Archives

SABAQ 81

Nov26
🌻Assalamu alaikum Wa Rahmatullahi Wa Barakaatuhu 🌻
🌻SEERAH OF MUHAMMAD
(SalAllahu alaihi wa sallam)
📚 LESSON NO:- 8⃣1⃣ 📚
🌻 SABAQ:-
🔻Islamic markaz(samaj)
✨ ISLAMIC MARKAZ ✨
                      (Samaj)
🌻  Hijrath kiye hue logon mein aur unke mezbaan khandan(Ansaar) ke beech ka  bhaichaara, wahan ke markaz mein itna ghera aur mazbuth rishtey khayam kiya , jise Rasool (SalAllahu alaihi wa sallam) ne aur mazbuth kiya, sabke liye , ek jaise zaabta -e-aqhlaaq(code of conduct)  khayam karke. Lekin , Madinah aur do(2) qabilon ka bhi thikana tha, mushrikeen , jo Islam nahi qubool kiya aur yahudiyon  ka qabila. 
🌻Makkah mein jis tarah ke muqalifaath hua karte the, waise muqalifaath ko Madinah mein  rokne ke liye, Rasool(SalAllahu alaihi wa sallam) ne, in dono qabilon  se ahad kiya. Us ahad ke dastawez mein yeh points shaamil kiye gaye:- 
🔻”Ansaar aur koi aur qabile, jinhone , yeh ahad par unlog ke saath dastakhath kiye hai, woh sab ek alag Ummah (nation)”
🔻Qisas(blood money aur ransom) ka ada karna aur qaidiyon ka reha karna, Muslims aur unlog ke beech, pahele ki tarah hi amal mein laya jayega, aur do(2) qair muslim qabile , muslims ko qisas ke maamle mein madad karenge. 
🔻Yeh theenon(3) Madinah ke qabile, ek saath honge, mujrimon, baagiyon aur mukhalifana dushmanon ke khilaaf ladne mein , haalanke yeh log apne khandan ya aulaadon mein se kyun na ho.
🔻Koi muslim ,  qair -Muslim ki madad ke liye, dusre  muslim ka qatl nahi kar sakta, naahi woh koi muslim ke khilaaf , qair -muslim ki madad kar sakta.
🔻Allah(swt) ki taraf farayez
saare Muslims ko ek jaise hai, aur saara islami markaz , zimmedaar hoga agar yeh farayez pure karne mein agar ek bhi insaan (muslim) apni zimmedaari nibhaane mein naa kaam hoga.
🔻Yahudi mein se  jisne bhi Islam qubool kiya,unse muslim  ki tarah bartaaw kiya jayega.
🔻Maal saara Muslims mein ek jaisa bata jayega. 
🔻Jo koi jaan booj ke Muslim ka qatl karta ho, use qatl kiya jayega, lekin agar  mazloom ka khandan use maaf kar diya  toh use maaf kar diya jayega. Muslim par yeh wajib hai ki, woh us qatil insaan ke khilaaf khada rahe. 
🔻Muslims ke liye , yeh Shariyah ke khilaaf hai, ki woh Muslims mein apas mein naitefaaqi paida karey aur koi Islami shariyaah aur farayez ko tabdeel karey. 
🔻Allah(swt) aur Uske Rasool (SalAllahu alaihi wa sallam) , faislaa karenge agar yeh theen(3) markazon mein koi muqalifath paida hogi.  
🔻Yeh ahad Muslims ke liye , ek nayi shuraath saabit hui. Yeh sab saare ,ek hi ahad mein baandey gaye the,  aur aage ke takreebaath ke raaston mein, yeh ektha, bhaichaara aur miljhul kar rehna jo yeh ahad ne beenj boye aur phul ugaaye the , bahuth kaam aanewala hai. Aur agar Muslims ka muqaam, qair muslims ke muqable dekha gaya toh yeh saabith hua ke Muslims , apne aap ke ahekaam muqarar karne mein qabile taqath rakte hai. Mushrikeen ko yeh pata chal gaya ki , woh Muslims ki hukumath ki khilafath nahi kar payenge. 
🌻 Madinah ke bahuth saare qabile ke sardar aur naamcheen log Muslim ho chuke the, aur koi aise qabil log nahi the , jo khule aam Islam ki khilafath kar sake. Yeh jaan kar Rasool (SalAllahu alaihi wa sallam) mutmayeen  hona chahte the ki, qair Muslims , jo nayi hukumi  tabdeeli se nakhush hokar Makkah ki taraf madad ke liye bade. Aap ne qair Muslims ko yeh baaton par raazi kar liya:-
🔻”Hum Quraysh ko sahara nahi denge,nahi hum kisi Muslim ki madad aur hifazath  karne se inkaar karenge.”
🌻Rasool(SalAllahu alaihi wa sallam) ne ek alag maheda kiya Muslims aur Yahudiyon ke beech:-
🔻Yahudi aur Muslims dono alag rahenge ,alag ummathon ki tarah, har ek apne khud ki marzi mutabiq zindagi basar karenge, aur har ek apni khud ke maali maamle khud dekhrekh karenge.
🔻Dono saath milkar , shaher ki hifazath karenge, aur apne apne logon ki khud hifazath karenge.
🔻Dono ummathen, apas mein milkar aman khayam rakhenge, aur ek dusre ke maamle mein dakhal nahi denge ya ek dusre ko neecha  nahi karenge.
🔻Dono hukumathen ek dusre ke galthiyon ke zimmedaar nahi honge. 
🔻 Mazloomon ko madad aur support karenge.
🔻Dono hukumaten, jung ka kharcha uthayenge.
🔻Baghawath aur bina baat ke khoon kharab karna dono hukumaton ke liye qair khanooni hoga.
🔻Saare muqalifaaten Allah(swt) aur Uske Rasool ki taraf tawajju kiya jayega.
🔻Quraysh aur unke saath denewalon ke liye koi madad ya panah nahi di jayegi.
🔻Yeh ahad ya maheda galath karnewalon ko aur mujrimon ki koi hifazath nahi karega. 
🌻Yeh ahad  Madinah ke theenon  markazon ko mila diya aur Rasool(SalAllahu alaihi wa sallam) ko bina koi bahez ke Ummath ka  Sardaar  chun liya gaya.Ek baar jab har koi haq aur zimmedaariyon ko samaj gaye, Rasool (SalAllahu alaihi wa sallam) baqi ke dono markazon ko Islam ki dawat dete rahe.
🌻🌻🌻🌻🌻🌻🌻🌻🌻
TO BE CONTINUED……..
END OF PART 81…….

