAllahu alaihi wa sallam) Dar Al-Arqam ke paas hai, woh us taraf Aap se milne ke liye daud lagayi. Aap darwaaza khat khataane lage, Rasool ( SalAllahu alaihi wa sallam) ke Sahabiyon mein se ek ne darwaaze ki ek chote se suraakh se jhaankar dekha ki Umar( R A) , haath mein talwaar liye, bahuth hi gusse mein tahere hue hai. Sahabi ne , ghar ke aandar jaakar yeh khabar ki ethela di.
 “Kya baat gai?” Hamzah (R.A) ne pucha.
 “Umar darwaaze par hai,” Sahabi ne jawaab diya.
 “Itni se baat ?” Hamzah ( R.A) ne kaha. ” Agar woh aman karne aaya hai tho , koi baat nahi. Magar nahi, tho hum uska qatal kardenge , usi ki talwaaar se.”
 Rasool ( SalAllahu alaihi wa sallam) , is beech , ALLAH( swt) ki wahi  lene mein masroof the , aur wahi ke pure hote hi Aap  baitak ke kamre mein daakhil hue. Umar( R.A)  wahan  baite hue the. Rasool ( SalAllahu alaihi wa sallam) , unhe kapdon se  aur talwaar bandh se pakda aur unhe jaldi  se kaha,👉”Umar! Kya tum apne raaste se piche nahi  hatoge jabtak ke Allah ( swt), tum par azaab na bheje , jaise Usne Waleed bin Mugheer ko bheja? Aye Allah( swt) ! Ye Umar bin Khattaab  hai. Aye Allah( swt) ! Islam par  taaqat aur azmath ata farma, Umar bin Khattaab je zariye.”
 Rasool ( SalAllahu alaihi wa sallam) jaise hi apni dua khatam ki, Umar( R.A) ne kaha,
 Main gawaahi deta hun ke Allah ke siwa ibaadat ke qaabil koi nahi , aur Aap Allah (swt) ke bheje hue Rasool hai”. Wahan par jitne log the , sab itne zor se “Allahu Akbar”( Allah( swt) bahuth bada hai) bolne lage ki , unki awaaz Ka’bah ke ird gird gunjne lagi.
🌹🌹🌹🌹🌹🌹🌹🌹🌹
TO BE CONTINUED……
END OF LESSON 50…..

SABAQ 49

Mar6
 Assalamu alaikum Wa Rahmatullahi Wa Barakaatuhu 
 
SEERAH OF MUHAMMAD (SalAllahu alaihi wa sallam) 
 
