Archives

SABAQ 71

Nov26
🍁Assalamu alaikum Wa Rahmatullahi Wa Barakaatuhu  🍁
🍁SEERAH OF MUHAMMAD
(SalAllahu alaihi wa sallam) 
📚LESSON NO : 7⃣1⃣ 📚
🍁 SABAQ:-
🔻Aqabah ka dusra ahad (continued) 
✨AQABAH KA DUSRA AHAD ( CONTINUED)✨
🍁Makkah ke mushrikeen se apas ki mulaaqaath ko raaz rakne ke liye, Yathrib ke  73( trehatthar) muslim , Aqabah ki taraf  rawana ho gaye, kuch jodon mein, kuch akele, Aqabah ke Dusra Ahad ko mukammmal karne ke liye. Saare, siwaye gyarah (11)  log ke baakhi sab Khazraj ke qabile ke the. Do auraten bhi maujuud thi, Banu Najjar se  Nasiba bint Ka’b aur Banu Salamah se Asmaa bint Amr.
🍁 Rasool ( SalAllahu alaihi wa sallam) ke saath Aap ke chachajaan , Abbas bin Abdul Muttalib jo abhi us waqt tak muslim nahi the, saath gaye kyun ki unhe apne bhatije ki hifazath ki fikr thi. Abbas bolna is tarah shuru kiye:
👉🏻Rasool ( SalAllahu alaihi wa sallam) ko Makkah mein hifazath aur izzat dono cheezen hai. Agar aap log Yathrib mein  Inki hifazth ka ahad pakkah na karenge toh , aaplog Inhe Makkah mein hi rejne dijiye.”
🍁Baraa bin Marur( R.A) , Yathrib ke muslims ke taraf se baat ki:
👉🏻” Hum pura yaqeedah aur faisla kar chuke hai ki , hum Rasool(SalAllahu alaihi wa sallam) ki taraf puri imaandari ka ahad karte hai , aur hum hamare ahad ko barkharar rakhne ke liye , apni jaane tak qurbaan kar denge.”
🍁Rasool ( SalAllahu alaihi wa sallam) , Qur’an ke kuch ayaah tilawath kiye aur Yathrib se aaye logon ko yeh ahad karwathe :
🖐🏻”Hum Allah(swt) ke siwa , kisi aur ki ibaadat nahi karenge, aur hum kabhi bhi Allah( swt) ke saath kisi ko shareek nahi karenge.”
🖐🏻”Hum paigamber ki farmabardaaari karenge.”
🖐🏻” Hum hamari milkiyath aur zaydad khushhali mein aur gareebi mein , khule aam denge.”
🖐🏻” Hum dusron ko achi amal karne ki taakeed karenge aur unhe shaytaan ke fitne se mehfus rahne ki  seekh denge.”
🖐🏻Hum , Rasool (.SalAllahu alaihi wa sallam) ki hifazath , usi tarah karenge, jis tarah hum apne auraten aur bachhon ki kiya karte hai.
🍁 Is ke alawa, Ubada ki taraf se, Yathrib ke muslim ne yeh bhi ahad kiya tha ke woh apne hukumraanon ka bhi nafarmaani  nahi karenge. Baraa bin Marur , Rasool ( SalAllahu alaihi wa  sallam) ka haath apne haath mein lekar kaha:
👉🏻” Main Uski kasam kahta hun jisne aap ko Sach ke saath bheja hai, hum beshaque Aap ki hifazath usi tarah karenge, jis tarah hum hamare khandaan ki karte hai. Allah(swt) ki kasam , hum jung ke bete hai aur haathyaar hamare khilone hai. Yehi humne hamare baap dada se wasiyath mein paaya hai.”
🍁 Abul Haytham bin Al-Tayhan ne phir kaha,
👉🏻”Aye Rasool (SalAllahu alaihi wa sallam)! Hum hamare logon se ek ahad mein baandhe hue hai, aur Aap se imaandari ka ahad karke , hum unlog se hamare saare rishte khatam karnewale hai. Agar Aapko kaamyaaabi mili, aur Aap Makkah par fateh paali,toh kya Aap phir  Makkah wapas laut jaaaoge aur hame peeche besahara  chod doge?” Rasool ( SalAllahu alaihi wa sallam) muskuraaaye aur kahne lage:
👉🏻” Nahi! Khoon toh khoon hai, aur barbaaadi toh barbaaadi hai. Main aap mein se hun , aur aap mere mein se ho. Main unke khilaaaf jung karunga, jo tumhare khilaf jung karte hai, aur unlog se aman karunga , jo aap log se aman karte hai.”
🍁 ” Aap log ko pata hai ke , aap log ne kya ikhraar kiya hai,” Abbas(R.A) ne phir etlaah kiya. “Aap sab jung par jaaane ka ahad kar rahe ho. Toh , aap sab kyaa karoge , agar aap sab ne apne milkiyath aur zaydaad kjo baitoge, aur agar aapke saare sardar maare jayenge? Kya tumlog Rasool (SallAllahu alaihi wa sallam) ko chod doge?  Agar aisa hai toh, Inhe yahan par hi rahne do,,kyun ki agar aaplog inhe chod doge, toh yeh duniya ke liye aur akhirath ke liye zillath ki baat hogi. Lekin , agar aap log Inke saath barbaaadi ke baaad bhi saath rahoge, toh iska inaam aaplog ko duniya mein bhi aur akhirath mein bhi milega.”
🍁Yathrib ke muslims ne Abbas(R.A) ki saari baat suni aur kasam khaayi ke woh Rasool ( SalAllahu alaihi wa sallam) ki harhaal mein madad karenge , chahe kitne bhi mushkilen jhelni pade.Kisi ne Rasool ( SalAllahu alaihi wa sallam) se pucha,
👉🏻”Kahiye , Aye Rasool (SalAllahu alaihi wa sallam) !Iske badle mein  hame kya milega?”
👉🏻 “Jannnath,” Aap ne seedhe jawab diya.
👉🏻” Aap ka haath dijiye,” logon ne kaha.
🍁Asad bin Zurara phir, Rasool ( SalAllahu alaihi wa sallam) ka haath, apne haath mein liya aur jamath ko tableegh karne lage:
👉🏻”Aye Yathrib ke logon, bahuth lambe safar ke baad , humko Allah(swt) ke taraf se Nabi mile hai. Aap ka haath thaamne ka matlab hai saare Arab se dushmani, Aap ke bachaao mein ssrdaron ki mauth, aur talwaron ka takrana. Agar aap sab iske liye tayaar hai, toh Rasool (SalAllahu alaihi wa sallam) ka hastj thaam lo, aur iska sawaab Allah( swt) ke zimme hai. Agar, phirbhi , koi shaque hai, toh abhi peeche ho jaao.”
 