SABAQ 82

Nov26
🌹Assalamu alaikum Wa Rahmatullahi Wa Barakaatuhu 🌹
🌹SEERAH OF MUHAMMAD
(SalAllahu alaihi wa sallam)
📚 LESSON NO:-8⃣2⃣ 📚
🌹SABAQ:-
🔻Islamic markazah (continued) 
🔻Quraysh ka Muslims ke natije ka imtihaan lena.
🔻Jung karne ki Izazath.
✨ISLAMIC MARKAZAH✨
          (Continued) 
🌹Bahuth saare log Islam qubool  kar liye, aur woh jo apne mazhab ko chodna na chahte , woh bhi Muslim ke hukumath  mein aman aur sukoon se rahne lage. Lekin , kuch dusre log aise the, jo na Islam mein dilchaspi rakte the, aur naahi aman aur sukoon ke saath rahna pasand karte the. Un mein se kuch Muslim ho gaye, taake ander hi ander Islam ko kamzor bana sake. Un log ko baad mein Munafeeq ( farebi, riayakar) kaha gaya. Un ka sardar tha, Abdullah bin Ubayy,aur kuch mukhalifana gair muslim ghero ke saath , yeh log Madinah ki hifazath  ke liye bahuth bada khatra nazar  aa rahe the. 
✨QURAYSH KA MUSLIMS KE NATIJE KA IMTIHAAN LENA ✨
🌹Madine ki hifazath  aur aman aur sukoon ke liye,  Rasool(SalAllahu alaihi wa sallam) ke hazaron koshishon, aur ehtiyath ke bawjuud, Quraysh , Madinah ke shaher ko tabah karne ka pakka irada bana liya. Quraysh ne Madinah ke Mushrikeen ko khabar bheji, yeh hukum dete hue ki , woh Muslims ko shaher se bhagaye. Agar mushrikeen ne Quraysh ki madad karne se inkaar kiya, toh Quraysh unhe dhamki dene lage ki woh unke bacchon ka qatl karenge aur unki auraton ko giraftaar karenge.
🌹Rasool (SalAllahu alaihi wa sallam) ko is dhamkiyon ke baare mein pata chala, aur Aap ne mushrikeen ko yaqeen dilaya ke woh Quraysh ke is mazbuth hathkandon ke saamne na jhuke.  Quraysh ko is baat ka pata chala, aur dekha ki unki baat ulti pad gayi. In log ki mayusi aur gussa khule aam dikhayi diya , jab Sa’d bin Mu’adh (R.A) , Umrah ke liye Makkah gaye. Jab aap Abu Safwan Umayya bin Khalaf ke saath  Ka’bah ka tawaaf kar rahe the, aap ki mulaqaath Abu Jahl se hui. 
🌹Abu Jahl ne  pehchaan liya ki aap Madinah ke rehnewale hai aur Muslim ho gaye hain aur aap se mukhalif ho kar kahne laga:
👉🏻”Toh acha, tumhe Makkah mein mehfuz dikhraha hai, jabke tum ne bedeen ko apne shaher mein panah di hai. Khuda ki kasam , agar tum Abu Safwan ke saath na hote, toh tum sahi salamath wapas na jaate.”
🌹Abu Jahl ki yeh dhamki , yeh ishara karti hai ki Quraysh , muslims ko Ka’bah aane se, aur yahan par apne hajj ke ahkaamon ko pura karne se rokna chahte hai. Aur is baat ka bhi ishara karti hai ki woh nihathey  muslims ka bhi qatl karne ke liye tayar hai. Madinah ke yahudi bhi , Muslims je liye dusri taraf se khatra ban chuke the. Woh apna purana khel, do qabile , Aus aur Khazraj ke beech ki dushmani ko lekar khel rahe the, is umeed pe ki in dono ke beech ki aag , inhe rahath pahunchayegi. Ubharte hui Muslim markazhe ko andar aur bahar dono taraf se khatron ka saamna karna pad raha tha. Khoonbhane ka khatra itna bad chuka tha ki , Muslims , raat mein sote waqt apne sirhaane   hathyaar lekar sone lage.
🌹Rasool ( SalAllahu alaihi wa sallam) ko bhi hathyaar liye  hue bodyguards hifazath kar rahe the , jab tak ke yeh ayah naazil na hui:
📖” Allah(swt) , tumhe  insaanon  se  hifazath farmayega.” 📌(5: 67)
✨JUNG KARNE KI     
         IZAZAT ✨
🌹Ab tak ke, Rasool (SalAllahu alaihi wa sallam) Muslims ko samjhate rahe ki , woh beizzati aur tanakasi khamoshi se sehte rahe. Lekin, ab Muslims ki taqat bad chuki thi. Yeh nayi Muslims ki ehmiyath aur taqath , dushmanon mein aur khatarnaak waswasey paida kardiye. Akhirkaar, Allah(swt) ne izazat bakshi, ke Muslims , un par zulm aur sitam karnewalon se jung  karey, aur baad  mein yeh izazath  unpar farz ban gaya.  Is baat ki izazat bhi hisson mein di gayi.
🌹Pahele , Muslims ko Quraysh ke khilaaf jung ki izazath di gayi , kyun ke woh pahele the, jo Muslims par Makkah mein zulm aur sitam kiya karte the. Muslims ko unka maal zabth karne ko diya gaya, lekin un qabilon ka nahi jo unke saath aman rakha karte the. Phir Muslims ko un qabilon aur mushrikeen (budhparasthon) se jung karne ki izazat di gayi, jo Quraysh ka saath diya karte the, ya phir koi aur mushrikeen qabilon ka , jo Muslims par zulm  karte the. Baad mein, Muslims ko izazat di gayi , koi bhi yahudi qabile se jung karne ki , jo spna ahadnama , Muslims ke saath rad kar diya ho, juski wajeh se dono  ke beech ka maheda khud ba khud rad ho jata hai.
🌹Uske baad, Muslims ko ‘kitab-e-elahi’ke log , isaayi aur yahudi se jung ki izazat di gayi, agar woh Muslims par zulm aur sitam karte ho toh. Agar , yeh log apne aapko ko supurd kar dete hai, aur Jiziyah tax dete hai, toh Muslims inke saath jung nahi karenge. Akhirkaar, Muslims ko mushrikeen se aman karni chahiye, agar koi Yahudi ya  Isaayi , Islam qubool karte ho, aur inke maal aur haq ki hifazath aur ehtraam karni chahiye.
🌹🌹🌹🌹🌹🌹🌹🌹🌹
TO BE CONTINUED……..
END OF PART 82…….

SABAQ 83

Nov26
🍁Assalamu alaikum Wa Rahmatullahi Wa Barakaatuhu 🍁
🍁SEERAH OF MUHAMMAD
(SalAllahu alaihi wa sallam)
📚LESSON NO :- 8⃣3⃣📚
✨SABAQ:-
🔻Fouji muhimaath(Saraya aur Ghazawat)
✨FOUJI MUHIMAATH✨
(SARAYA AUR GHAZAWAT)
🍁Jab ke ab Allah(swt) ne Muslims ko apni hifazath ke liye jung karne ki izazat ata ki, Rasool (SalAllahu alaihi wa sallam) ne apne markazeh ko jo bahuth hi sataya gaya hua, kamzor aur khamosh tha, use jeene ke liye, aur dusre qabilon ki ziyadadati aur zulm se apne aap ka bachaav karne ke liye, unhe mazbooth fouji jamaathon mein tabdeel karne lage. Theer andaazi aur ghudsawaar, yeh dono mein mahirath haasil karne par zor diya. Rasool (SalAllahu alaihi wa sallam) ne Muslims ko fouji jamaathon mein muqarar kiya, jise Saraya kahte the.
🍁Kabhie kabhie Aap , jis  fouji jamaathon ke saath muhimaath mein shaamil hote the, unhe Ghazawat kahte the. Fouji jamaath , apne upar chaar(4) aham kaamon ki zimmedari le liye the.
🔻Sabse pahele toh , inhe Madinah ki sarhadon ki hifazath karni thi, aur kisi bhi shaqui harkaton ka jayzaa aur malumaath, khufiya tareekhe se haasil karni thi. 
🔻Dusra, yeh ke woh Makkah ke karobari caravanon par hamla karna tha, jo inki jaghe se  hote hue guzarte the. Bahuth saare Muslims ko zabardasti majboor kiya gaya ki woh , apni zaydaad aur milikiyath, dono Makkah mein chod de, agar woh hijrath ke liye Madinah jana chahte the. Muslims ko izazat ata ki gayi ke woh Quraysh ki maali tareekhe se  dekhbhaal kiye gaye caravanon par hamla kare.
🔻Theesra, unhe yeh zimmedaari di gayi ke, woh Madinah ke bahari qabilon se maheda kare. Rasool (SalAllahu alaihi wa sallam) ko zaruri laga ki , unhe in qabilon se ache rishtey banaaye rakne hai taake yeh log Quraysh se jakar milkar unke khilaaf na ho jaaye. 
🔻Akhri mein, in fouji jamaathon ko yeh bhi zimmedari di gayi ke, woh saare Arab mein Islam ke paigam ko pahunchaaye.
🍁Pahela Sariyya( singular form of Saraya) jo, Rasool (SalAllahu alaihi wa sallam) ne rawana kiya, uska naam Sariyya Saif Al-Bahr rakha gaya. Yeh Sariyya Ramadan ke mahine mein, 1A.H.,( pahela saal jab Rasool ( SalAllahu alahi wa sallam)  Madina  ki hijrath ki, use hijr kahte hai.) mein rawana hua. Rasool (SalAllahu alaihi wa sallam) ke  chachajaan Hamzah bin Abdul Muttalib (R.A) , apne 30 saathi Muhaajireen ke saath , is Pahele Saraya ke sippe salar the aur  muhimaath mein rehnumaayi ki. Aap sab Red Sea ke saahili elakhon ki taraf, Ais ki sarhadon ki taraf badhe , aur inhe ek caravan ka saamna hua , jo Abu Jahl ki sarparasthi mein tha, aur jo Syria s3 wapas ho raha tha.
🍁Yeh do jamaathon ke beech jung chidnewali hi thi, lekin Majdi bin Amr Jahni ne dono ke beech sulah karadi aur jung hone se rok diya. Islami tareeq mein yeh pahela Sariyya tha. Muslims , safed parcham ke neeche sawaar karte the(pahela parcham jo Muslims ne istemaal kiya) , jise Abu Marthad bin Haseen Ghanwi (R.A) ne banaya. Agle aane wale mahinon mein , Rasool (SalAllahu alaihi wa sallam) ne ek ke baad ek , kai Saraya rawana kiye. Abu Ubaydah bin Harith(R.A) ki rehnumayi mein 60 Muhaajireen , Batn Rabi ki taraf rawana hue. 
🍁Woh log ka ,  Abu Sufyan aur do sau (200) Makkawalon se saamna hua. Dono taraf se theeren chalayi gayi lekin dono mein koi ladai nahi hui. Sa’d bin Abi Waqqas (R.A) ki rehnumaayi mein bees(20) Muhaajireen ko Rabigh jo Kharar ke paas tha , wahan rawana kiya gaya, lekin saare log wapad laute bina koi jung kiye. Phir Safar ke mahine aur 2 A H, mein paheli baar Rasool (SalAllahu alaihi wa sallam) khud jung ke liye rawana hue, apne sattar(70) Muhaajireen ke saath. Aap log ne Abwa ya Wadan ki taraf safar tay kiya, lekin is baar bhi aap log ko kisi bhi dushman ka sammna na karna pada. 
🍁Bahrehaal, is safar je dauran hi , Rasool (Sal Allahu alaihi wa salkam) ne Amr bin Makhshi al Dhamri se aman aur saath dene ka ahad ka maheda mukammal kiya. Agle mahine, (Rabi’ Al-Awwal, 2 A.H) mein, Rasool (SalAllahu alaihi wa sallam) ne kuch aadmiyon ki jamaath lekar Radwi ki sarhad, Buwat ki taraf bade. Usi mahine mein , Kurz bin Jabir Al-Fihri ne Muslims ke charte hue mowayshi ko tahas nahas(barbaad) kiya. Rasool (SalAllahu alaihi wa sallam) ne sattar(70) Muhaajireen ko jama kiya aur Badr ki sarhad Safwan tak peecha kiya. Is muhim ko Badr ki paheli Jung kaha jata hai.
🍁 Rasool (SalAllahu alaihi wa sallam) ne 150 se 200 fauji Muhaajireen ko lekar , Jamad Al-Awwal ya phir Jamad Al-Thani ke mahine , 2.A.H mein Dhul Ashira gaye  ek caravan ka saamna karne ke liye  jo Syria ko jaa raha tha, lekin Aap log pahunchne se pahele hi woh caravan wahan se guzar gaya. Is safar ke dauran Aap ne Banu Madlaj se gair charhaai ka maheda mukammal kiya.
🍁Aur Apne fouji aadmi ko jung karne  ki mahirath haasil karane ke liye, Rasool (SalAllahu alaihi wa sallam) ne Abdullah bin Jahsh Asadi ko barah(12) Muhaajireen ke saath  , Rajab ,2 A.H mein Nakhlah (elakha jo Makkah aur Taif ke beech hai) bheja. Unlog ja maqsad yeh tha ki woh Quraysh ki maali madad kiye hue caravan ki jaankaari haasil karey. Abdullah ke aadmi , caravan par hamla kiye aur ek ka qatl kar diya.  Woh log do(2) ko giraftaar kiya, aur Madinah ko bandhi bana kar le aaye. Jab Rasool (SalAllahu alaihi wa sallam) ko teh baat malum hui, Aap bahuth naraaz hue.
🍁Aap ne bandiyon ko azaad kiya aur maqtool ke gharwalon ko muhafzaa ada kiya. Quraysh ne is baat ka zor se inkaar kiya aur ehtejaaj karne lage, kyun ki yeh hadsa Rajab mein hua, jo ‘ahtraam karnewala mahina ‘hai jis  darmiyaan jung ya ladaai karna haram hai. Allah(swt) ne , Muslims ke yeh hamle ka bayan karte hue Qur’an mein yeh ayaah naazil farmaayi:-
📖” Unlog ne tumse ahtraam karnewale mahine mein jung ke baat puchi hai, kaho:  In mahinon mein jung karna , bahuth bada gunah hai, lekin logon ko Allah ki raah par chalne se mana karna, Us par Imaan na lana, Baitul muqaddas mein aane se mana karna aur logon ko apne gharon se nikaalna, Allah(swt) ki nazron mein aur bhi bada gunah hai. Zulm aur badamani ,qatl se zyada kharab hai.”📌(2:217)
🍁🍁🍁🍁🍁🍁🍁🍁🍁
TO BE CONTINUED……
END OF PART 83….

