SABAQ (LESSON) No:11
- MUHAMMAD SALLALLAHU ALAIHI WASALLAM – NABUWAT SE PAHELE – UNN KAA KIRDAAR
Bachpan se hee Muhammad (SalAllahu alaihi wa sallam) ghair ma’moolee zaheen aur paak-daaman the aur apni imaandaari, bahaaduri, insaaf-parastee, taqwaa, sabar, inkisaari (khaaksaari), wafadari aur mehmaan nawaazi kee misaal maane jaate the. Abu Talib apne bhatije ko inn alfaaz mein bayaan karte haen “Woh bahuth hi gore aur khoob
soorat haen. Aap ke chehre se rehmat baarish kee tarah barasti hae. Aap yateemon ko panaah dene waale aur be’waa’on ke muhaafiz (hifaazat karne waale) haen. Muhammad (SalAllahu alaihi wa sallam) apne (khaandaan) ghar waalon se ach’che ta’alluqaat rakh’khte the, dusron kaa bojh uthaate the, aur besaharon (muflison) ko khud-kafeel
ho’ne mein madad karte the.
Mustaqbil mein Allah (Subhana watala) ke Rasool ko jo kirdaar nibhaanaa thaa, jiss mein Aap ko but-parasti aur shirk ko ghair qaanoonee qaraar denaa thaa, Muhammad (SalAllahu alaihi wa sallam) ko (paidae’shee taur) shuru’ se hee mazaahir parasti se sakht nafrat thee. Haalaanke woh ussee mua’shre kaa ek ahem hissa the, Muhammad (SalAllahu alaihi wa sallam) kabhi bhi wahaan ke muqamee tah’waaron yaa mel’on mein shaamil (shareek) naheen hote the, kyoon ke wahaan but-parasti aur sharaab-noshee ho’tee thee. Aap iss baat kaa bhi bahot (ehti-yaat) khhayaal rakthe the ke woh aise jaanwar kaa gosht na khaayen jis par Allah (Subhana watala) ke siwaa kisee aur ke naam pe zibaah kiyaa gaya ho, aur button ko choonaa to dar-kinaar, unke nazdeek bhee naheen jaa’te the. Khaas taur par, Aap butt-paraston ke unke do mash-hoor button, Laat aur Uzzaah kee qasmen khaane ko sunn ne se nafrat farmaate the. Ibn Al- Atheer bayaan karte haen ke Muhammad (SalAllahu alaihi wa sallam) ne farmaayaa “Maen ne kabhi aisi cheezen (baaten) karne kee koshish nahee kee jo mere (qabeele ke) loag kiyaa karte the, siwaa’e do (2) martabaa”. Har baar Allah (Subhana watala) beech mein aa jaa’te aur aisaa kaam karne se rok de’te, aur maen ne uss kaam ko do baaraa kabhee naheen kiyaa.”
Ek baar maen aur meraa ek saathee charwaaha Makk’aah shahr ke ooper ke hisse mein the, toh maen ne apne saathi charwaahe ko kahaa ke woh meree bher bakriyon kee dekh bhaal kare. Maen Makk’aah mein jaa’kar tafreeh karnaa chaahtaa tha jaise mere umar ke aur loag karte the. Maen jab Makk’aah pahoonchaa to wahaan hee pahele ghar se
maen ne mausiqi kee aawaaz sunni. Maen ander gayaa aur puchaa “Yeh kyaa hae?” Kisee ne jawaab diyaa ke “yeh shaadi ke da’awat kee ek mehfil hae”. Maen wahaan baithaa aur mausiqi ko sun-ne lagaa magar thori hee der mein maen gah’ree need meain so ga’yaa. Mujhe suraj kee kadak (sakht) dhoop ne jagaa’yaa. Maen waapas apne saathi
charwaahe ke paas gayaa and usse bataayaa ke mere saath kiy’aa huv’aa. Maen ne do baaraa aisaa kaam karne kee koshish naheen kee.
Al-Bukhari ne Jabir bin Abdullah ke tawassut se riwaayat kiyaa hae ke “Al-Ka’abaa ke do baaraa ta’meer ke dao’raan ,
Muhammad (SalAllahu alaihi wa sallam) Abbas (Radhi Allahu Anhu) ke saath path’tha uth’thaane ke liye ga’ye”. Abbas (Radhi Allahu Anhu) ne kahaa “Path’tharon se bachne ke liye, apni langoti apne gardan par lapet lo. (Jaise hee Aap (SalAllahu alaihi wa sallam) ne aisaa kiyaa, Muhammad (SalAllahu alaihi wa sallam) neeche zameen per gir ga’ye aur
unkee aankhen aasmaan kee taraf ho ga’een. Jab Aap hosh mein aa’ye to cheekhne lage “meri langot….meri langot.”. (Phir fauran) Unhon ne apne aap ko langot mein lapet liya. Ek aur riwaayat ke mutaabiq uss (waaq’ae yaa din) ke ba’ad unn kee kamar (loins) kabhi bhee dekhaayi naheen dee.
NABU’WAT Kee ALAAMATEN
:
(Halaan’ke) Muhammad (SalAllahu alaihi wa sallam) Makk’ah ke muaa’shre ke sab se mazboot samaaji ta’alluqaat (ko jaante the) laiken wo un kee ka’yee baton se ikhtalaaf rakhte the; ye na-garez thaa (ho-kar rahne waali baat thee) ke Aap (SalAllahu alaihi wa sallam) unn logon ke bad-chalan (bad-ikhlaaqi) taur and tareeqon ko ach’chaa naheen
samajhte the – mas’alan khule aam shraab khoree aur nao-mao’lood larkiyon ko zindaa zameen mein dafan karnaa. Aap (SalAllahu alaihi wa sallam) khilwat kee taraf maa’el hone lage, aur shor-wa-ghul waale tehwaar aur pur-hujoom baazaaron ke bajaa’e tanhaa’ee ko tarjeeh dene lage. Laiken uss ke saath saath, woh apne logon ko uss tabaahee se
bhee bachaanaaa chaahte the jo unn par aa’te nazar aa rahee thee.
Aap kee be-qaraari (yaa be chainee) barh’tee ga’yee, aur unhon ne ghar-e-Hira mein waqt guzaarnaa shroo’ kar diyaa. Wahaan woh kafee lambe waqt (arse) tak qayaam karte , aur yaheen par unhon ne but-parasti yaa farzee (khayaalee) khudaa’on ke bajaa’e ek Allah (Subhana watala) kee ibaadat kar te the. Aap apne nasab ke jadd, hazart Ibraheem (alaihi salaam) wahdaa’niyat par yakeen (aqeedaah) rakhte aur uss par amal karte the. Aap teen (3) saal tak, har saal Ramadaan kaa poora maheenaa uss ghaar mein guzarte the. Phir woh Makka’ah waapis aa’te, Ka’abaa kaa tawaaf kar’te and phir ghar jaa’te. Jab Muhammad (SalAllahu alaihi wa sallam) 40 saal kee umar ko pahoonche, tab Aap nabuwat kee alaamaten mehsus karne lage. Aap ko basaarat naseeb ho’tee thee (khawaab dekha karte the) aur jo kuch bhee unhen unn khawaabon (basaaraton) mein dekhaa’ee detaa woh sab
sach nikalte (taa’beer scahee hotee thee).
End of lesson:11
SHURUKH HUSSAIN 