🍁.Apne imaan se bina dagmagaaye, jamaath ne pukara, ” Apna haath hatalijiye Asad. Hum Rasool.(.SalAllahu alaihi wa sallam) ka haath thaamne tayaar hai.” Kuch zariyon se yeh bhi pata chala ki Asad bin Zurara , pahele shaks the , jinhone ahad liya, kuch aur yeh batate hai ki Haytham bin Al-Tayhan aur Baraa bin Marur  pahele the. Fo auraton ne bina haath milaye ahad liya.
🍁🍁🍁🍁🍁🍁🍁🍁🍁
TO BE CONTINUED……..
END OF PART  71………

SABAQ 69

Nov26
🌻Assalamu alaikum Wa Rahmatullahi Wa Barakaatuhu 🌻
🌻SEERAH OF MUHAMMAD
(SalAllahu alaihi wa sallam) 
🌻 LESSON NO:6⃣9⃣ 🌻
🌻 SABAQ:-
🔻Yathrib se cheh(6) musaafir
🔻Aqabah ka pahela ahad.
✨YATHRIB SE CHEH(6) MUSAAFIR ✨
🌻Yathrib ke Khazraj qabile ke yeh cheh(6) musaafir the: Asad bin Zurara, Auf bin Haarith bin Rifaa( Auf bin Ifra’a) , Rafi bin Malik bin Ailan, Qatba bin Amir Hudida, Yqba bin Amir bin Nabi, aur Jabir bin Abdullah bin Riqab.Yeh Yathrib se Makkah dusre musaafiron ke saath , Rasool (SalAllahu alaihi wa sallam) ke muhim ke shuru hone ke gyaraven (11) saal mein aaye the.
🌻 Yathrib  , kuch yahudi qabile ka bhi muqaam tha, aur kabhie kabhie Arab aur yahudi ke beech jhagde shuru hua karte the. Aqliyath ( kam tadaad) yahudi , aksar Arab ko yeh kahkar daraate the ki, jald hi ek paigamber aayenge aur woh Yahudi ko jung ki rahnumaayi karenge. Aur woh dawa karte the ki Arab ko ‘Aad aur Iram’ ke logon ki tarah qatl kardenge. 
🌻  Ek raat yeh cheh Musaafir  ek saath Mina(Makkah ki kuch hi duri par) mein baite hue the ki , jab hi wahan se Rasool (SalAllahu alaihi wa sallam) ja guzarna hua. Aap unke paas aaye aur pucha ;” Aap log kaun ho?”
👉🏾”Hum Khazraj se talukh rakhte hai,” unlog ne jawab diya.
👉🏻” yahudiyon se itehaad rakhnewale,” Rasool ( SalAllahu alaihi wa sallam) ne tabsira kiya. Unlogon ne ikhraar kiya. ” chalo phir hum saath baitkar baat kare,” Rasool (SalAllahu alaihi wa sallam) ne sujhaw diya.
🌻Aap unlogon se Islam ke baare mein baat kiya, Qur’an ki kuch ayaah tilawath ki, aur Allah(swt) , Wahed ek , buland martabah rakhnewala par yaqeedah laane ki daawath di. Log jo wahan baite the,  Rasool (SalAllahu alaihi wa sallam) kaun hai pehchaan liya tha. ‘Kahne kage:’Yeh wahi paigamber hai , jiske baare mein yahudi bolkar  hame daraya karte hai. Chalo, yahudi se pahele hum inse  ahad karle.’ Saare cheh shaks Islam qubool kar liye.
🌻 “Hum hamare logon ko bahuth hi buri halath mein chod rakha hai,” unlogon ne kaha. ” Agar Allah(swt) unsab ko Aap ke zariye ek saath karde, toh Aap ki azmath  itni hogi , jitni kisi ki na hui hai.” Yeh cheh naye muslim ne wada kiya ki , woh Yathrib wapas lautne ke baad, apne logon ko Islam ki daawath denge, aur yeh ke woh sab phir agle haj ke dauraan Rasool ( SalAllahu alaihi wa sallam) se mulaaqaath karenge.
✨AQADAH KA PAHELA AHAD ✨
🌻Agle saal, Yathrib se cheh logon mein se paanch log wapas laute aur Rasool ( SalAllahu alaihi wa sallam) se mulaaqaath ki. Unlogon ne apne saath , apne qabile se paanch shaks jo Islam qubool kiye the , aur do shaks Aus qabile se , saath lekar aaye. Un paanch naye muslim jo Khazraj qabile se the, unke naam the: Mu’adh bin Harith( Mu’adh bin Ifra’a) ,Zakwan bin Abdul Qays, Ubada bin Samit, Yazeed bin Thulba, aur Abbas bin Ubada bin Fadhla. Do shaks jo Aus qabile se the, woh hai Abul Haytham bin Al-Tayhan aur Uwaym bin Sa’eda.
🌻Phir, unlog sab Rasool ( SalAllahu alaihi wa sallam) se Mina mein mulaaqaath ki, jahan , unhe Islam ke baare mein aur zyada seekhaya gaya aur unse Attaiat (aqabah) ka ahad lene ko pucha gaya. Ise ‘Aqabah ka Pahela Ahad’ kahte hai. Khususan , yeh ahad Allah(swt)  aur insaan ke beech ka ahad tha ke ,Insaan  Allah( swt) ke saath kisi ko shareekh nahi karega, chori nahi karega, zina nahi karega, apne aulaad ka qatl nahi karega, dusron ko nahi jhutlayega, Rasool (SalAllahu alaihi wa sallam) ki nafarmaani nahi karega jab Aap unhe acha karne ki taakeed karenge.
🌻Jisne bhi yeh ahad puri ki, usko Allah( swt) ki taraf se inaam milega, aur jisne bhi is ahad ko thod diya, ya us mein se kuch hissa bhi galat kiya aur woh gunhegaar saabith hua, toh use is duniya mein azaab , kuffare ki tarah milega. Agar , kisi bhi haal, kisi ne apna ahad thoda, aur Allah(swt) uske gunah ko , logon se parda kiya, us insaan ko Allah( swt) se darguzar karna padega, aur Woh chahe toh saza de ya phir maaf kare.
🌻🌻🌻🌻🌻🌻🌻🌻🌻
 TO BE CONTINUED……
END OF PART 69………

SABAQ 72

Nov26
🌼Assalamu alaikum Wa Rahmatullahi Wa Barakaatuhu 🌼
🌼SEERAH OF MUHAMMAD
( SalAllahu alaihi wa sallam)
📚LESSON NO: 7⃣2⃣ 📚
🌼SABAQ:-
🔻Barah(12) sardaar
✨BARAH (12) SARDAAR✨
🌼 Jab saare log ahad le chuke, Rasool ( SalAllahu alaihi wa sallam) ne, logon se kaha ke woh sab milkar barah (12) logon ko chune , jo jamaath ke karobar (kaamkaach)  ki zimmedaari sambhaal sake.Khazraj qabile ae nau(9) logon ko aur Aus qabile se theen(3) logon ki chuna gaya 
🌼 Khazraj ke nau sardaar the:
🔻Sa’d bin Ubada bin Daleem
🔻Asad bin Zurara bin Ads,
🔻Sa’d bin Rabi’a bin Amr,
🔻Abdullah bin Rawaha bin Thulba,
🔻Rafi bin Malik bin Ajlan
🔻Baraa bin Marur bin Sakhar,
🔻Abdullah bin Amr bin Haram;
🔻Ubada bin Samur bin Qays, aur
🔻Mundhir bin Amr bin Khanis.
🌼Aus qabile ke theen sardaar the:
🔻Usayd bin Hudhayr bin Samak,
🔻Sa’d bin Khathima bin Harith , aur
🔻Rifaah bin Abdul Mundhir bin Zubayr( dusre zariyon mein Abul Haytham bin Al -Tayhan ka naam bhi zikr kiya gaya)
🌼Yeh 12 sardaaron ko muqarar karne ke baad, Rasool (SalAllahu alaihi wa sallam) ne unse kaha,
👉🏻’Aap log Isa(alaihis salam) ke 12 shageerd ki tarah ho. Aap sab Madine ke jamaath ke zimmedaar ho, jab ke main saare musalmanon ka rakhwala hun.”
🌼Jab wahan se mehfil  nikal ne lafi, ek ajeeb awaaz unlog ko pukaarte sunaayi di:
👉🏻”Aye jamaath ke logon! Kya tum log Muhammad se sauda nahi karoge? Is waqt abhi  jahalath  maujuud hai, , aur Yeh aur inke sahabi , tumlog se ladna chahte hai.”
🌼Rasool (SalAllahu alaihi wa sallam) ko pata tha ki yeh shaytaab baat kar raha hai.   Aap usko jawab diye:
👉🏻Aye Allah(swt) ke dushman!  Main jald hi tujse mutala karunga.” Rasool ( SalAllahu alaihi wa sallam) phir muslims ki wahan se khamoshi se jaakar sone ko kaha, kyun ki kuch hi der mein subha hone wali thi.
🌼Dusre din subha, jaise hi Quraysh ko pata chala Aqabah ke ahad ke baare mein, woh Yathrib ke caravan ki taraf gaye , iske khilaaf ehtejaj karne ke liye . Yeh log naraz hue , mehmaan ki dastigiri ko dekh kar , unke saath jisse yeh sab milkar bedeen samaj baite the, aur apni narazgi zaahir ki, us ahad ke khilaaf jo yathrib se aayi jamaath aur Rasool ( SalAllahu alaihi wa sallam) ke darmiyaan hui thi. Yathrib ke mushrikeen ne israar kiya ki aisa kuch nahi hua, jab ke muslims saare khamoshi ikhtiyaar kiye. 
🌼Quraysh hichkichate hue mushrikeen ki baat par ikhraar kiya aur ghar wapas laut gaye. Baad mein , Quraysh ko pata chala ki jo afvaah , unlogon ne suna tha, woh asal mein bilkul sach thi. Gusse mein aakar unlog , apne ghudsawaaron ko daudaya ke woh  un unlog ko pakde , jo is ahad mein shameel the, aur Adhaker ke paad , inlogon ne Sa’d bin Ubada aur Mundhir bin Amr ko giraftaar kiya. Jab ke Mundhir bin Amr , bhaagne mein kaamyaab hue, Sa’d ko pakad kar Makkah laya gaya
🌼Yathrib ke muslims , Makkah par hamla karne ka mansuba banaya, taake woh apne muslim bhai ko riha kara sake.  Is se pahele ki woh apne mansube ko pura kare, Sa’d ko do Makkahwale Mut’im bin Adiy aur Harith bin Harb ne riha karwa diya, jiske caravan ko Sa’d ne Yathrib mein bachaya tha. Sa’d , apne saathiyon se aa mile, aur sab ne apne ghar khair khoobi se wapas laute.
🌼🌼🌼🌼🌼🌼🌼🌼🌼
TO BE CONTINUED…..
END OF PART 72….