SABAQ 84

Nov26
🌸Assalamu alaikum Wa Rahmatullahi Wa Barakaatuhu 🌸
🌸SEERAH OF MUHAMMAD
(SalAllahu alaihi wa sallam)
📚LESSON NO:-8⃣4⃣📚
🌸SABAQ:-
🔻Naya Qiblah
🔻Jung-e-Badr
✨NAYA QIBLAH ✨
🌸Sha’ban, 2H mein, Qiblah( jis ki taraf ruju hokar Muslims apni namaz padhte hai) , use Bait Al-Maqdis jo Jerusalem mein hai, wahan se tabdeel karke Makkah mein Ka’bah ki taraf kar diya gaya. Yeh tabdeel, Allah(swt) ke hukum se ki gayi, jo Qur’an ki ayaah mein bayaan kiya gaya. Rasool (SalAllahu alaihi wa sallam) aur sacchey Muslims , us tabdeeli se bahuth khush the. Munafeeqeen, jo apne aapko Muslims batate the, behrehaal, is tabdeeli ki ehtejaj ki(inkaar kiya) , aur bahuth saare wapas yahudi ho gaye ya phir  budhparasth, jiski wajeh se imaanwale  Muslims ka odha(position) paak ho gaya.
✨ JUNG-E-BADR ✨
🌸Ab tak Muslim fauji jamaaten , ji muhim kar chuke the , woh bahuth  hi chote the. Woh log , kuch aur se zyada, malumaath karne mein lage hue the, lekin unhe Muslims ko jung ke adab seekhne mein shuruath karni thi. Jung-e-Badr   behrehaal, Islam ki tareeq mein ek aisa pahela jung ka misaal ban gaya, jo Muslims aur Quraysh ke beech faisle ka anasar (factor)ban gaya.
🌸Rasool(SalAllahu alaihi wa sallam) , Dhul Ashirah ki taraf sawaar hue, ek karobaari caravan ko rokne gaye , jo Makkah se Syria jaanewala tha. Lekin, woh caravan Syria bhaagne mein kaamyaab ho gaya. Phir Rasool (SalAllahu alaihi wa sallam) ne do aadmiyon ko Syria mein Hawraa jaane ke liye rawana kardiya, taake woh caravan ka wapas lautne ka intezaar kare.  Jab yeh sipaahiyon ne dekha ki , woh caravan wapas laut raha hai, woh Madinah ke liye fouran nikal pade aur Rasool (SalAllahu alaihi wa  sallam) ki etelah dedi. Ek baar hab Rasool (SalAllahu alaihi wa sallam) be caravan ki wapasi ke baarey mein suna, Aap ne 313 ya 317   logon ko  jama kiya, do ghode aur sattar(70) untin  ke saath  Badr, jo Madina ke junubi maghrib ki taraf 155 km ki duri par hai, wahan ke liye  rawana hue. 
🌸 Rasool (SalAllahu alaihi wa sallam) ne Mus’ab bin Umayr ko Safed parcham diya. Muhaajireen ko alag parcham diya, jise Ali bin Talib ne sambhaala, jabki Ansaar ka parcham Sa’d bin Mu’adh ne sambhaala.(thama).
🌸Badr, jo pahadon se ghera hua tha, theen raaston se wabasta tha. Pahela ek,  jise Al-Udwat Al -Qaswa kahte the, jo junub mein tha, dusra , jise Al-Udwat kahte the, jahan par shumaal se pahunch sakte the, aur theesra , jahan mashriq se pahuncha ja sakta hai, aur jo aksar Madinah ke log Badr mein ke aane jaane ka guzar gah ki tarah istemaal karte the.Badr mein  kuch ghar, bowliyan, aur bageeche the, yahi wajeh thi ke Makkah je caravan , jo Syria jaate the, yahan se guzra karte the, aur woh apna safar , yahan par thodi der ke liye roka karte the, kabhie kuch ghante ke liye ya phir kuch din ke liye.
🌸Rasool(SalAllahu alaihi wa sallam) aur Aapke saathiyon ko asaan tha ki caravan ko khabza kare, agar in theenon raaston ko band(block)  kardiya jaaye. Kaamyaabi , ek tajjub ki baat par muqarar  thi. , lekin Muslims ko , caravan Badr ke andar daakhil hona tha, caravan andar pahunchne ke baad, aur phir theen raaston ko gher lena tha., Quraysh ke hamla karne se pahele. Uske hisaab se Rasool(SalAllahu alaihi wah sallam) aur Aapke aadmi Madinah ki taraf nikal pade, Badr ke opposite raaste par. Aur jab Madinah se kuch hifazath duri par pahunche toh  Aap logon ne apna raasta badal diya aur Badr ki oor nikal pade.
🌸Muslims jo caravan ko kabza karne jaa rahe the, use Abu Sufyan bin Harb rahnumaayi kar rahe the. Us caravan mein chaalis(40) log, ek hazaar unt aur pachaas(50) hazaar dinar ke keemath ka maal tha. Abu Sufyan , bahuth hi hoshiyaar aur chaukanna raha, aur har ek shaks se Muslims ki harkathon ki jaankaari puchne laga. Woh Badr ku bahuth duri par tha, jab use malum hua ki, ek Muslims ki badi jamaath, Madinah se nikli hai. Jaldi se harkath mein aakar, woh apne caravan ko maghreebi rukh ko mod liya, aur saahil ku taraf rukh kiya, Badr ko pura hi zarguzar kar diya. Iske alawa, woh Makkah ko khabar bhejdi, taake woh aur fauj ki tayaari kare. Jab Quraysh ko Abu Sufyan ki khabar mili, unlog ne 1300 logon ki fouj jama ki, Muslims par hamla karne ke liye aur caravan ki hifazath karne ke liye. Makkah ke saare sardaar, siwaye Abu Lahab ke fouj mein shaamil hue, aur har ek insaan jo aas paas ke qabilon se tallukh rakte the, sab shaamil ho gaye. Aur Makkah ke saare qabilon mein se, sirf Banu Adiy ne hissa lene se inkaar kar diya.
🌸Jab mushrikeen ki fouj Juhfa  pahunche, unhe Abu Sufiyan se khabar mili ki caravan hifazath mein hai, aur Fouj wapas Makkah laut jaaye. Log wapas laut rahe the ki Abu Jahl wapad lautne se inkaar kar diya. Banu Zahra ke log hi, apne sardaar Akhnas bin Shariq Thaqafi  ki baat sunkar wapad laut gaye. Baqi fouj , jiski tadaad hazaar thi, apna safar jaari rakha,  Udwa Qasmi pahunchkar, Quraysh, apne kheeme bade khule maidan mein laga diye., pahadon ki kuch hi duri par, jo Badr ko ghere hue the. 
🌸🌸🌸🌸🌸🌸🌸🌸🌸
TO BE CONTINUED…….
END OF PART…84

