Sabaq 8

SEERAH(BIOGRAPHY) OF PROPHET MUAHAMMAD(PBUH)

LESSON:8 {IN ROMAN ENGLISH}

SABAQ (LESSON) NO: 8

Mauzu’aat: 1) Hilf Al Fudool; 2) Kaam ka pesha chunn’ naa

Hilf Al Fudool

Jung-e-Fijar pas manzar ko madd-e nazar rakhte huve, uske ek mahine ke ba’ad Quraysh ke paanch qabilon ne aapas mein

ek samjhautaa (ahad) kiyaa, jise Hilf-Al-Fudool ka unwaan diyaa gayaa; aur iss par Banu Hashim, Banu Abdul Muttalib,Banu

Asad, Banu Zahra, aur Banu Taym ke dastakhat the.

Yeh ahad iss wajaah se wujood mein laaya gayaa ke wahaan ek ajnabi ke saath ek sharam-naak na-insaafee kaa amal

kiyaa gayaa that. Ek aadmi Zabid se apne kaarobari samaan ko bechne ke liye Makkah aayaa. Ek muqaami shakhs jiskaa

naam Aas bin Wayel thaa , usne uss ajnabi ka saara samaan le liya magar paise dene se inkaar kar diyaa. Woh majboor

ajnabi Banu Abdul Dar, Banu Makhzoom, Banu Jamah, Banu Sahm aur Banu Adiy ke logon se raabitaa kiyaa, magar un sab

ne uski pukaar ko nazar andaaz kar diyaa.

Woh ajnabi maayoos hokar ek pahaari par (jis ka naam Jabal Abu Qays tha) charh kar har kisee ko bataane lagaa ke kaise

uss kaa samaan choree (ghasb) kar liyaa gayaa hae. Phir woh apne sunn ne waalon se guzaarish (darkhwaast) karne lagaa

ke woh loag uski madad karen. Zubayr bin Abudul Muttalib ne uski guzaarish sunee aur uss bad-kismat ajnabi ki madad

karne par tayyaar huve. Zubayr ne sabb qabiloon ke numaindon ko Abdullah bin Jad’an (jo Banu Taym mein se the) ke the

ghar jama’a hone ke liye bulaayaa. Iss majlis mein saare qabile ke sardaron ne iss baat par itte’faaq kiyaa ke aa’yendaa jab

bhi kisee ke saath nainsaafee ho – chahe woh kisee bhi qabilae se ta’alluq rakhtaa ho – woh sab loag uss kee madad ko

aa’yenge. Phir unn sab logon ne Aas bin Wayel ko uss ajnabi kaa samaan waapas karne par majboor kiyaa.

Uss samjhaute kee majlis mein Muhammad (SalAllahu alaihi wa sallam) bhi apne chachaa jaan ke saath maujud the, jo unn

(SalAllahu alaihi wa sallam) ke khayaal se bahut ach’cha aur saheeh (honourable) faislaa thaa. Jab Allah (Subhana watala)

ne,Aap (SalAllahu alaihi wa sallam) ko paighamber banaayaa, usske bahot arse ke ba’ad Aap ye baat kahee “Maen uss

majlis mein maujood thaa jo Abdullah bin Jad’an ke ghar mein huvee thee, aur ek laal (srukh) rang kaa oonth (camel) bhee

uss ahad ke balde mein qubul na kartaa”. Agar (yeh) aesaa faislaa mujhe Islam ke daur mein qubul karne ko kahaa jaa’taa

to maen uss se itte’faaq zuroor kartaa.”

Kaam kaa peshaa chunn’ naa Apne maan baap, dadajaan ko kho dene ke ba’ad, Muhammad (SalAllahu alaihi wa sallam) jo apne chachaa jaan Abu Talib

kee nigah’daasht mein the, unn ke baaligh hone kee umar ke ba’ad tak unn ko kuch wiraasat mein naheen milaa thaa.

Pahele toh Aap (SalAllahu alaihi wa sallam) apnaa guzaaraa Banu Sa’d kee bakriyaan charaa kar guzaaraa karte the,

magar Makkah waapas aane ke ba’ad thori (ujrat) aamdani ke liye woh Quraysh ke logon kee bakriyan charaate the. Kaam

ke silsile mein iss peshe kaa intikhaab bahot aham thaa. Ba’ad mein jab Aap Muhammad (SalAllahu alaihi wa sallam)

paigambe bane toh Aap ne farmaayaa “Aaj tak ko’yee paighamber naheen aayaa jis ne bakriyaan naheen charaa’eei hon”

Unn kee Imaan’daari, sacchaa’yi, aur rahem dili kee wajaah se Aap ko “Al-Ameen”( bharose-mand) kahaa jaa’taa thaa.

End of sabaq:8

One thought on “Sabaq 8”