SABAQ 73

Nov26
🌹Assalamu alaikum  Wa Rahmatullahi Wa Barakaatuhu 🌹
🌹SEERAH OF MUHAMMAD
(SalAllahu alaihi wa sallam)
📚LESSON NO: 7⃣3⃣ 📚
🌹 SABAQ:-
🔻Muslims , Madinah ki taraf hijrath kiye.
🔻Dar An-Nadwah ki anjuman
✨MUSLIMS, MADINAH KI TARAF HIJRATH KIYE.✨
🌹Aqabah ka dusre ahad , muslims ke halaath mein  bahuth badi tabdilee le ayaa. Ab unhe Yathrib mein panah ki jagah mil gayi, aur wahan ke log un sab ki hifazath karne ke liye tayaar the. Jald hi Rasool (SalAllahu alaihi wa sallam) ko bhi wahi mil gayi thi  Yathrib ki hijrath karne ke liye.
🌹Aap ne apne Sahabiyon se kaha,
👉🏻” Mujhe etela di gayi hai ki hum sab ko ek din Makkah se khajur ki sarzameen  ko  hijrath karni hogi. Mere khayaal se woh ya toh Yamama hai ya phir Hijr.” Aur ek aur moukhe par Aap ne kaha,
👉🏻” Mujhe woh jagah dekhaayi gayi ,jahan hum hijrath karne wale hai. Woh lava ke  do pahadiyon ke beech mein hai. Woh ya toh Hijr hai ya phir Yathrib.”
🌹Is panahgah ka faydaa lekar , jo inhe ata ki gayi hai, bahuth saare muslims, ahad ke baad  Yathrib ki taraf hijrath kiye. Pahele rawana hone wale the Abu Salamah Makhzoomi(R.A) , Umm Salamah (R.A) ke shouhar. Woh apne biwi aur bacchon ke saath Aqabah ke Dusre Ahad ke ek saal pahele hi hijrath karne ki koshish ki thi, lekin unke qabile ke log , unke biwi , bachhon ko le jaane ki izzazath nahi di thi, toh inhe majburan akele hi Yathrib ki hijrath karni padi. Ek saal baad Umm Salamah(R.A)  bhi apne shauhar se jaa mil gaye.
🌹Amir bin Rabi’a, unki biwi Layla bint Abi Hathma, aur Abdullah bin Umm Maktoom(R.A) , Abu Salamah(R.A) ke baad hijrath kiye. Makkah se nikalna  bahuth hi mushkil tha, kyun ke Makkah se yeh sab Quraysh ke ankhon se bachkar nikalna tha. Lekin Umar bin Khattab(R.A) , Quraysh ke ankhon ke saamne se Makkah chodkar Yathrib ko rawana hue, aur kisi mein himmath na thi ke aap ko roke. Aap ne apne saath bees(20) aur logon ko saath le gaye.
🌹Jald hi, lagbhag saare Makkah ke  muslims , Yathrib ko rawana hi gaye. Yagan tak ke Abyssinia ko hijrath  kiye hue log bhi(muhajir) , Aqabah ke Ahad ke baare mein sunkar, Yathrib ki taraf rawana hone lage. Lekin, Abu Bakr(R.A) , Ali(R.A), Suhayb(R.A) aur Zayd bin Harith(R.A) , Makkah mein hi ruke rahe, un muslims ke saath , jo abhi hijrath nahi kar paaye. Rasool( SalAllahu alaihi wa sallam) bhi Makkah mein ruke hue the, Allah(swt) ki izazath ka intezaar karte hue. Aap ne Abu Bakr(R.A) ko apne saath rukne ko kaha.
🌹Abu Bakr(R.A) ke paas do tez doudne wale untniyan the, aur aap unhe hamesha acacia ke pathe khilaya karte the, taake woh aur tez aur taqatwar bane. Is tarah aap aur Rasool (SalAllahu alaihi wa sallam) tez raftaar se Makkah se nikal sake, jaise hi Allah(swt) ka hukum hoga.
✨DAR AN -NADWAH JA ANJUMAN ✨
🌹Quraysh , gussa ho gaye  ki Muslims ko Jazeera-e-Arab mein panah ki jagah mil gayi, jahan woh apne aap ko taqatwar bana sake. Unhe yeh bhi dar lagne laga ki , muslims , unse zyada taqatwar ho jayenge aur shumaali karobaar raaston par hukumat karenge aur mushreekin ke karobaar ko nuksaan pahunchayenge. Kyun ke Makkah ke log , aksar us maal par apna karobar karte the, jo shumaali Arab aur Syria se caravaan laya karte the. Unka yeh shaque galath saabith nahi hua.
🌹 Unlog ko yeh bhi fikr sata rahi thi, ke kahin Rasool (SalAllahu alaihi wa sallam) khud bhi yahan se bachkar Yathrib ko toh rawana na ho jayenge, jahan Aapke  sahabi , Aap ka intezaar kar rahe hai, aur Aap kahin ek taqatwar muqaam na bana le, aur akhirkaar unlog ko yeh sab hone se rokna hai. Yeh masle ka jawab nikaalne.je liye , myshreekin ne Dar An-Nadwah ke paas ek anjuman bulaayi.  Quraysh  ke saare namcheen qabile ke sardaar  wahan maujuud the. Iblees bhi wahan roop badal kar Najd ke Shaikh Jaleel ke roop mein maujuud  tha.
🌹🌹🌹🌹🌹🌹🌹🌹🌹
TO BE CONTINUED……..
END OF PART 73……..