SABAQ 85

Nov26
🌷Assalamu alaikum Wa Rahmatullahi Wa Barakaatuhu 🌷
🌷SEERAH OF MUHAMMAD
(SalAllahu alaihi wa sallam)
📚LESSON NO : 8⃣5⃣ 📚
🌷SABAQ:-
🔻Jung-e-Badr (continued)
✨   JUNG -E- BADR  ✨
      ( CONTINUED )
🌷 Rasool (SakAllahu alaihi wa sallam) ko pata chala ki Quraysh Badr ki taraf pahunch rahe hai, aur Aap ne Apne aadmiyon se mulaqaath ki aur unlog se unke tajweej ke baare mein baatcheeth ki. Abu Bakr(R.A) aur Umar( R.A) , dono ne apni raay di, aur Miqdad bin Amr ne buland awaaz mein apni  jazbat pesh is tarah kiye:
👉🏻”Aye Rasool (SalAllahu alaihi wa sallam) ! Hum  nahi kahenge jaisa Bani-Isra-eel ne Musa (alaihi salaam) se kaha tha:
📖” Tum aur Tumhare Khuda jaao aur jung karo, aur hum yahan baite rahenge.”📌 (5:24)
👉🏻” Hum Aap ke saath milkar jung karenge. Aap ke daayen  se , baayen , saamne se aur peeche se.”
🌷Miqdad’ (R.A) ki baaten , Rasool (SalAllahu alaihi wa sallam) ko mutaassir kiya, Aapke Sahabiyon ki sacchayi par, kyun ki Aap fikr mein the ki Ansaar jab hi jung karenge tab unpar aur Madinah par hamla hoga. Is ke alawa, Aqabah ka Dusre Ahad ke mutabiq Ansaar par koi pabandi nahi thi ke woh log Rasool ( SalAllahu alaihi wa sallam) ke saath unke shaher ke bahar jung karey. Rasool (SalAllahu alaihi wa sallam) phir apne saare aadmiyon se pucha ke kya woh sab raazi hai. 
🌷Sa’d bin Mu’adh(R.A) , Ansaar ke sardaar ne kaha:
👉🏻”Aye Paigamber! Main Uski kasam khakar kahta hun Jisne Aapko Sacchaayi ke saath bheja hai, ke agar Aap samundar mein chalaang lagaye toh hum sab bhi Aapke saath chalaang lagayenge, aur hum mein se koi ek shaks bhi aisa karne se peeche nahi hoga. Hum hichkichayenge nahi , agar Aap dushman par tut paden toh , kyun ke hum sab jung mein mazboot aur maidan mein himmat rakhte hai. Aap , hamari qiyadaat karey, Allah(swt) hum par  aur hamari maqsad par meher karey.!”
🌷 Is par Rasool ( SalAllahu alaihi wa sallam) ne kaha:
👉🏻”Main aap sab ko Allah(swt) ki basharath laya hun. Usne wada kiya hai ki hamen caravan se ya toh maal haasil hoga ya hum maidan-e-jung mein fateh haasil karenge. Allah (swt) ki taraf se , mere nazron ke saamne  Maidan-e-jung ka nazara hai, aur Main dekh raha hun ke kaun sa shaks , kaunse muqarar jagah par girega.”  Saabith qadam ke saath Rasool ( SalAllahu alaihi wa sallam) , apne aadmiyon ko lekar Badr ki ore bade, aur Aap sab bhi usi raat ko pahunche , jis raat ko Quraysh bhi pahunche.
🌷Muslims ne apne kheemey Al-Udwat Al-Duniya ke paas daaley, lekin Al-Hubab ibn Al-Mundhir ne Rasool ( SalAllahu alaihi w sallam) ko raay di ke , woh sab aage badhe aur dushman ke paas ke bowli ke paas kheemey daaley , taake woh paani ko houzon mein zakheera kar sake. Unhone yeh bhi raay di ke baqi saare bowliyon ko bhar de, taake Quraysh ke liye paani na rahe. Rasool( Sal Allahu alaihi wa sallam) ne Hubab’ ke shaandaar raay ko mana aur Hubab ke diye hue hidayaton par amal kiya.
🌷 Muslims ne khajuur ke shaaqon se ek chota sa hujra banaya , jisme Rasool (SalAllahu alaihi wa sallam) rah sake , jab Aap fouj ko jung ke dauraan hidayaten de. Kuch jawaan Ansaar ko Sa’d bin Mu-adh ki hukumraan mein rakh diya , chaukanna rehne ke liye.
🌷 Is ke baad, Rasool (SalAllahu alaihi wa sallam) Badr ke chaaron taraf chale aur apne aadmiyon se kahne lage:  ‘ yeh woh jagah hai, jahan falan falan shaks , kal jung mein gir jayega  In Sha Allah,”  Aap ne saari raat ibaadat mein guzaari, ek pedh ke neeche, jabki halki si  baarish ho rahi thi , jo fouj ko itmenaan ki neend mein ke gayi. Allah(swt)  , apne bandon par jo rehmaten ki , is ayaah mein bayaan kiya gaya hai:
📖” Yaad karo kaise Allah(swt) ne tumhe gunudgi se ghere rakha taake tum mehfuz mehsus kar sako. Usne baarish barsaayi, jannat se , taake tum apne aapko paak kar sako- woh baarish, jo Shaitaan ka asar khatam kare, tumhare dilon ko pakka karey aur tumko jung mein mazboot tehraaye.”📌(8:11)
🌷 Dusre din subha ( Jummah, Ramadan 17, 2A.H), dono fouj aamne saamne aaye.
👉🏻”Aye Allah(swt)! Quraysh yahan apna gurur aur jahalath lekar aaye hai,” Rasool (SalAllahu alaihi wa sallam) dua karne lage. ‘Woh Tera inkaar karte hai aur Tere Paigamber ko jhuta kahte hai. Aye Allah(swt)! Mujhse jo  wada kiya use pura kar. Hamari madad kar, Allah.!”
🌷Rasool (SalAllahu alaihi wa sallam) ne apne aadmiyon ko jama kiya aur kaha ki, jung tab tak nahi shuru karna, jab tak Aap ne na hukum diya ho aisa karne ke liye.
👉🏻”Sirf theer hi istemaal karna jab woh aapke nazdeek aane lage , aur apni talwaaren nahi nikaalna jab tak ke woh aapke khareeb na pahunche.”
🌷Abu Bakr(R.A) ne Rasool (SalAllahu alaihi wa sallam) ko apne hujre mein le gaye, jahan Aap ne Apne Rab se dua karni shuru kardi.:.
🙌 Aye Allah! Agar yeh jamaath khatam ho gayi. Teri ibaadat koi nahi karega. Aye Allah!  Agar yehi teri raza hai ke  aaj ke baad koi teri Ibaadat na kare  hamesha ke liye.”
Abu Jahl bhi dua karne laga:
👉🏻”Aye Khuda! Is jamaath ka khatma karde jo tere bandishon ko thod diya aur galath karne mein yaqeen rakte hai. Aye Allah! Us jamaath ki madad kar, jise tu bahuth chahta hai.”
🌷🌷🌷🌷🌷🌷🌷🌷🌷
TO BE CONTINUED…………
END OF PART 85…….

