SABAQ (LESSON) No. 13
Paheli Wahi
(Sabaq 12 se jaa’ree – continued)
Waqfaa yaa Kha’lal (A Hiatus) Paheli Wahi
(Sabaq 12 se jaa’ree – continued)
Phir Khadeeja (Radhi Allahu Anha) Rasool (Sallallahu Alaihi wasallam) ko apne rishte ke bhai (cousin) Waraqa bin Naufal ke paas le ga’yeen jo ek boorhe (umar raseeda) aur izzatdar shakhs the. Unhen Ibraanee (Hebrew) zabaan aati thi aur woh Injeel (Bible) se bhee waaqif the kyun ke unhon ne butt-parasti chor kar Issa’iat qabool kar lee thee.
- “Aye mere cousin (rishte ke bhai)” Khadeejah (Radhi Allahu Anha) ne boleen ” Aap apne bhaanje (nephew) kee baat sunnen”.
- ” Aap ne kyaa dekhhaa hae, mere bhaanje?” Boorhe naabinaa (Waraqa) ne poochhaa.Rasool (Sallallahu Alaihi wasallam) ne Waraqa se ghaare-Hira mein hone waalaa waaqi’yaa sunaa’yaa.
- “Jo farishtaa Aap ko bhejaa gayaa, yeh woh hee farishtaa hae jiss ko Allah (Subhana watala) ne Hazrat Musa(alaihi salaam) ke paas bheja thaa. Kaash main jawaan ho’taa aur uss dinn tak zindaa rehtaa jabb Aap ke apne loag Aapko Aap ko iss shaher se baahar nikaal den’ge.” Waraqa ne kahaa.
- ” Kyaa (waa’qaee) woh muje (shaher se) baahar nikaal den’ge?” Rasool (Sallallahu Alaihi wasallam) ne poochh’aa.”
- “Haan” Naufal ne jawaab diya. “(Aaj tak) kabhee bhe ko’ee insaan jo aisaa kuch laa’yaa ho (jo Aap ke paas hae), aur usse dushmanee kaa saamna naa kiyaa ho. Agar maen uss waqt tak zindaa rahaa jab tum nikaale (be-dakhal ki’ye) jaao’ge, toh maen apnee pooree taaqat (qoowat) se Aap kaa saath doon’gaa”
Le’kin iss mulaaqaat ke kuchh dind ba’ad hee Waraqa kaa inteqaal ho gayaa aur ek bahot baraa (lambaa) arsaa guzar ga’yaa jab Rasool (Sallallahu Alaihi wasallam) par doosri wahi naazil hu’ee. Qur’aan mein kahaa gayaa hae ke paheli wahi Ramdhan ke mahine mein “Lailatul-qadar” (Qadr ki Raat) ko naazil hu’ee thee (2:185): “Be-shakk, Hum ne yeh
paighaam “qad kee raat” (lailatulqadr) mein naazil kiyaa hae” (97:1) Waqfaa yaa Kha’lal (Gap or Hiatus) Jibra’eel (alaihi salaam), Muhammad (Sallallahu Alaihi wasallam) ke saamne ghaar-e-Hira mein zaahir hone ke ba’ad, bahot lambe arse tak ko’ee bhee wahi naazil naheen hu’ee. Muhammad (Sallallahu Alaihi wasallam) pareshaan (gham- zadaa) rahne lage aur darne lage ke kaheen Allah (Subhana watala) ne unn ko tarak (chor) to naheen di’yaa. (unn ke dill mein ye sawaal uthhaa ke) Kyun Allah (Subhana watala) ne Aapko choe diyaa hae?”
Maayoo’see ke lamhon mein Aap pahaar se chha’laang lagaa’ne ka sochte magar Aap Jibra’eel (alaihi salaam) kee maujudgi ko mehsus karte aur apne aap ko phi parsukoon karte. Yeh darmiyaana arsaa (waqfaa) ghaor-wa-fikr karne ke li’ye thhaa jo Muhammad (SalAllahu alaihi wa sallam) ko aa’ne waale haalaat ke li’ye tayyaar karne ke li’ye zaroori
thaa (saabit hu’vaa).
Ek dinn Muhammad (SalAllahu alaihi wa sallam) tanhaayi mein ibaadat karne ke liye ghaar-e-Hira ko waapas aa’ye. Jaise hee Aap ghaar se nikal kar pahaari se neeche utar’ne lage, ek aur ajeeb waqeaa pesh aayaa. Rasool (SalAllahu alaihi wa sallam) ne is waaqa’e ko iss tarah bayasn ki’yaa:
- “Jab maen pahaari se utar kar waadi kee mein pahoonchaa, tab maen ne ek aawaaz sunni jo kah rahee thee ” “Muhammad! Aap Allah Subhana watala) ke Nabee (Paighamber) haen, aur maen Jibra’eel! hoon”. Tab maen ne apna sir uthaa kar (oopar kee taraf dekhha) toh mujhe ufaq’ (horizon) par woh hee farishtaa dekhaa jo mere pass ghar-e-Hira mein aa’yaa thaa. Mujh par khauf (yaa hairaanee yaa ta’ajjub) taaree ho ga’yaa aur maen zameen kee taraf jhuk ga’yaa. Main jaldi ghar Khadeejah ke paas pahonchaa, aur unn se kahaa ke mujhe dhaank den. Unhon ne mujhe kambal (blanket) mein dhaank di’yaa aur mujh par paani charkaa”.
End of Lesson:13
**********************************************************************************************************************************
SHURUKH HUSSAIN 