SABAQ 74

Nov26
🍁Assalamu alaikum Wa Rahmatullahi Wa Barakaatuhu 🍁
🍁SEERAH OF MUHAMMAD
(SalAllahu alaihi wa sallam)
📚 LESSON NO: 7⃣4⃣ 📚
🍁 SABAQ:-
🔻Dar An-Nadwah ka anjuman (continued)
🔻Jibra’eel(alaihi salaam) , Rasool(SalAllahu alaihi wa sallam) ko khush khabri sunate hai.
✨DAR AN-NADWAH KA ANJUMAN(CONT…..)✨
🍁Abul Aswad ne mulaqaath ke liye jama hue jamaath ka agaaz yeh kahte hue shuru kiya: 
👉🏻” chalo hum sab Muhammad ko apni sarhad(elakhe) se bahar nikaal kar , unse chutkara payenge. Yeh har mamele ko theek kardega.”
🍁Shaikh Jaleel ko yeh mansuba theek nahi laga.
👉🏻”Kya tumne nahi dekha, Aapke baaten kitni mithi hoti hai, aur kaise Aap logon ke dilon ko jeet lete hai? Agar hum unhe bahar nikaal dete hai, toh Aap asaani se koi aur qabila dekhlenge aur unhe , apne maanne walon mein shaamil karlenge.Unki madad se , hum  par hamla karenge aur jaise chahe  waise humse pesh ayenge. Koi aur mansuba sochiye.”
🍁”Phir hum unhe qaid kardenge, jab tak ke Aap ko mauth na aa jaaye. Woh bhi usi tarah mauth ka anjaam paayenge , jaise khadim zamane mein shayeron ka anjaam hota tha. ,” Abu Bukhtari ne mashwara diya. Shaik Jaleel ne phir dakhal dete hue kaha,
👉🏾” Khuda ki kasam, agar tumne Unhe qaidi banaya aur hirasath mein le liya, yeh khabar Unke sahabiyon (saathiyon) tak pahunchegi, jo Aap ko apne baap aur beton se zyada mohabbat karte hai. Woh sab tum par hamla karenge aur Aap ko chuda le jayenge. Ek baar unlog ki tadaad bad gayi, toh woh sab wapas aayenge aur tum sab par fateh haasil karenge. Koi aur mansube ke baare mein socho.”
🍁Akhirkaar, Abu Jahl , jo khud  Shaytaan ka mukhalif tha, apna mansuba pesh kiya. “Mera khud ka khayaal hai,” woh kahna shuru kiya,
👉🏾”Main dekh raha hun ke tum mein se koi bhi yeh baat tak nahi pahunche. Hum sab har qabile se azeem paidayesh wale , taqatwar aur hoshiyaar naujawanon ko chunna chaiye. Har naujawaan ko talwaar di jayegi, jo tez aur khatarnaak hogi. Yeh naujawaan , ek saath , ek bankar Muhammad ki taraf badenge aur ek saath, ek bankar hamla karenge. Kyun ke is qatl mein saare qabile ke naujawaan honge, Banu Abdu Munaf, Muhamaad ke rakhwale , itne saare Quraysh ka saamna na kar payenge. Phir woh sab , humse khoon ke badle ka muaafza qubool karlenge jo hum sab badi asaani se ada kar sakte hai.”
🍁” Yeh mansuba sab se badiya hai,” Shaikh Jaleel ne haami bharte hue elaan kiya. Wahan se anjuman ki mulaqaath khatam hui, unhe itminaan hogaya ki ab unke paas pakka mansuba maujuud hai. Ab sirf mauka aur waqt  dekh kar tayari karni hai.
✨JIBR’EEL(alaihi salaam) , RASOOL (SalAllahu alaihi wa sallam) KO KHUSH KHABRI SUNAATE HAI.✨
🍁Is beech, Jibr’eel(alaihi salaam) , Rasool ( SalAllahu alaihi wa sallam) ke paas  wahi lekar aaye, ki Allah(swt) ka hukum hai , ki ab Aap hijrath kare. Jibr’eel(alaihi salaam) ne Aap ko rawana hone ka mukharar waqt bataya aur Rasool ( SalAllahu alaihi wa sallam) ko  yeh etala bhi dedi ke Quraysh , Aap ke qatl ka mansuba kar chuke hai.
👉🏻”Aap  aksar jo bistar par sothe hai , us par mat so ya kare,” unhone Rasool ( SalAllahu alaihi wa sallam ) ko hidayath farmaayi. 
🍁Dopahar ke waqt , jab har koi araam farma rahe the, Rasool( SalAllahu alaihi wa sallam) , Abu Bakr Siddeeq(R.A) ke ghar gaye, aur unhe yeh khush khabri sunaayi. Jaldi se aap dono ne  lambe safar ki tayari ke liye unton ko tayar karne lage. Aap log ne Abdullah bin Urayqat ko muntaqib kiya, ke woh inhe Yathrib ke raaste mein madad kare. Abdullah,  Makkah aur Yathrib ke darmiyaan ka raaste se achi tarah waqeef the, aur haalanke woh muslim nahi the, woh Rasool( SalAllahu alaihi wa sallam) aur Abu Bakr( R.A) ko chupkar lejaane ke liye tayaar hogaye.
🍁Rasool ( SalAllahu alaihi wa sallam) ne Abdullah ko Pahad-e-Thawr ke paas theen raaton mein milne ko kaha. Is beech , Rasool ( SalAllahu alaihi wa sallam) ne , apne aapko rozmaza ke kaam mein masruf rakha , taake kisi ko shaque na ho ke Aap Makkah chodkar jaane wale hai.  Rasool ( SalAllahu alaihi wa sallam) hamesha shaam ki namaz ke baad so jaya karte the, aur aadhi raat mein uthkar , Tahajjud ki namaz ke liye Ka’bah jaya karte the.
🍁Jis raat mein Aap ko rawana hona tha, Aapne Ali (R.A) ko apne bistar par sone ko kaha, yeh yaqeen dilate hue ki, unhe koi nuksaan nahi pahunchega. Jab har koi apne bistar par jaa chuke the, Rasool(SalAllahu alaihi wa sallam) ke qaatil, Aapke ghar ko gher liya. Unhone dekha ki Ali(R.A) , Rasool (.SalAllahu alaihi wa sallam) ke  bistar par hare chogha mein lipte hue so rahe hai, toh woh soche ki , woh Rasool( SalAllahu alaihi wa sallam ) hi hai. Unke mabsube ke mutabiq, unhe intezaar karna tha, aur jab Aap ghar ke bahar nikalte , Aap par  hamla karna tha.
🍁Quraysh , is baat se waqeef nahi the, ki jab woh mansube bana rahe the, Allah(swt) bhi mansube bana raha tha. 
📖”Yaad karo kaise mushrikeen , tumare khilaaf mansube banarahe the, tumhe qaid karne, tume maarne ya tumhe  Makkah se bahar nikaalne. Woh mansube banaye, lekin Allah(swt).bhi mansube banata hai, aur mansube banane mein Allah(swt) bahuth azeem hai. “📌(8:30)
🍁🍁🍁🍁🍁🍁🍁🍁🍁
TO BE CONTINUED……….
END OF PART 74……