SABAQ 86

Nov26
🌻Assalamu alaikum Wa Rahmatullahi Wa Barakaatuhu 🌻
🌻SEERAH OF MUHAMMAD
(SalAllahu alaihi wa sallam)
📚 LESSON NO:- 8⃣6⃣📚
✨TOPICS:-
🔻Akele akele muqable ki lalkaar 
🔻Jung-e-Badr shuru ho gayi
🔻Abu Jahl mara  gaya.
✨AKELE AKELE MUQABLE KI LALKAAR ✨
🌻Quraysh ke theen(3) behethreen ghudsawaar, Utbah bin Rabi’a, Shayba bin Rabi’a aur Waleed bin Utbah , aage bade aur Muslims ko lalkaara ki akele akele muqable kiya jaaye. Uske jawaab mein, Ansaar ke theen(3) log  aage bade, lekin lalkaar denewale Makkah ko chodkar gaye hue Muhajireen ke khoon ke pyase the aur unhone kaha, ” Hum , hamare bhaiyon ko chahte hai.” Ansaar peeche hat gaye, aur Ubaydah bin Harith(R.A) , Hamzah(R.A) aur Ali(R.A) aage bade. Hamzah(R.A) ne Shayba se, Ali(R.A) ne Waleed ka aur Ubaydah(R.A) ne Utbah ka saamna kiya aur unke lalkaar ko qubool kiya.
🌻Hamzah(R.A) aur Ali(R.A) , dono ne apne mukhalifon ko badi asaani se khatam kar diya, lekin Ubaydah(R.A) aur Utbah ne ek dusre ko zakhmi kar diya, aur dono mein se kisi ka bhi haath aage na tha, dono baraber muqabla kiye. Ali(R.A) aur Hamzah(R.A) dono Ubaydah (R.A) ki madad ke liye bhaage aur unke mukhalif ko maar diya,Ubaydah(R.A) , jo apna pair kho chuke ,  unhe wapas kheeme ki taraf  le aaye. Baad mein Ubaydah(R.A) , yeh zakhm ki wajeh se,Madinah ko wapasi ke waqt Safra ke paas inteqaal farmaaye.
✨JUNG-E-BADR SHURU HO GAYI ✨
🌻Quraysh , qibat karna shuru kar diya , apne theen log ko muqable mein kho dene ke baad, haalanke abhi jung ki shuruaath hui hi nahi thi. Woh Muslims ke upar toot pade , jo apni kaamyaabi se josh mein aa chuke the, woh unlog ka saamna bina dare aur hichkichaye , bahuth hi himmat se kiya. Allah (swt) ka Wahed hone ka mushtahir karte hue, Muslims pukaarne lage: “Ahad!Ahad!”( Ek!Ek!) . Rasool (SalAllahu alaihi wa sallam) , jisko  basharath ho chuki thi, ruhaani madad ki, Abu Bakr(R.A) ki taraf ruju hue aur kahne lage: 
👉🏻”Khushi manaao, O Abu Bakr, Allah(swt) ki madad aa pahunchi hai. Yeh Jibra’eel(alaihi salaam) hai, jo sabse aage , ghode ka lagam liye hue bad rahe hai. Unka libaas , dhul aur mitti se kharab ho chuka hai.” Allah(swt) ki madad kayi hazaron farishton ke shakl mein aa pahunchi.
🌻Rasool (SalAllahu alaihi wa sallam) phir apne log ki taraf badhe, aur usi waqt yeh ayaah naazil hui:
📖”Jald hi , bhaagayi jaati hai yeh jamaath aur peeten pherdenge.”📌(54:45) Rasool (SalAllahu alaihi wa sallam) ne haathbhar ke mitti li aur Quraysh ki taraf 
pheka, yeh kahte hue ki, ” Inke chehre bigaad diye jaaye,” Mitti jaakar Quraysh ke aankh aur naak mein ja ghusi, jaise ke  yeh ayaah mein bayaan kiya gaya:
📖” Woh tum nahi the jisne pheka, lekin Allah(swt) ne kiya.” 📌(8:17)
🌻Rasool (SalAllahu alaihi wa salkam) ne apne logon ko hukum diya aur cheek kar kahne lage, “Utho!”.Muslims jo tadad mein theen ki ek the, bahuth mutassir hue jab unhone dekha ki Rasool ( SalAllahu alaihi wa sallam) unke beechon mein maujuud the aur jung ke liye tayaar hai. Apne aandekhe farishton ki fouj ki madad se , Muslims ne Quraysh par hamla kiya. Quraysh ek ke peeche ek girte jaa rahe the, aur jald hi himmat haarke wapas hogaye. Muslims aage badte gaye, kisi ko khatam karte hue aur kisi bandhi banate hue. Shaytaan , jo wahan .Suraqa bin Malik  bin Ju’shum ki shakl mein maujuud tha, farishton ki jamaath dekha aur Red Sea mein kuud pada.
✨ABU JAHL MAARA  ✨
               GAYA
🌻Jaise ke woh sippeysalar ki tarah tha, uski hifazath kiye jaari thi, logon se jo apne haathon mein talwaar aur khanjaren  liye hue the. Uski aisi hifazath kiye jaarahi thi, ke koi Muslim uske khareeb na jaa sake. Ek jawan  ladka , Abdul Rahman bin   Auf se kaha,
👉🏻”Mujhe Abu Jahl ko bataayiye,” Abdul Rahman ne jawaab diya, 
👉🏻Aap ko unke saath kya karna hai?”
👉🏻”Maine suna tha ki woh Rasool (SalAllahu alaihinwa sallam) ko jhuthlaata hai. Uski kasam , jiske haathon mein meri zindagi hai, main use qatl kar dunga, agar main use dekhlunga, ya uske hathon qatl ho jaaounga.”
🌻Dusra jawan ladka bhi Abdul Rahman ko wahi baat kahi. Achanak , Abdul Rahman ko Abu Jahl , maidaan-e-jung mein nazar aaya aur aapne un dono ladkon ko ishara kiya. Woh dono us par toot pade, aur talwaaron se khatarnaak hamla kiya, aur Abu Jahl, zameen par gir pada. Jung ke baad , dono  Rasool.(SalAllahu alaihi  wa sallam) ke saamne pesh hue aur dono ne Abu Jahl ko maarne ki baat kahi. Aap unke talwaaren dekhi aur kaha, ” Dono ne use mara hai,” Woh jawaan ladke Mu’adh.bin Afra aur Mu’adh ibn Amr the. Kaha jata hai ki pahelewala, isi jung mein shaheed ho gaya, lekin Mu’adh ibn Amr , Uthmaan(R.A) ki Caliphate ki daur tak rahe. Rasool (SalAllahu alaihi wa sallam) ne unhe Abu Jahl ki cheezen de diye.
🌻Abdullah bin Mas’ood , jisne dekha ki Abu Jahl mauth ki halath mein maidaan-e-jung mein pada hua hai; apna pair , apne purane dushman ke gardan par rakha aur uski daadi pakad ke , uska sir alag karna chaha.
👉🏻”Kya Allah(swt) ne tumhe zaleel nahi kiya, Aye Allah(swt) ke dushman?” Abu Jahl , us halath mein bhi apni galti par nadeem  nahi hua.
👉🏻” Mujhe kis baat par zaleel kiya gaya? Kya koi ys shaks ke upar hai, jinhe tumne qatl kiya.? Main khawaish karta ki , mujhe  kisaan ke badle koi aur qatl karta. Baraao mujhe, aaj kiski jeet hui hai?”
👉🏻”Allah(swt) aur Uske Rasool ki.”Abdullah ne jawab diya.
👉🏻’O bhedcharaanewale! Tum bahuth galath jagah ki unchayi par chade ho,’.Abu Jahl ne kaha.
🌻Abdullah ne phir uska sir , dhad se alag kar diya aur Rasool (SalAllahu alaihi wa sallam) ke saamne pesh kiya. 
👉🏻”Allah sabse bada hai! Sab tareefen Allah(swt) ke liye hai,” kahkar Aap rone lage.
👉🏻”Usne apna Wada saabith kar diya Sacchayi ka, Apne gulaam bandon ki madad ki aur apne dushmanon ko haraya.”. Abu Jahl ka sir dekhte hue Rasool (SalAllahu alaihi wa sallam) ne kaha, 
👉🏻”Yeh apne mulk ka Feraun tha.”
🌻🌻🌻🌻🌻🌻🌻🌻🌻
TO BE CONTINUED…….
END OF PART 86……..