 SABAQ 49
 
 Umar bin Al-Khattaab ne Islam qubool kiya. ( continued) 
 Ek din Umar(.R.A) ne apne ghar se nikla aur Muqaddas  Ka’bah ki taraf rukh kiya jahan aap ne Muhammad ( SalAllahu alaihi wa sallam) ko ibaadat karte dekha aur Aap ko Qur’an-e-Azeem ka Surah Al Haaqqah( 69- Sachaayi( Haqeeqi) , ayaah 40-43) ki tilaawath karte suna.
 Allah( swt) ke alfaaz aapko pasand aaye aur yeh lafz aapke dil ke kone ke taaron ko chu liya. Unhone mehsus kiya ki  , yeh alfaaz tho kuch  ajeeb tahreer se liya gaya hoga aur   sawaal karne lage logon ke ilzemaath ko , us shaks ke nisbath jo ashaayar tahreer karta ya us najumi ke alfaaz  jise woh Qur’an -e-Azeem se jod deta hai.
 Rasool ( SalAllahu alaihi wa sallam) aage tilawath karne lage:
 ” Yeh beshaque wahi alfaaz hai jo baizzat Paigamber ( i.e. Jibra’eel ( alaihi salaam) )ne kahi hai. Yeh alfaaz kisi shayaar ke nahi hai, yeh aur baat hai ki tumhe yaqeen nahi! Nahi yeh alfaaz kisi najoomi ke hai, yeh aur baat hai ki tumhe yaad nahi! Yeh Wahi hai jo naazil hui hai us Rab se jo “Aalameen” ( Saare Insaaniyath, Jinnaath aur kainaath) hai.
 Us waqt hi Islam unke dil mein jagah kar li thi. Lekin, Islam se pahele ke rughbat( taur tareekhe) ke ghane andhere parath, ghere buniyaad paidayeshi riwaazen aur iske alawa apne baap dada ka andha gamand in par haawi hogaya, jiski wajeh se yeh  bade sach ke ehsaas se bhi dur hai aur inka dil Islam aur Rasool( SalAllahu alaihi wa sallam) ki taraf pokthe taur se khilaaf raha.
 Inki khilaafath itni bad gayi ke , ek waqt aisa aaya ke aap us din apni talwaar haath mein liye aur faisla kiya ki aap Rasool (SalAllahu alaihi wa sallam) ko qatl kar hi denge. Khushkusmati se , Umar( R.A) apna iraada pura karne mein kaamyaab nahi hue. Apni talwaar haath mein thaame aur apne dimaag mein faisla kiye, jab Umar(.R.A) nikle, tho aap ki mulaqaat Nu’aym bin Abdullah se hui , jisne aap se pucha, “Aap kahan ja rahe ho?”
” Main Muhammad ko khatam karne ja raha hun” unhone jawab diya.
” Kaise apne aap ko phir Banu Hashim aur Banu Zuhra se bachaoge?”
Is sawaal sunkar aap aur zyada gussa hogaye, aapko laga ki yeh inke liye chunauthi hai, Umar (R.A) ne jawab diya:
” Aisa lag raha hai ki tum ne apna Imaan tark kar diya”
  “Umar!” Nu’aym ( R.A) ne uske jawab mein kaha: ” Tajjub  ki baat yeh hai ki aapki bahen aur unke shohar ne bhi tumara deen tark kar diya hai.”
 Umar ( R.A) bahuth gussa ho gaye, aur aapka dyaan Rasool ( SalAllahu alaihi wa sallam) se hat kar , apne khandaan ki taraf palat gaya. Gusse mein aakar, aap , apni bahen ke ghar ka rukh kiya. Us waqt , Khabbab bin Aratt , Umar ( R.A) ke bahen ke ghar mein maujud the, aur aap ki bahen aur unke shohar ko Surah Ta-Ha sikha rahe the.
 Jab unhone Umar( R.A) ki awaaz apne ghar ke darwaze ke paas suni, Khabbab apne aap ko chupa diya, aur Fatimah, Umar ( R.A) ki bahen, jaldi se paper ke panne jispar Qur’an ki ayaah likhe the , chupa diye.
” Woh kya  awaazen thi jise maine suna?”
 Unlog dekh sakte hai ki Umar( R.A) bahuth hi gusse mein hai aur unke haath mein talwaar hai.
“Kuch nahi, hum tho sirf baat kar rahe the.”
“Ho sakta hai ki, tum dono ne apna deen badal diya ho”, Umar( R.A) ne kaha.
Aap ke bahenoyi ne kaha,
“Theek hai, mujhe baatao Umar. Kya agar tumhar deen sach se kaafi dur ho?”
Umar( R.A) ka jawab , bahuth jald aur shadeed tha. Aap apne bahenoyi par jhapte aur bade hi berahmi se maara. Jab aapki bahen , dono ko chudwane ki koshish ki , apne shohar ke bachavein, Umar( R.A) unke chehre par zor se maara. Unke gaal se khoon nikal raha tha, magar us waqt bhi  Fatimah , sach bolne se nahi peeche hati.
🌷🌷🌷🌷🌷🌷🌷🌷🌷
TO BE CONTINUED……
END OF PART 49…….

SABAQ 46

Mar6
Assalamu alaikum Wa Rahmatullahi Wa Barakaatuhu 
 
SEERAH OF MUHAMMAD (SalAllahu alaihi wa sallam)  
 