SABQ 104

Nov26
🌹Assalamu alaikum Wa Rahmatullahi Wa Barakaatuhu 🌹
🌹SEERAH OF MUHAMMAD
(SalAllahu alaihi wa sallam) 
📚LESSON NO:1⃣0⃣4⃣📚
✨SABAQ:-
🔸Yamamah ke sardaar ki giraftaari
🔸Banu Lihyan ki Muhim
🔸Abul Aas ne Islam qubool kiya.
✨YAMAMAH KE SARDAR KI GIRAFTAARI ✨
🌹Thumama bin Uthal , Yamamah ke sardar the. Rasool (SalAllahu alaihi wa sallam) aur Islam se unki nafrath , unhe Rasool (SalAllahu alaihi wa sallam) ki zindagi par hamla karne ki taraf dhakla. Aur Musaylimah , Farebi aur Jhoota , jo apne aap ko paigamber muqarar kiya hua tha aur jo apni khudgarzi ke liye aur apni  kuch khawaishon ke liye  Rasool ( SalAllahu alaihi wa sallam ) ka qatal karna chahta tha, Thumama ko bhadkaya aur woh apna huliya badal kar 6 A.H, Muharram ke mahine mein apba maqsad pura karne nikal pada.
🌹  Uska maqsad tha ki woh Rasool (SalAllahu alaihi wa sallam) ka qatal karey, lekin usko kuch gudsawaar Muslims , jo Banu Bakr bin Kilab ki khilaaf khatarnaak muhim se wapas laut rahe the, giraftaar kar liya. Muslims, jo Muhammad bin Muslimah (R.A) ki cammandari mein the, Thumama ko apne saath Madinah lekar aaye, jahan woh usey , Masjid-e-Nabawi ke ek pillar se baand diya.
🌹Rasool (SalAllahu alaihi wa sallam) ne qaidi ko dekha aur  ussey pucha,
👉🏻”Tum kya ummeed karte ho, Thumama?”
👉🏻” Main acha hi ummeed karta hun, kyun ki agar aap mujhe maar te ho, toh aise shaks ko maarte ho, jiske khoon ka badla liya jayega. Agar aap mujh par meherbaani karte ho, toh aap usko dikhate ho, jo meherbaan hai;.agar aap ko jaydaad chahiye, toh aap ko jitna chahiye , utna milega.”
🌹Rasool (SalAllahu alaihi wa sallam) ne unhe wahan par hi chod diya. Dusre din bhi , wahi sawaal pucha gaya aur wahi jawab wapas diya gaya. Theesre din , usi baatcheeth ke aakhir mein, Rasool (SalAllahu alaihi wa sallam) ne Thumama ko riha karne ka hukum diya. Aisa mehsus hota tha ki , Thumama ne yeh theen din, apne rihayee se zyadah , dusre maamlon ki fikr mein zyadah guzara. Riha hone ke baad , unhone gusul kiya aur kaha ki unhe Islam mein daakhil kiya jaaye. 
🌹 Baad mein, unhone , Rasool (SalAllahu alaihi wa sallam) se kaha,
👉🏻” Main Allah(swt) ki kasam khakar kehta hun, Aye Muhammad(SalAllahu alaihi wa sallam) ‘ duniya ke chehron mein se , kisi bhi chehre se mujhe utni nafrath nahi thi, jitni aapke chehre se thi, lekin ab Aap ka chehra mujhe har cheez se zyadah azeez hai. Main kasam khakar kehta hun ke mujhe duniya mein se  koi bhi deen se itni nafrath nahi thi, jitni aapke deen se thi, lekin ab yeh mujhe har cheez se zyadah azeez hai.” 
🌹Thumama , Madinah se nikle , Makkah mein Umrah karne ke liye gaye , jahan par   apna dil badalne ki wajeh se,  Quraysh unpar gaaligaloj aur taane kasne lage . Thumama ka jawab tez raftaar se nikla. ” Allah(swt) ki kasam, Yamamah se tumlog ko ek dana gehun bhi haasil nahi hoga , jabtak ke Rasool (SalAllahu alaihi wa sallam) izazath na de.” Thumama ne bade hi saaf tareekhe se kaha, aur Quraysh is baat se mayuus rah gaye, kyun ke kisi bhi caravan ko Quraysh ke yahan gehun laane nahi diya gaya. Rasool (SalAllahu alaihi wa sallam) ki ek khath likha gaya, Aap se azizi karte hue ke yeh mumaniyath  ko utha/khatam  kiya jaaye, aur Thumama ne  Meccawalon se  karobar dobara tab hi shuru kiya, jab Rasool (SalAllahu alaihi wa sallam) ne unhe aisa karne ki sifarish ki. 
✨BANU LIHYAN KI    
            MUHIM ✨
🌹 Usfan  mein, Hijaz ki beechon beech mein rahta tha  Banu   Lihyan ,woh qabila jo  Raj’i mein sattar(70) Muslims ko shaheed kar diya tha.  Is gamgeen hadse ki yaadein     Rasool (SalAllahu alaihi wa sallam) ke dil mein ,yeh arzoo bhardi thi ke  Aap Banu Lihyan ko saza de, lekin Aap ko bahuth saare dusre naazuk aur nagahani zaruri  halathon ki taraf tawajju  rakhna tha aur Aap usey nipta rahe the. Jung-e-Trench bhi isi mein se ek hai.
🌹Lekin, jald hi itehaad ki nakaamyaabi ki wajeh se jo sukoon ka mahol hua, Aap ko maukha diya ke  wapas badle ki muntasir karey.  Rabi Al-Awwal, 6 A.H. mein,  do sau(200) fouji aur bees(20) bahadur ghudsawar foujiyon ke saath, Aap khoonkhaar qatil Banu Lihyan ki taraf rawana hue. Jungi  Jamaath , Batn Gharan, ek waadi jo Amj aur Usfan ke darmiyaan thi , wahan pahunchey, jo qatle aam ka muqaam tha. Wahan par Rasool (SalAllahu alaihi wa sallam) ne shaheedon ki magfirath ke liye ibadath aur dua ki aur wahin par do(2) din ruk gaye. 
🌹 Jab Banu Lihyan ko, unke khilaaf  is jungi chadaav ki khabar mili, toh pakde ya qaid hone se bachney ke liye pahadon mein jakar chup gaye, isliye Rasool (SalAllahu alaihi wa sallam) , apne dus(10) gudsawar ke saath , muhafiz.dasta lekar Usfan pahunchey.  Woh.Karaa’ Al-Ghamaim tak pahunchey. Chaudah(14) din ke baad, Muslims ko majburan Madinah wapas lautna pada. 
✨ABUL AAS NE ISLAM QUBOOL KIYA  ✨
6 A.H. Jamadi Al-Awwal mein, Rasool (SalAllahu alaihi wa sallam) ko khabar mili ke ek Quraysh ka caravan Syria se wapas laut raha hai, aur Aap ne 170 ghudsawar ko Zayd bin Haritha (R.A) ki sarparasthi mein ‘Is ko rawana kiya.  Caravan , Abu Aas , Zaynab(Rasool(SalAlkahu alaihi wa sallam) ke chaar betiyon mein se ek hai)   ke shohar ke sarparasth mein tha. Shohar aur biwi theen(3)  saal se alag alag rah rahe the,.kyun ki Zaynab , Madinah apne waalid ke saath hijrath jar chuki thi,  apne shohar ke Islam qubool karne se inkaar karne ke baad. 
🌹Muslims ne saare caravan ko gher liya siwaye Abul  Aas ke, jo Madinah bhaag nikle aur apne biwi Zaynab ke yahan panah leli. Unhone apni biwi se guzarish ki ke woh apne waalid  ko sifarish karey ki caravan ka maal lauta de. Rasool (SalAllahu alaihi wa sallam) ne apni beti ki guzarish sunli. Abul Aas, jo apne karobari hunar aur imandaari ke liye mashhoor the,  Makkah wapas laute, maal saara , unke sahi maalikon ke supurd kiya aur phir Islam qubool kiya. 
🌹Woh phir Madinah hijrath kiye , jahan woh apni biwi Zaynab se dobara milgaye.  Kyun ke jab tak , woh ayah jo gair momin ke beech ke  shaadi ko rad /mana karti hai, naazil nahi hui thi, in dono ka nikaah muqarar raha. Rasool.(SalAllahu alaihi wa sallam) , is daur mein , kayi gudsawar fouj (Saraya) rawana kiye the. Yeh bahuth hi ahem rahe , kyun ke is waqt badte hue dushmanon ka khatma hua aur dur dur tak aman aur sukoon qayam kar paaye the. 
🌹🌹🌹🌹🌹🌹🌹🌹🌹
END  OF LESSON 104……
NEXT LESSON TO BE CONTINUED..