SABAQ 87

Nov26
🌹Assalamu alaikum Wa
 Rahmatullahi Wa Barakaatuhu 🌹
🌹SEERAH OF MUHAMMAD
(SalAllahu alaihi wa sallam)
📚 LESSON NO:- 8⃣7⃣ 📚
✨SABAQ:-
🔻Imtiyaazi Din
🔻Badr ki khabar Makkah aur Madinah pahunchi.
🔻Madinah ko wapasi.
  ✨ IMTIYAAZI DIN ✨
🌹Abu Jahl ki mauth se Quraysh mayus aur mazur ho gaye. Woh insaan aur farishton ki fauj se haarkar bikhargaye, aur is tarah Jung-e-Badr  apne anjaam par pahunchi. Yeh jung , kisi sarhad ke liye, maal ke liye ya phir izzat ke liye nahi ladi gayi, balki Allah(swt) par Imaan ki jeet hui beimaanwalon par. Muslims jung kiye, apne waalidon se, chachaon se, beton se, bhaiyon se , rishtedaron aur doston  se. Umar (R.A) ne apne mamujaan Asi bin Hisham ka khatma kiya, jab ki Abu Bakr (R.A) ne apne bete ka saamna kiya, Abdul Rahman , aur Rasool (SalAllahu alaihi wa sallam) ke chachajaan Abbas ko qaidi banaya gaya. 
🌹Utbah bin Rabi’a woh jo Muslims ko muqable karne ko aage  badnewale theen(3) shaks mein se pahele the, apne bete Abu Hudhayfah (R.A) , jo Rasool (SalAllahu alaihi wa sallam) ke nazdiqi Sahabi the, unse jung kiya. Khoon ke rishton ko bhi khatam kiya, taake Imaan uncha rahe beimaanwalon  se. Yeh din aage chal ke “Yaum Al-Furqaan”(Imtiyaazi din)  kehlaya gaya, kyun ki is din hi jung ke huquq banaye gaye, qabile ke mutabiq nahi , balki Allah(swt) par  yaqeen aur Imaan ke mutabiq.
🌹 Jung -e – Badr ke dauran,  Chaudah(14) Muslims shaheed hue( cheh(6) Muhaajireen aur aat(8) Ansaar). Aap sab ko Badr mein hi tafneen kiya gaya, aur aaj bhi inke mazarein wahan maujuud hai. Mushrikeen ki taraf,sattar (70) log maare gaye, aur utney hi logon ko qaidi banaya gaya. Jo maare gaye, us mein se zyadatar log qabile ke naamwale  log aur sardaaren the.  Haqeeqat mein, mushrikeen ke 24 sardaron ki laashen , gandi badbu aanewali bowli mein phenka gaya. .
🌹Rasool (SalAllahu alaihi wa sallam) aur aap ke saathi,  theen(3) din tak Badr mein ruke. Aur jab Aap,Madinah ka wapasi safar shuru karne lage, tab Aap us bowli ke paas tehre aur har ek sardar ko unke naam se pukaar kar kaha:
👉🏻”Aye falan , falan ke bete! Kya tumko khwaish hui ke kaash main Allah(swt) aur Uske Paigamber ka hukum maanta? Mujhe pata chala ke mere Rab ne , mujse jo wada kiya tha, woh sach hai. Kya tumko tumhare khudaaon ka wada saccha laga?” 
🌹”Aye Rasool (SalAllahu alaihi wa sallam) ,” Umar (R.A) ne pucha.
👉🏻”Aap jismon  (lashon) se kaise baat kar sakte ho, jabke un mein ruhen(jaan) hi nahi hai?”
👉🏻”Woh mujhko sun sakte hai, jaise ke tum mujhe sun rahe ho, lekin woh jawab nahi de payenge,’ Rasool (SalAllahu alaihi wa sallam) ne samjhaya.
✨BADR KI KHABAR MAKKAH AUR MADINAH PAHUNCHI ✨
🌹Mushrikeen , jo bachkar nikal gaye, apni haar ki khabar Makkah tak le gaye. 
Makkahwale zillath ke maare chukna chur ho gaye. Makkah ke Muslims ke saamne sharminda na ho, aur unhe gaam karte hue dekne ka maukha na dene ke liye, mushrikeen apne mare hue aur qaid hue logon par maatham manane se ruk gaye. Lekin maatham manane se rukna asaan nahi hai. Misaal ki taur pe   Aswad bin Muttalib , Badr mein apne theen bete kho chuke, aur woh apne marhum beton ko yaad karke rona aur maatham manana chahta tha.
🌹Ek raat unhone kisi aurat ko cheekcheek kar rote hue suna, aur samaj gaye ki maatham manane ki izzat ho gayi. Woh jaldi apne , gulaam ko bheja , malum karne ke liye.Unko pata chala ki maatham karna abhi bhi mana hai, aur woh aurat apne gumshuda unt(camel) ke liye ro rahi hai. Jab unhe yeh pata chala, gusse mein aakar kehne lage:
👉🏻” Woh ro rahi hai , apne khoye hue unt ke liye,.jo usko itna bechain kardiya ki, uski raat ki neend ud gayi? Unt par mat ro, lekin Badr par ro jahan kismat bure din ke hawale ho gayi !”
🌹Rasool (SalAllahu alaihi wa sallam) ne do kaahino ko bheja, Madinah mein jeet ki khabar  logon mein elaan karne ke liye. Abdullah bin RawHa shumaali Madinah gaye, jabki Zayd bin Haritb junubi Madina gaye. Madinah ke log bahuth hi pareshaan the, kyun ki yahudiyon ne yeh afwaah phaila rakhi thi ki, taqatwar Quraysh ne Muslims ko khaboo kar liya. 
🌹Jab Rasool.( SalAllahu alaihi wa  sallam) ne apne, logon ko wahan bheja, log cheekne lage, “Allahu Akbar! Allah(swt) sab se bada hai.!” Muslims sab khush the. Allah(swt) ne unhe jeet ata farmaya, aur woh sukun mein the apne Imaan par ki Allah(swt) unhe ajar dega agar Muslims jung mein halaq ho gaye toh. 
✨MADINAH KO WAPASI✨
🌹Jab Muslims Madinah ki taraf bad rahe the, Rasool (SalAllahu alaihi wa sallam) ko  Allah(swt) ki taraf se wahi naazil hui , jung ki loot ke takseem ke silsile mein. Paanchva hissa Rasool (SalAllahu alaihi wa sallam) ko rakh kar baaqi sab un mein baat diya jaaye, jo jung mein shaamil the.  Aap pahele Paigamber the , jisko jung ke loot ka hissa lene ki izzazat di gayi. Allah(swt) ne hukum diya ki Nadir bin Harith ko phaansi di jaaye, aur Ali(R.A) ne uska sir khalam kiya.
🌹Uske baad, Utbah bin Abu Mu’ayt ko qatam karne ka hukum aaya, aur Asim bin Thabit Ansari(R.A) ne uska sir khalam kiya( lekin kuch zariyon mein kaha gaya hai ki woh Ali bin Abi Talib the, jinhone use khatam kiya). Itni badi jeet ki khabar sunkar, bahuth saare shehriyon ne Madina se Badr ki taraf safar karna shuru kiya, is umeed se ki woh sab se pahele milkar Rasool (SalAllahu alaihi wa sallam) ko mubarak baat de. Woh sab, jeete hue Muslims se Ruha mein mulaqaath ki, aur unke saath wapas Madinah laute. Jeete hue Muslims ko ,darzanon qaidiyon ke saath , Madinah  mein daakhil hote hue dekh, kayi log Muslims ho gaye.
🌹🌹🌹🌹🌹🌹🌹🌹🌹
TO BE CONTI NUED…….
END OF PART 87…….