 SABAQ 46
Rasool ( SalAllahu alaihi wa sallam) par aur zyada zulm aur sitam. ( continued)
 Abu Jahal jaldi se apne saathiyon ki wafadaari ka faydaa uthaya. Dusre din subha hi, woh ek wazandaar pathar dhunda aur apne shikaar ke aane ka intezaar karte raha. Rasool (SalAllahu alaihi wa sallam) hamesha ki tarah Ka’bah tashreef laye aur apni ibaadat karna shuru kiya.
Ka’bah ke irdgird jamaathon mein baite Quraysh , bahuth hi bechaini se intezaar kar rahe the ki Abu Jahal apna mansuba pura kare. Abu Jahal, apne aap ko us kinare aage badata gaya , jahan Rasool ( SalAllahu alaihi wa sallam) taher kar apni ibaadat kar rahe the. Lekin, jaise hi woh apne shikaar ke paas pahuncha, achanak woh wahan se palta , aur us muqaam se bhaag gaya.
Quraysh ne Abu Jahal ko jakad liya aur dekha ki uska chehra lalpila ,surkh hogaya,  uske aankhen khaali dikne lage, aur woh apne haathon mein abhi bhi pathar pakde hue tha. Dheere dheere woh parsukoon hua aur pathar ko niche giraya. Quraysh ne pucha, “Abu Hakam! Tumhe kya hua?”
“Main apna wada pura hi karne wala tha,” Abu Jahal ne samjhaya, “magar ek unth mere saamne nazar aaya. Khuda ki kasam, main kabhie bhi aisi khopdi, gardan aur daanth nahi dekhe hai, aur woh mujh par hamla karne wala tha. “
 Rasool ( SalAllahu alaihi wa sallam) ne baad mein bataya ki jo manzar Abu Jahal ne dekha tha , woh asliyath mein Jibra’eel ( alaihi salaam) the.Quraysh ke dusre log, bahrehaal, Abu Jahal ke tajrube se beasar the. Jab Quraysh ki ek jamaath ne dekha ki Rasool ( SalAllahu alaihi wa sallam) ibaadat karte hue Ka’bah ka tawaaf kar rahe the, zor zor se Aap ke baare mein taane maar rahe the.
 Is baat se mutasir hokar ki unke taane Aap ko takleef derahe hain, inlogon ne phir se dusri baar aur teesri baar Aap ki beizzati karne lage. Akhirkaar, Rasool ( SalAllahu alaihi wa sallam) ruke aur unlogon ki taraf ruju hokar kaha:
“Aye Quraysh ke logon! Kya tum sab sun rahe ho? Main USKI kasam khata hun, jiske haathon mein meri zindagi hai, main tumlog ke paas badi zuba ke liye aaya hun”.
 Rasool( SalAllahu alaihi wa sallam) ke alfaaz unlogon par bahuth zyada asar kiya jinhone Aapko tanz  dekar taana maar rahe the. Kuch lamhe ke liye , yeh sab khamosh ho gaye, aur Aap ko khamosh kara rahe the , Aap se hamdardi ki baaten karke. 
 Agle hi din , usi jamaath ke logon ne Ka’bah ke paas jama hue aur Rasool (SalAllahu alaihi wa sallam) ke baare mein baat karna shuru kiya. Kuch hi der baad, Rasool( SalAllahu alaihi wa sallam) wahan nazar aaye, yeh saare Aap ki taraf , bahuth hi gusse mein dauda. Aap ke kapde khichte hue, Aap se pucha, “Kya tum hi ho jo hame hukum diya hai , hum hamare baap dada ke khudaon ki ibaadat na karen?”
Rasool ( SalAllahu alaihi wa sallam)  bilkul bahi ghabraye. Aap ne kaha ” Haan, main hi hun.”
 Bheed saari Aapko charon taraf se gher liya, aur kuch log Aap ko dhakelne lage aur idhar se udhar dhakelne lage jabke dusre log beizzati karte hue , Aap par cheekne lage. Uqba  bin Abi Mu’ayt ne , Aap ke gale mein lataktha hua kapda pakad liya ,aur Aapke gale  mein daalkar dum ghotne laga
Abu Bakr ( R.A) ne jab yeh baat suni tho aap fauran Aap ko bachane ke liye bhaage. Aap ne Uqba ko , uske khaandon se pakda aur Rasool.( SalAllahu alaihi wa sallam) se dur khincha. Abu Bakr( R.A) ne chun chun kar , ek ek shaks ko Rasool.( SalAllahu alaihi wa salkam) se dur khincha, yeh kahte hue: 
 Tum par afsos! Kya tum log , ek shaks ko isliye maarna chahte ho kyun ke woh kahta hai ki Allah(swt) uske  Rab hai?”
 Ab bheed Abu Bakr (R.A) ki taraf rukh kiya aur Rasool ( SalAllahu alaihi wa sallam) ko chod diya.
💕💕💕💕💕💕💕💕💕
TO BE.CONTINUED……..
END OF PART 46…….