SABAQ 57

Nov22
Assalamu alaikum Wa Rahmatullahi Wa Barakaatuhu 
SEERAH OF MUHAMMAD
(SalAllahu alaihi wa sallam)
LESSON NO : 57 
SABAQ:-
🔻Muqtea karna (boycott) khatam hua ( continued)
MUQTEA KARNA (BOYCOTT) KHATAM HUA 
    ( CONTINUED ) 
🌷Hisham ne pahele Zuhayr bin Abd Abi Unayya Makhzoomi[ Rasool (SalAllahu alaihi wa sallam) ke rishte ke bhai], Mut’im bin Adiy, Abul Bukhtari bin Hashim, se  baat cheeth ki,  aur akhir meinZam’a bin Aswad se baat cheeth ki. Woh unlog se rishtedaari ka waasta dekaar baat cheeth ki aur baar baar unlog se raabta banaya ki woh yeh zulm rok de. Yeh saare log jab inki guzarish suni, woh sab maan gaye ki , jo farmaan ka’bah mein latkaya gaya , use tukdon mein phaad diya jaye.
🌷 Dusre din subah , chaar shaks , Quraysh ke dusre members ka ka’bah ke paas ekkatta hone ka intezaar kar 
rahe the. Zuhayr , ka’bah ka tawaaf mukammal karke, in logon ke saamne aakar tahre. ” Aye Makkah ke rahnewalon,” inhone kaha.
👉“Kya hum acha khaaye aur piye, jabke Banu Hashim bhook se mar jaay, bina kuch khareede ya  bechey? Khuda ki kasam , main tab tak araam nahi karunga, jab tak ke yeh berahem aur nainsaaf wala farmaan ko tukde na kardun.”
🌷 Abu Jahl gussa ho gaya:
👉“Tum galath ho! Khuda ki kasam, isko phada na jayega.”
Zam’a iske muqabla mein kaha
👉” Khuda ki kasam! Woh tum hi ho ha galath ho. Jab yeh farmaan likha gaya, hum us par raazi na the.”
👉 ” Zam’a sahi hai,” Abdul Bukhtari ne jawab diya. “Hum raazi nahi the jo kuch us farmaan mein likha gaya tha, naahi hum uski tasdeeq karte hai.”
🌷 Ab , Mut’im bin Adiy ki baari thi. ” Aap dono sahi hai. Is farmaan ke inkaar karne mein koi gunaah nahi. Hum Khuda se rihahi maangte hai is  farmaan ke maamle mein aur is mein jo kuch likha gaya hai.” Hisham bin Amr ne Mut’im  ki baat se raazi hone ka izhaar kiya.
🌷 Yeh achanak sab ki bagawat dekhkar Abu Jahl ko shaque hone laga. “Aisa lagraha hai ke yeh pahele se hi mansuba ban chuka hai. Tum log ka itna fikr karna, aisa lagraha hai ki, iski beenj kahin aur hi daali gayi,” Abu Jahl ne apni ikhtelafaath zahir ki. Is baat par, Abu Taalib ne dekha ki , unka acha  maukha hai  beech mein baat karne ka. Woh  Ka’bah ke sarhad ke paas aakar ,Quraysh se kaha Rasool ( SalAllahu alaihi  wa sallam) ko is zaalim farmaan ki nistonabood hone ki basharath ( wahi) hui thi.
🌷Woh khade ho gaye, aur Quraysh ki taraf ruju hokar kahne lage ki Allah(swt) ne Rasool ( SalAllahu alaihi wa sallam) ko wahi bheji ki , Ka’bah ke andar  is farmaan ko demak kha jayegi. Is farmaan par wahi  alfaaz  jo bakhi hai, Abu Taalib ne kaha , woh hai ” Aap ke naam se ,Aye Allah.”
🌷 Abu Taalib ne Quraysh ko chunauthi di, kahne lage ki agar Rasool (SalAllahu alaihi wa sallam) ka mutalbah (dawa)  galath sabith hua, toh woh Rasool ( SalAllahu alaihi wa sallam) aur unlog ke darmiyaan mein nahi rahenge . Lekin , agar Rasool (SalAllahu alaihi wa sallam) ki baath sach hui toh, Quraysh Is mutqea band karwayenge. Quraysh ne Abu Talib ki chunauthi maanli.
🌷Jab Mut’im bin Adiy farmaan ko nikaalne khade hue, wahan hama saare log ne dekha ki woh pura kharab ho chuka tha. Us par baqi alfaaz yeh the'” Busmika Allahumma”( aapke naam se, Aye Allah) aur Allah( swt) ka naam.
🌷 Allah( swt) ne Quraysh ko aur ek nishani di, magar phir ek baar , in log ne use qubool karne se mana kiya aur Islam qubool na karke galthi ki. Unlog ka sirf yeh muafzah tha ke , woh is boycott ko bandh kare. Rasool ( SalAllahu alaihi wa sallam) aur Aap ke Sahabi pagadon ki wadiyon se bahar  aaye sur inlog ko Makkah mein dobara rahne ki izzazat dedi gayi.
TO BE CONTINUED…….
END OF PART 57 …….