SABAQ 75

Nov26
🌻Assalamu alaikum Wa Rahmatullahi Wa Barakaatuhu 🌻
🌻SEERAH OF MUHAMMAD
(SalAllahu alaihi wa sallam)
📚 LESSON NO: 7⃣5⃣ 📚
🌻SABAQ;-
🔻Rasool (SalAllahu alaihi wa sallam) ghar chode.
🔻Gufa mein theen raaten.
✨RASOOL(SalAllahu alaihi wa sallam) GHAR CHODE✨
🌻Haalanke Ali(R.A) , Rasool (SalAllahu alaihi wa sallam) ke bistar par the, Rasool (SalAllahu alaihi wa sallam) abhi bhi ghar mein maujuud the, hathyaaron se ghere hue the. Rasool (SalAllahu alaihi wa sallam) ,  apne ghar se bahar nikle aur haath bhaar  dhul liye, jo Aap ne  jawaan bachon ke sir par yeh ayah padte hue  chidka:
📖”Maine inke saamne pardah rakh diya hai, aur inke peeche bhi. Maine unhe dhak diya hai taake woh mujhe  na dekh sake.” 📌(36:9)
🌻Jawaan , Rasool (SalAllahu alaihi wa sallam) ko bahar nikalte nahi dekha. Aap jaldi Abu Bakr (R.A) ke paas pahunche aur dono safar shuru kar diya, Yathrib ki taraf bahi balki uske mukhalif Yemen ki taraf. Subah hote hote, Aap logon ne paanch mile ki duri ka safar tay kar chuke, aur phir Aap log ne Pahade Thawr mein panah li.
🌻Rasool ( SalAllahu alaihi wa sallam) ke bach nikalne ki khabar se  bekhabar, hathyaare abhi bhi intezar kar rahe the ki Aap kab ghar ke bahar niklenge. Jab fajr ka waqt hua, aur Ali(R.A) neend se uthe, tab jaake unhe ehsaas hua ki unke saath khel khela gaya. Unlogon ne Ali(R.A) se, Rasool (SalAllahu alaihi wa sallam) ki mujuudgi ke baare mein  puchtaaj karne lage, lekin Ali(R.A) ne unhe azizi se kaha ki unhe koi khabar nahi. Unlogon be Ali(R
A) ko kheenchte hue Ka’bah le gaye aur unhe qaid mein rakha, lekin  aap ne unlogon ko kuch nahi bataya.
🌻Phir unlogon ne Abu Bakr (R.A) ke ghar ki taraf daude aur wahan pata chala ki woh bhi gayab hai. Lekin, unlog ne wagan Abu Bakr( R.A) ki beti , Asmaa(R.A) ko paaya, jo unhe kuch bhi batane se inkaar kar diya. Unki khamoshi , unhe aur gussa dila rahi thi, aur gusse se bahar hokar Abu Jahl ne Asmaa(R.A) ko  itni zor se thappad mara ki unke kaan ki baali nikal kar kahin dur jaakar gir gayi. Quraysh , Rasool (SalAllahu alaihi wa sallam) aur Abu Bakr(R.A) ko dundne lage aur elaan kiya ki jo bhi unhe Aap dono ki khabar denge,  ya unhe zinda ya murda layenge  unhe inaam mein sau(100) unt diye jayenge.
✨GUFA MEIN THEEN(3) RAATEN ✨
🌻Jab Rasool (SalAllahu alaihi wa sallam) aur Abu Bakr( R.A) , pahade Thawr pahunche, Abu Bakr(R.A) , pahele gufa mein daakhil hue, taake aap wahan aise cheezon ki safayi kare, jisse Rasool( SalAllahu alaihi wa sallam) ko nuksaan na pahunchaye ya phir zakhmi na karde. Unhe wahan  kuch surakhen dikhi , jise aap kapde thoos kar band kiya. Phir Aap andar aaye aur apna sir Abu Bakr(R.A) ke goed mein rakhkar so gaye.
🌻Achanak, kuch aakar Abu Bakr(R.A) ki dank mara, lekin aap bilkul apni jagah se tas se mas na hue, is dar se ki , kahin Rasool (SalAllahu alaihi wa sallam) neend se na uth jaaye. Dard itna zyada ho raha tha ki , aap ke ankhon se aansu nikal kar bahne lage aur aansu jaakr Rasool( SalAllahu alaihi wa sallam) ke chehre par gire. Aap uthe aur dekha ki Abu Bakr(R.A) bahuth dard mein the. Aap ne apba thook , zakhm par lagaya aur dard gayab ho gaya.
🌻Lagataar theen(3) raat Aap dono ne gufa mein hi panah li. Is darmiyaan, Abu Bakr(R.A) ke bete, Abdullah , har raat wahan aas paas pahunchte aur guzarte. Hoshiyaar naujawaan , subha hone se pahele hi Makkah laut aate, taake Quraysh ko yeh andaza na ho ke woh kahin aur jaakar sote hai.
🌻Har din woh Makkah se Quraysh ki tajveezon ki aur harkathon ki khabar akhatta karte, aur har raat Rasool ( SalAllahu alaihi wa sallam) aur Abu Bakr(R.A)  ko etela karte. Abu Bakr(R.A) ke gulaam, Amir bin Fuhayra(R.A) ,  gufa ke aas paas aapke bakriyon ko charaate, taake Aap dono taaza dudh pee sake.
🌻Dusre din subha savere, bakriyon ko wapas Makkah laate, usi raaste se , jo Abdullah liya karte, taake unke pair ke nishaaniyon ko mita de. Is beech dunde wala jhund wahan tak pahuncha , jahan Aap dono ne panah li thi.
🌻Ek baar toh Quraysh , us gufa ke munh tak pahunch gaye, aur wahan ruk kar har jagah dundne lage, woh log Aap dono ko pakad bhi lete. Quraysh ko gufa ke itne nazdeek paakar Abu Bakr ( R.A) pareshaan ho gaye, Rasool (SalAllahu alaihi wa sallam) ke hifazath ke baare mein sochkar. Phir Aap ne inhe housla diya,
👉🏻”Kyun pareshaan hote ho apne dono ke baare mein, jab ke theesra hai, khususan jab ke woh theesra khud Allah (swt) hai?”
🌻🌻🌻🌻🌻🌻🌻🌻🌻
TO BE CONTINUED……..
END OF PART 75…..

SABAQ 77

Nov26
🌹Assalamu alaikum Wa Rahmatullahi Wa Barakaatuhu 🌹
🌹SEERAH OF MUHAMMAD
(SalAllahu alaihi wa sallam)
📚 LESSON NO:- 7⃣7⃣ 📚
🌹 SABAQ:-
🔻Madinah ke raaste ke darmiyaan(continued) 
🔻Qubaa mein aamadgi
✨MADINAH KE RAASTE KE DARMIYAAN(CONT….)✨
🌹Suraqa apne ghode ko kosne laga, aur bahuth hi mushkil se woh apne ghode ke pair reth se nikaal paya. Magar jab woh peeche mud kar dekha, usne dekha ki ghode ke khur(naal)  se aag ki tarah dhul ud rahi hai. Woh jaldi se ek aur theer bahar kheecha, ache ya bure  andesha ka shagun dekhne ke liye. Ab woh achi tarah mutmayeen ho gaya ki , woh ab Rasool (SalAllahu alaihi wa sallam) ko giraftaar nahi kar payega.
🌹Phir woh Rasool ( SalAllahu alaihi wa sallam) ko pukara aur apne aap ko Aap ke supurd kar diya. Musafir ruke, aur intezaar karne lage ki woh aage bade. Suraqa unhe khana pesh kiya, lekin woh uske anaj ko inkaar kar diye. Lekin, Rasool (SalAllahu alaihi wa sallam) ne use kaha ki , woh Quraysh
ko , Aap sab ki khabar na de. Suraqa maan liya, aur unhe ek khath dene ko kaha , aage ke liye uski hifazath ka ikhraar karte hue. Rasool (SalAllahu alaihi wa sallam) ne Amir ko ek saaf kiye hue chamde par khath likhkar dene ke liye kaha.
🌹Suraqa , phir Makkah wapas lauta. Usne sab inaam ki lalach mein dundne nikle hue logon se kaha ke woh wapas laut jaye, kyun ki , woh pahele se hi saara elakha dund chuka hai , aur faraar hue log , use kahin nahin mile. Yeh chaar musaafir, apna safar phir se tay kiya, aur raaste mein, Rasool (SalAllahu alaihi wa sallam) ki mulakhaath jald se Burida bin Husayb Aslami ke saath saath, unke maannewale   sathar(70)ya assi(80) khandaanon se hui. 
🌹Woh saare Islam qubool kiya aur shaam ki namaz  Rasool (SalAllahu alaihi wa sallam) ke saath ada ki. Burida , Uhud ki Jung ke baad , Madinah hijrath kiye. Rasool (SalAllahu alaihi wa sallam) ki mulakhaath, Abu Tamim Aus bin Hajr Aslami se bhi , Arj mein hui. Us waqt Rasool(SalAllahu alaihi wa sallam) aur Abu Bakr (R.A) , ek hi unt par sawaari kar rahe the, kyun ki unki ek unt kamzor ho gayi thi. Abu Tamim ne aaplog ko ek unt pesh kiya aur saath mein ek gulaam  , jiska naam Mas’ood bin Hanida tha bheja , jo aaplog ke saath  Yathrib pahunchne tak saath tha.
🌹 Haalanke, Abu Tamim muslim ho gaye, woh Arj mein hi rehna pasand kiya. Baad mein , Jung-e-Uhud mein aap muslims ke bahuth kaam aaye, apne gulaam Mas’ood se, yeh khabar pahunchakar ke Makkah waale , Madinah ki taraf hamle ke liye bad rahe hai.
🌹Jab Rasool (SalAllahu alaihi wa sallam) Reem ke waadi pahunche, Aap ki mulakhaath Zubayr bin Awwam se hui, jo ek muslim karobaari caravan ke saath the, jo Syria se wapas laut rahe the. Unhone , Rasool.(SalAllahu alaihi wa sallam) aur Abu Bakr(R.A) ko safed  kapde ke thaane (sheets) tohfe mein diye.
✨QUBAA MEIN AAMAD✨
🌹Paigamber banne ke chaudah(14) saal baad, Peer ke din, Rasool (SalAllahu alaihi wa sallam) , Yathrib ki bahari sarhad Qubaa mein tashreef laaye. Yathrib(jiska naam baad mein Al-Madinah Al -Munawwarah, Roshni ka shaher) ke log, Rasool (SalAllahu alaihi wa sallam) ka bechaini se lamba intezaar kar rahe the, aur har ek din , sab Hira ki taraf jaate aur suraj  ki tez roshni bardashth karne ki had tak wahan  intezaar karte.
🌹Ek din log lambe waqt tak , Rasool (SalAllahu alaihi wa sallam) ka intezaar karke wapas apne ghar laute. Ek yahudi ki nazar , kuch dur par safed kapde pahne hue ek choti  musafiron ki  jamaath par padi. Usne awaaz lagayi: ‘ Aye Arab ke logon! Jiska tum log intezar kar rahe ho , woh aa pahunche hai.”
🌹Muslims apne hathyaar liye, daud pade , Rasool.( SalAllahu alaihi wa sallam) ka istekhbaal karne ke liye. Wahan par shorgul mach gayi, kyun ki har ek registaan ke kinaare tak pahunchkar , musafiron ka dedaar karna chahta tha. Rasool (.SalAllahu alaihi wa sallam)  seedhe taraf mude aur Banu Amr bin Auf ke paas Qubaa mein tashreef laaye. 
🌹Qubaa pahunchne ke baad, Rasool (SalAllahu alaihi wa sallam) unt se uthre aur khamoshi se bait gaye. Ab woh Ansar ( haqeeqat mein woh sahabi, jisko yeh laqab diya gaya, woh muslims the , jo Al-Madinah ke rehne wale the)jo Rasool (SalAllahu alaihi wa sallam) ko nahi dekha tha, Abu Bakr (R.A) ko paigamber samaj gaye, kyun ki aap ke baal safed  ho gaye the. Lekin jab sab ne Abu Bakr(R.A) ko , Rasool.(SalAllahu alaihi wa sallam)ko  chadar se chaanv dete hue dekha, toh unhe apni galthi ka ehsaas hua.
🌹Rasool.(SalAllahu alaihi wa sallam) Qubaa mein Kulthoom bin Hadam ke ghar mein tashreef rakhe. Kuch sur zariye, yeh kahte hai ki Aap Sa’d bin Khathima ke ghar par rahe.  Wahan Aap chaar(4) din rahe, is waqt Aap ne Masjid-e- Qubaar ki buniyaad rakhi. Us Jummah ke din , Abu Bakr(R.A) ke saath Qubaa chodkar rawana hue. 
🌹Aap ne Banu Najjar, jo Aap ke nanajaan ka ghar tha, khabar bheji. Unke qabile ke log, Qubaa pahunche, apne talwaar , apne saath latkaate hue, aur Rasool (SalAllahu alaihi wa sallam) ke saath Madinah jaane ke liye shaamil ho gaye. Jab Aap sab Banu Salim bin Auf ke yahan pahunche, Jummah ke qutbe ka waqt ho chuka tha. Rasool (SalAllahu alaihi wa sallam) ne sau muslims ke namaz  jamaath mein padhayi.
🌹🌹🌹🌹🌹🌹🌹🌹🌹
TO BE CONTINUED………
END OF PART 77…….