SABAQ 56

Nov22
Assalamu alaikum Wa Rahmatullahi Wa Barakaatuhu 
SEERAH OF MUHAMMAD
(SalAllahu alaihi wa sallam) 
LESSON NO : 56 
 SABAQ:-
🔻Mukammal muqatea karna ( tark karna/ boycott)
🔻 Muqtea karna khatam hua
✨MUKAMMAL MUQATEA KARNA( TARK KARNA/ BOYCOTT.)✨
Mushrikeen ki hoshiyaari ko nazar andaaz nahi kiya ja sakta. Yeh sab Haneef Banu Kinana ke yahan mulaqaat ki aur faisla kiya ki kaise Abu Talib ki kaamyaab tarkeeb ka muqabla karen. Akhirkaar , yeh log , is natije par pahunche ki yeh sab milkar  samaji boycott karenge( samaji tark karenge) . Is ka sabab yeh hua ki Banu Hashim aur Banu Al-Muttalib ke logon ko pichde hue samjha jaye ga.( unhe samaj se tark kar diya jayega)
Quraysh ke dusre qabile ke log inki betiyon se nikah nahi karenge,inse karobari laen daen nahi rakenge, naahi inke saath rahenge aur naahi inlog se aman ka samajautha ikhtiyaar karenge , jabtak ke yeh do(2) qabile ke log Rasool (SalAllahu alaihi wa sallam) ko inke hawale na karde. Ek baar jab wahan maujuud saare log upar di hui baaton ka ikraar karliye, Baghid bin Amir bin Hashim, ne saari baaten aur ahad likhwali aur is likhatname ko Ka’bah mein tangwa diya.
Jab ahadnama mukammal ho gaya, Baghid ke haath , ta uske kuch ungliyon ko faalish maar gayi. Yeh boycott bahuth khatarnaak saabith hua. Muslims aur saare Banu Hasim aur Banu Al-Muttalib ke qabile ke log ( muslim aur gair muslim)ko siwaye Abu Lahab ke, Makkah ko tark karna pada aur She’eb Abi Talib mein rehna pada.
Makkahwalon ke paas anaaj na khareed paane ki wajeh se , yeh log apne aap ko patte aur jaden khane tak utar laaye. Maahol itna kharaab aur khaufnaak ho chuka tha ki , bhook se auraten aur bacchon ke rone ki awaazen saari wadi mein gunj utne lagi. Kuch meherbaan log, sazaa ke dar se anaaj unko pahunchane se darte the. Hakim bin Hazam, bahrehaal , kabhie kabhie , kaamyaab ho jaate the , apni khala Khadeejah(R.A) ko aata bhejne mein.
Bahuth saare karawaan , jo anaaj aur dusre cheezen pahadi ilakhe se le jaate the, woh wahan se guzra kiya karte jahan jalaa-watan kiye Muslims rahte the. Mujhahireen , lekin , yeh karaawanon se tabhi  bahar aakar inse anaaj khareed sakte the,  us mahinon mein  jo haram muqarar kiye gaye the, woh mahine jisme jung karna haram kharaar kiya gaya tha. Lekin, Makkahwale, in karwaan ke saudagaaron  ko , unke maal ki jyadi kheemat pesh karte the taake muhajireen , in se muqabla na kar paaye.
 Is muskhil aur sangeen halaath ke bawjuud , Rasool ( SalAllahu alaihi wa sallam) , gair muslim ko Islam ki dawaath dene mein , peeche khadam nahi hataye.
Aap , khaaskar Hajj ke mauqe par aur zyada harkath mein raha karte the. Yeh wahi waqt tha jab Aap zyadatar , Saare Arab duniya se Makkah aanewale qabilon se baath cheeth kiya karte the.
✨MUQATEA ( BOYCOTT) KARNA KHATAM HUA ✨
Theen(3) saal ki bhookmaari aur mushkilaath Banu Hashim aur Banu Al-Muttalib ko naumeed aur mayusi ki kagar par le pahunchi. Is darmiyaan , Allah(swt) , Quraysh ke dilon narmi  ki taraf le ja raha tha, ‘Paanch Ashraf( sharieef) ke zariye , sirf wahi jo muhajireen ki takleef aur halaath ke baare mein sochte the. In paanch mein se pahele Hisham bin Amr bin Harith, Quraysh ke ek bade hi izzatdaar azeem shaks the. Jab woh jalaa-watan kiye gaye logon ke baare mein khayal karte, woh bahuth hi mayuus ho jaate.
Woh sab rishtedaar the, aur Quraysh ne un sab se apne rishte tark karke bahuth hi bura kiya tha. Jab Makkah mein sab khandaan khushiyaan mana rahi thi, tab muhajireen ek ke baad ek bhook se mar rahe the. In theen saal ke muqatea karne ka farmaan jaari hone ke baad, is beech kisi ne use rad karne je baare mein nahi socha. Akhirkaar, Hisham ne faisla kiya ki , woh aur chaar izzatdaar aur azeem muqam par tay kiye gaye members se baath cheeth karenge aur unhe boycott  aur nainsaafi rad karne ke liye manalinge.
TO BE CONTINUED……
END OF PART 56……

SABAQ 52

Nov22
 Assalamu alaikum Wa Rahmatullahi Wa Barakaatuhu 
SEERAH OF MUHAMMAD
( SalAllahu alaihi wa sallam)
 LESSON NO:- 52 
SABAQ:-
🔻Aisi peshkash jo aam insaan inkaar na kar paaye
AISI PESHKASH JO AAM 
    INSAAN INKAAR NA KAR
              PAAYE 
🌻 Ek baar phir Makkah ke mushrikeen ne faisla kiya ki ab waqt aa gaya hai ki woh aapas mein baat cheet karen , Islam ki badthi hui mazbuthi aur taaqat ko lekar. Hamzah(R.A) aur Umar(R.A) ke Islam qubool karne ke baad , bahuth saare cheezon mein tabdili ho gayi, aur Makkahwalon ko ehsaas ho gaya ki unki buniyaadi taaqat jaldi hi khatam ho jaye gi. 
🌻 Utbah bin Rabi’a, Banu Abd Shams ke member, apne logon ke sardaar aur saare Makkah ke baizzat shaks the. Woh ,dusre saare Makkah ke naamcheen  shaksiyath jo jama hue the Muhammad ( SalAllahu alaihi wa sallam) aur Aapke Sahabiyon ke masail par baat cheeth karne ke liye, unlogon se muntaqeeb hokar kaha:
👉“Aye Quraysh ke logon! Kya main Muhammad se baatcheeth nahi karsakta aur unse sauda kar sakta? Hosakta hai ki woh meri peshkash qubool karle, jiski wajeh se,  hum sab unse chutkara paa sakte hain.”
🌻Anjuman( council) ne haami dedi, aur Utbah ko zimmedaari di gayi ki woh Rasool( SalAllahu alaihi wa sallam) se milkar , ek aisi peshkash de , jo koi bhi aam insaan ho inkaar na kar paaye.Utbah ne dekha ki Muhammad( SalAllahu alaihi wa sallam) , Ka’bah mein akele baite hain.
🌻Usne kaha:
👉“Aye mere bhatije! Aap ko maalum hai ki , aap ka is shaher mein kitna bada muqaam hai. Aap , hum sab se zyada behther hain, izzat aur nisaab( lineage) mein. Jab ke aap ne kuch gheri cheez hum sab mein laayi hai, aur aap ne logon ke beech daraar kardi hai unka mazaak banake, unke khudaaon ki aur unke deen ki beizzati karke, elaan karke ki unke baap dada kufr karte the, aur unke riwaazon ki khilafath karke. Ab , aap meri baat suno. Main chand tajveezen pesh karta hun, aur aap  shayad usme se ek 
 par raazi ho haye.”
👉 “O Abul Waleed,” Rasool ( SalAllahu alaihi wa sallam) ne jawab diya. “Aap kahte jaao. Main sun raha hun.”
🌻 Utbah jaari ho kar kahne lage: 
👉” Mere bhatije, agar woh daulat hai jo aap talab  karte ho , apni tableegh ke zariye, hum itni daulat jama karke aap ke nazar kardenge ki , aap hum sab se zyada daulatmand shaks ho jayenge. Agar aap, rutbah talab karte ho, hum aap ko hamara sardaar kharaar kardenge sur har faisla aap par chod denge. Agar aap baadshahi ki talab rakte ho, hum aap ko hamara badshah kharaar  kardenge. Agar aap, khubsoorat auraton ki khwaish karte ho, tho aap Quraysh ki kisi bhi aurat ko chunlijiye–hum aapko, aisi dus(10) auraten , nikaah mein dedenge. Agar aap par kisi jinn ne khabza kiya hai, hum behtreen se behtreen hakeem dundenge aur aap ki saheth achi hone ke liye , saara kharcha karenge.”
🌻 ” Kya aap ko itna hi kahna hai?” Rasool (SalAllahu alaihi wa sallam) ne pucha. “Haan,” Utbah ne jawab diya.
👉” Ab aap mujhe suno,”Rasool ( SalAllahu alaihi wa sallam) ne kaha. “Main sun raha hun,” Utbah ne kaha. Phir.Rasool ( SalAllahu alaihi wa sallam) ne Surah Fussilat ki shuraath ki ayaah ki tilawath ki: 
📖 ” Haa-Meem (  yeh naazil kiya hai Usne ,jo bada Rahemwala, bada Meherbaan hai) , Ek kitaab hai, jiski ayaah muffasil(detail)  farmaayi gayi. Arabi Qur’an aqalmand logon ke liye hai. Khushkhabri deta aur dar sunata, toh in mein aksar ne muh pherliya, toh woh sunte hi nahi. Aur kaha-hamare dil mein pardah hai, is baat se jis baat ki taraf tum bulaate ho-aur hamare kaanen bhairen ho gaye-aur hamare tumhare darmiyaan parda hai. Toh tum apna kaam karo aur hum apna kaam karte hai.” 📌( 41: 1-5)
🌻 Rasool ( SalAllahu alaihi wa sallam) tilawath karna jaari rakha, aur Utbah bahuth khayal se sunrahe the.
Tab Rasool( SalAllahu alaihi wa sallam) is di hui ayaah par pahunche: 
👉” Phir agar woh mun pher liye, toh tum farmaye ke main tumhe darata hun ek bijliki kadak se, jaise bijli ki kadak ‘Aad aur Thamuud’ par aayi thi.”📌( 41:13)
🌻Utbah , apna haath Muhammad ( SalAllahu alaihi wa sallam) ke munh par rakha aur azizi karne lage ki , aisa khatarnaak azaab na laaye. Rasool ( SalAllahu alaihi wa sallam) ek aisi ayaah par aaye jahan sajdah karna wajib tha, aur Aap ne sajdah kiya. Apni tilawath mukammal hone ke baad, Aap ne Utbah se pucha, 
👉“O Abul Waleed, kya aapne suna?”
👉“Haan” unhone jawab diya, ” maine suna.”
👉“Toh ab faisla karne ka waqt aapka hai,” Muhammad
(SalAllahu alaihi wa sallam) ne kaha.
TO BE CONTINUED……..
END OF PART 52….. ………

SABAQ 51

Nov22
Assalamu alaikum Wa Rahmatullahi Wa Barakaatuhu 
SEERAH OF MUHAMMAD
(SalAllahu alaihi wa sallam)
LESSON NO : 51
SABAQ:-
🔻 Mushrikeen ne Umar( R.A) ke Islam quboolne ki khilafat ki.
🔻Umar( R.A) ke Islam qubool karne ki wajah se Islam ki mazboothi.
✨ MUSHRIKEEN NE UMAR (R.A) KE ISLAM QUBOOLNE KI KHILAFATH KI
Umar ( R.A) , apne qabile ke logon mein , apne size aur
apni mizaaz ke liye mashoor the. Jab ke aap ab  Muslim ho gaye, aapne pakka iraada kar liya ki, aap Rasool ( SalAllahu alaihi wa sallam) ke dushmanon ke saamne, apne Imaan ka elaan karenge. Kaun magar Abu Jahl, Rasool ( SalAllahu alaihi wa sallam) ka kattar dushman hai, jise yeh khabar ki etelah pahele di jaye? 
Umar ( R.A) ne Abu Jahl ka darwaaza khatkhataya. Abu Jahl bahar aaya aur unhe salaam kiya. “Khushaamdeed! Kya baat hai , aap mere yahan aaye? “
👉” Main yahan is liye aaya hun , ke tumhe etelah karun ke maine Allah( swt) ka aur Uske Paigamber,Muhammad
(SalAllahu alaihi wa sallam) 
ke deen ko qubool kar liya hai” Umar( R.A) ne bade hi narmiyath se kaha.
Abu Jahl  ne yeh chaukaane waali baat suni kaha,
👉“Khuda , tumhe barbaad kare aur tumne yeh kya laya!” Umar ( R.A) , uske baad Asi bin Hashim ke yahan gaye, jo gabrahat se jaldi apne ghar mein chala gaya jab usne yeh khabar suni. Umar ( R.A) ja agla muqaam Jameel bin Mu’ammar Jami ka ghar tha, 
Jo yeh sansani khabar , sab ko phaila raha tha.
Jab Umar(R.A) ne usse kaha ki, unhone Islam qubool kiya, Jameel cheekh utha, 
👉“Khattaab ka beta bedeen ho gaya!”
👉“Tum jhooth kah rahe ho,” Umar( R.A) ne gusse se kaha. “Main Muslim ho gaya hun.”
🌷 
Logon ne Jameel ki cheekhen suni aur wahan daud aaye. Woh sab Umar (R.A) ki taraf palte aur unhe maarne lage, magar aap unse lade aur phir ghar wapas aa gaye. Lekin mushrikeen, Umar( R.A) ko aasaani se chodne ke liye tayaar nahi the. Woh sab ekkatta jama hue aur faisla kiya ki Umar (R.A) ko mauth ke ghaat utharenge. Ek bahuth bada majma jama hua aur apna iraada pura karne ke liye , aap ke ghar ki taraf nikal pade, lekin beech mein inlogon ki mulaqaath Aas bin Wa’il Sahmi se hui.
🌷 Woh Banu Sahm se talukh rakhte the, woh qabila jo Umar( R.A) ke qabile  Banu Adiy se bahuth nazdeekh ka rishta rakhtha tha. Umar( R.A) ne Aas se kaha, ” Tumhare log , mujhe maarna chahte hai.”
👉” Namumkeen,” Aas ne kaha. Tab hi unhone ek badi bheed ko bahar jama hote aur unki taraf aate dekha.
👉 ‘Kahan jaa rahe ho?” Aas ne bheed se pucha.
👉” Khattaab ka beta bedeen ho gaya hai,”unlogon
ne jawab diya. “Yeh raaste mein se koi bhi raasta Umar ke ghar ki taraf nahi jata”, Aas ne jawab diya.
🌷 Saara majma Aas ki taraf dekhne laga, jo unlogon kw saambe khade hue the,  ek shaandar shaksiyath , apne dharidaar Yemeni libaas mein jispar lace lagi hui thi. Logon ne unki chupi hui dhamki ko samaj liya aur socha ki Umar( R.A) ko ab akele chod dena behtar hai aur wahan se chale gaye.
✨ UMAR(R.A) KE ISLAM QUBOOL KARNE KI WAJEH SE ISLAM KI MAZBUTHI ✨
🌷 Ab tak ke Muslims , hamesha chupkar ibaadat kiya karte the. Khule aam ibaadat karne ka khatrah tha Makkawalon ke gaaliyan aur unke haathon maar khana. Umar( R.A) behrehaal , mehsus kiya ki , ab waqt aa gaya hai ki Muslims apna deen khule aam amal kare, apne dushmanon ke nazron ke saamne.”Ya Rasool Allah!”   ek din Umar( R.A) ne kaha
👉” Kya sacch hamari taraf nahi hai, chahe hum jiye ya mare? Kyun hum hamara deen chupayen? Main Allah(swt) ki kasam khata hun , jo Aapko hamare liye bheja, Sacch ke saath , jo ab hum zyada nahi chupayenge!”
🌷 Umar( R.A) ki baath sahi saabith hui, yeh faisla kiya gaya ki ab chupkar ibaadat nahi ki jayegi.Muslims saare , Rasool( SalAllahu alaihi wa sallam) ke peeche do kataar mein khade hokar Ka’bah ki taraf chalne lage, ek kataar ki khiyaadat Hamzah( R.A), aur dusri kataar ko Umar( R.A) ne ki. Makkahwale dekhte hi rah gaye ki Muslims , Rasool.( SalAllahu alaihi wa sallam) ke peeche , jamaat mein ibaadat karne lage. Us din se Umar ( R.A) ko “Farooq” kahkar pukara jane laga, jiska matlab hai ‘woh jo sacch aur jhooth mein faraq karne ki qabiliyath raktha ho”.
🌷 Ibn Mas’ud ( R.A) , Rasool
( SalAllahu alaihi wa sallam) ke Sahabiyon mein se ek the, unhone kaha, ‘Jis din se Umar ne Islam qubool kiya, hambe taaqath aur izzat , dono hi payi hai.’ Unhone yeh bhi kaha, ” Hum Ka’bah ke paas ibaadat nahi kar paye jab tak ke Umar ne Islam qubool  nahi kiya.”
🌷Suhayb( R.A) , ek aur Rasool ( SalAllahu alaihi wa sallam) ke Sahabi ne kaha, “Islam roshni mein aaya, jab Umar ne roshni qubool ki. Hum khule aam tableegh kar sakte hain aur Ka’bah ke paas jamaat bana sakte hain, aur hum unlog se bhi badla le liya jo hum par zulm kiya karte the.”
TO BE CONTINUED……
END OF PART 51…….