SABAQ 78

Nov26
🌻Assalamu alaikum Wa Rahmatullahi Wa Barakaatuhu 🌻
🌻SEERAH OF MUHAMMAD
(SalAllahu alaihi wa sallam)
📚 LESSON NO: 7⃣8⃣ 📚
🌻 SABAQ:-
🔻Rasool.(SalAllahu alaihi wa sallam) Madinah mein dakhil hue.
🔻Ali (R.A) hijrath kiye.
🔻Rasool (SalAllahu alaihi wa sallam) ka khandaan bhi hijrath kiye.
🔻Suhayb (R.A) hijrath kiye.
✨RASOOL(SalAllahu alaihi wa sallam) MADINAH MEIN DAKHIL.HUE ✨
🌻Jummah ki namaz ada karne ke baad, Rasool (SalAllahu alaihi wa sallam) aur Aap ke musahabean (hamraah) Madinah ke liye rawana hue. Khushgawaar  aadmi, aurat aur bacche ,Aap ka estekhbaal kiye, aur Madinah ki patli galiyan , khushi ki cheekon se gunj uthi. Auraten aur bacche estekhbaal karte hue gaana  gaane lage, jo aaj bhi muslims , us khushi ke din ko yaad karte hue, khusi se gaate hai. Rasool( SalAllahu alaihi wa sallam) pure chaudvin ke chand ki tarah, apne logon mein nazar aa rahe the: 
👉🏻 ‘Hamare saamne pura chaudvin ka chand nazar aa raha hai. Hum Allah(swt) ka shukr ada karna chahiye. Aap ko, hamare liye bheja gaya hai,  Allah(swt) ke hukum laane ke liye jo amal kiye jayenge.”
🌻Jaise Rasool(SalAllahu alaihi wa sallam) , Madinah ki galiyon ae guzarte, log, Aap ke unt ka lagam pakadte aur Aap ko apne apne yahan rahne ki dawath dete.
👉🏻” untni ko apne raaste par chalne dijiye,” Rasool (SalAllahu alaihi wa sallam) ne kaha.
👉🏻”Use Allah(swt) se hidayath mili hui hai.”
🌻Akhirkaar, untni jhuki, lekin Rasool (SalAllahu alaihi wa sallam) us par se niche nahi uthre . Untni phir uth khade ho gayi,aur aage kuch duri tay karne ke baad, phir peeche mud kar , usi jagah par jaakar baiti , jahan pahele baiti thi. Masjid-Al-Nabawi ki tameer isi jagah par hui hai. 
🌻Bahuth saare log , ek dusre se aage bad rahe the, Rasool (SalAllahu alaihi wa sallam) ko apne apne ghar par panah dene ke liye, magar woh Abu Ayyub Ansari the , jo jaldi , jaldi jaakar, unt se zeen nikaal liya aur apne ghar le gaye. Rasool (SalAllahu alaihi wa sallam) ne mazaak karte hue kaha, ” ek aadmi ko apne jaanwar ki  zeen ke peeche jaana chahiye.” aur Aap,Abu Ayyub ke yahan gaye. Asad bin Zurara ne rassi pakad li, toh unhe jaanwar ki dekhbhaal karne ki izzazat de di gayi. 
🌻Ansar ke sardar , ek dusre se muqable karne lage, Rasool (SalAllahu alaihi wa sallam) ka estekhbaal karne ke liye. Har raat, Rasool (SalAllahu alaihi wa sallam) ko kam se kam theen(3) ya chaar(4) khaane ke thaal aa jaya karte the. Har koi , yeh batana chahta tha ki Aap ko apne sahabiyon mein ek naya ghar mil gaya hai.
✨ALI(R.A)HIJRATH KIYE✨
🌻Peeche Makkah mein, Ali(R.A) , Rasool (SalAllahu alaihi wa sallam) ke jaane ke baad theen din tak ruke the, ab hijrath karne ke liye tayaar ho gaye.  Is theen din ke dauraan , aap ne Rasool (.SalAllahu alaihi wa sallam) ke saare maamle Makkah me mukammal kiye. Aur  aap paidal hi nikal pade, aur Rasool( SalAllahu alaihi wa sallam) se Qubaa mein jaakar mil gaye, jahan Aap Kulthoom bin Hadam ke ghar par ruke hue the. 
✨RASOOL (SalAllahu alaihi wa sallam) KA KHANDAAN BHI HIJRATH KIYA.✨
🌻Rasool (SalAllahu alaihi wa sallam) ke Madinah mein cheh(6) maah guzarne ke baad, Aap Zayd bin Harith aur Abu Rafi ko Makkah bheja. Aaplog ,wapas Rasool(SalAllahu alaihi wa sallam) ke khandaan ko saath le aaye: Fatimah , Umm Kulthoom, Sauda, Umm Ayman aur Osama bin Zayd. Abdullah bin Abu Bakr bhi aaplog ke saath the, saare Abu Bakr(R.A) ke khandaan ke log ke saath , Umm Ruman, Aishah aur Asmaa(R.A) .
✨SUHAYB (R.A)HIJRATH KIYE.✨
🌻Rasool (SalAllahu alaihi wa sallam) ki rawaangi ke baad Makkah mein ek nayi hawa chali , Madinah ko hijrath karne ki. Amir gharane se talukh ;  Suhayb(jise Abu Yahaya,; yaane Yahya ke waalid bhi kaha jaata tha) , jo lambe arse se hijrath karne ki koshish kar rahe the, lekin Quraysh ke nazron se bachkar nahi nikal paa rahe the, akhirkaar Makkah chodkar Madinah jaane mein kaamyaab ho gaye.Quraysh , itne amir taajir ko aur unki milkiyath ko, apne yahan se nahi jaane dena chahthe the, Suhayb(R.A) ne unse sauda kiya ki, woh apni saari jaydaad aur milkiyath, Quraysh ko supurd kardenge agar unhe Madinah jakar, muslims mein shaamil hone de.  Jab apna sab kuch dekar, bina ek paise ke Suhayb (R.A) jaakar Rasool (SalAllahu alaihi wa sallam) se mile aur bataya ki kaise unhone azaadi haasil ki, tab Aap ne kaha:
👉🏻Abu Yahya! Yeh sauda aapke kaamyaabi ka taaj hai.”
🌻🌻🌻🌻🌻🌻🌻🌻🌻
TO BE CONTINUED…….
END OF PART 78……..